ಭಾನುವಾರ, ಆಗಸ್ಟ್ 1, 2021
21 °C
ಹೈರಣಾದ ಜನಸಾಮಾನ್ಯರು; ತತ್ತರಿಸಿದ ಹೋದ ಚಾಲಕರು

ಮೈಸೂರಿನಲ್ಲಿ ಸೆಂಚುರಿ ಹೊಡೆದ ಪೆಟ್ರೋಲ್‌ ಬೆಲೆ

ಕೆ.ಎಸ್.ಗಿರೀಶ Updated:

ಅಕ್ಷರ ಗಾತ್ರ : | |

Prajavani

ಮೈಸೂರು: ನಗರದಲ್ಲಿ ಪೆಟ್ರೋಲ್ ಬೆಲೆ ಭಾನುವಾರ ಒಂದು ಲೀಟರ್‌ಗೆ ₹ 100 ದಾಟಿದೆ. ಇದರಿಂದ ಜನಸಾಮಾನ್ಯರು ಹೈರಾಣಾಗಿದ್ದರೆ, ಚಾಲಕರು ತತ್ತರಿಸಿ ಹೋಗಿದ್ದಾರೆ.

ಚೆನ್ನೈನಿಂದ ‘ಬಿಪಿಸಿ’ ಕಂಪನಿಗೆ ತೈಲ ಸರಬರಾಜಾದರೆ, ‘ಎಚ್‌ಪಿಸಿ’ಗೆ ಹಾಸನದಿಂದ ಹಾಗೂ ಮಂಗಳೂರಿನಿಂದ ‘ಐಒಸಿ’ಗೆ ಸರಬರಾಜಾಗುತ್ತದೆ. ಈ ಎಲ್ಲದರ ದರ ₹ 100 ದಾಟಿದೆ. ಇವು ಎಷ್ಟು ದೂರದಿಂದ ಸರಬರಾಜಾಗುತ್ತದೆ ಎನ್ನುವುದರ ಆಧಾರದ ಮೇಲೆ ಬೆಲೆಯಲ್ಲಿ ಒಂದಷ್ಟು ಪೈಸೆಗಳ ಅಂತರ ಇದೆ. ಖಾಸಗಿ ಕಂಪನಿಗಳಾದ ಶೆಲ್ ಹಾಗೂ ಎಸ್ಸಾರ್‌ ಪೆಟ್ರೋಲ್‌ ಬಂಕ್‌ನಲ್ಲೂ ಈಗಾಗಲೇ ಪೆಟ್ರೋಲ್ ದರ ₹ 100 ಮುಟ್ಟಿದೆ.

ಈ ಕುರಿತು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದ ಪೆಟ್ರೋಲಿಯಂ ಅಸೋಸಿಯೇಷನ್‌ ಗೌರವ ಅಧ್ಯಕ್ಷ ದಿನೇಶ್‌, ‘ಮೈಸೂರು ನಗರದಲ್ಲಿ ಒಟ್ಟು 80 ಪೆಟ್ರೋಲ್‌ ಬಂಕ್‌ಗಳಿವೆ. ಎಲ್ಲ ಬಂಕ್‌ಗಳಲ್ಲೂ ಪೆಟ್ರೋಲ್ ಬೆಲೆ ₹ 100ರ ಗಡಿ ದಾಟಿದೆ’ ಎಂದು ಹೇಳಿದರು.
 

ಕಾರ್ಮಿಕರ ಮೇಲೆ ಬರೆ

‍ಪೆಟ್ರೋಲ್ ಬೆಲೆ ಹೆಚ್ಚಾಗಿರುವುದು ಕಾರ್ಮಿಕರ ಮೇಲೆ ಗದಾ ಪ್ರಹಾರ ನಡೆಸಿದಂತಾಗಿದೆ. ಜಿಲ್ಲೆಯಿಂದ ನಂಜನಗೂಡು, ಹೆಬ್ಬಾಳ, ತಾಂಡವಪುರ ಸೇರಿದಂತೆ ವಿವಿಧ ಭಾಗಗಳಲ್ಲಿರುವ ಕಾರ್ಖಾನೆಗಳಿಗೆ ದುಡಿಯಲು ಹೋಗವ ಕಾರ್ಮಿಕರಿಗೆ ಇದು ಸಹಿಸಲಾರದ ಹೊರೆ ಎನಿಸಿದೆ.

ಈ ಕುರಿತು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದ ಕಾರ್ಮಿಕ ಸಚಿನ್, ‘ಸರ್ ನಾನು ಇಮ್ಮಾವು ಗ್ರಾಮದವ. ತಾಂಡವಪುರದ ‘ಎಬಿಬಿ’ ಕಾರ್ಖಾನೆಗೆ ಹೋಗಲು ಹಿಂದೆ ₹ 1 ಸಾವಿರ ಮೌಲ್ಯದ ಪೆಟ್ರೋಲ್ ಬೇಕಾಗಿತ್ತು. ಈಗ ₹ 2 ಸಾವಿರ ಮೌಲ್ಯದ ಪೆಟ್ರೋಲ್‌ ಬೇಕಿದೆ. ಸಂಬಳ ಮಾತ್ರ ಅಷ್ಟೇ ಇದೆ. ಇದರ ಜತೆಗೆ, ಅಡುಗೆ ಅನಿಲ ಬೆಲೆ ದುಪ್ಪಟ್ಟಾಗಿದೆ. ₹ 3 ಸಾವಿರ ಒಂದು ತಿಂಗಳಿಗೆ ಮನೆ ಸಾಮಾನು ಸಿಗುತ್ತಿತ್ತು. ಈಗ ₹ 6 ಸಾವಿರ ಬೇಕಿದೆ’ ಎಂದು ತಿಳಿಸಿದರು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು