ಶುಕ್ರವಾರ, ಜನವರಿ 28, 2022
25 °C

ಅವಧಿ ಮೀರಿದ ನಂತರ ವಿದ್ಯುತ್ ಬಿಲ್‌- ಜೆಸ್ಕಾಂ ಸಿಬ್ಬಂದಿ ಕ್ರಮಕ್ಕೆ ಆಕ್ರೋಶ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಕುಷ್ಟಗಿ: ಇಲ್ಲಿಯ ಜೆಸ್ಕಾಂ ಸಿಬ್ಬಂದಿ ವಿದ್ಯುತ್‌ ಶುಲ್ಕ ಪಾವತಿಗೆ ಸಂಬಂಧಿಸಿದಂತೆ ಪಾವತಿ ಕೊನೇ ದಿನದ ಅವಧಿ ಮುಗಿದ ನಂತರ ವಿದ್ಯುತ್‌ ಬಿಲ್‌ ನೀಡಿರುವುದು ಕಂಡುಬಂದಿದೆ.

ಪಟ್ಟಣದ ಮೂರನೇ ವಾರ್ಡಿನ ದಿ.ಯಂಕಪ್ಪ ಲೋಕರೆ ಎಂಬ ಹೆಸರಿನ ಗ್ರಾಹಕರ ಮನೆಗೆ ಗೃಹಬಳಕೆ ವಿದ್ಯುತ್‌ ಸಂಪರ್ಕ ಕಲ್ಪಿಸಲಾಗಿದೆ. ಮೀಟರ್‌ ರೀಡಿಂಗ್ ಪಡೆದ ಜೆಸ್ಕಾಂನ ಮೀಟರ್‌ ರೀಡರ್‌ ನ.25 ರಂದು ಬಿಲ್‌ ನೀಡಿದ್ದಾರೆ. ಆದರೆ, ಬಿಲ್‌ ಪಾವತಿಗೆ ನ.21 ಕೊನೆ ದಿನ ಎಂಬುದು ಬಿಲ್‌ನಲ್ಲಿ ನಮೂದಾಗಿದೆ. ಈ ಕುರಿತು ಜೆಸ್ಕಾಂ ವಿರುದ್ಧ ಅಸಮಾಧಾನ ಹೊರಹಾಕಿದ ಕುಟುಂಬಸ್ಥರಾದ ಎ.ವೈ.ಲೋಕರೆ, ನಿಗದಿತ ಅವಧಿಯಲ್ಲಿ ಶುಲ್ಕದ ಮೊತ್ತ ಪಾವತಿಸದಿದ್ದರೆ ಬರುವ ತಿಂಗಳು ಬಡ್ಡಿ ವಿಧಿಸುತ್ತಾರೆ. ವಿಳಂಬವಾದರೆ ವಿದ್ಯುತ್‌ ಸಂಪರ್ಕ ಕಡಿತಗೊಳಿಸುತ್ತಾರೆ. ಅವರು (ಜೆಸ್ಕಾಂ) ಮಾಡುವ ತಪ್ಪಿಗೆ ಗ್ರಾಹಕರು ಅನಗತ್ಯವಾಗಿ ಬಡ್ಡಿ, ದಂಡದ ಹೊರೆ ಹೊರ ಹೊರಿಸುವಂಥದ್ದು ಯಾವ ನ್ಯಾಯ? ಎಂದು ಪ್ರಶ್ನಿಸಿದರು.

ಈ ಕುರಿತು ಮಾಹಿತಿಗಾಗಿ ಸಂಪರ್ಕಿಸಿದರೆ ಸಹಾಯಕ ಕಾರ್ಯಪಾಲಕ ಎಂಜಿನಿಯರ್ ಮಂಜುನಾಥ್ ಅವರು ದೂರವಾಣಿ ಸಂಪರ್ಕಕ್ಕೆ ಲಭ್ಯವಾಗಲಿಲ್ಲ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು