ಹುಣಸೂರು: ಶುಂಠಿ ಬೆಳೆಗೆ ಮುಗಿಬಿದ್ದ ರೈತ

ಹುಣಸೂರು: ಹುಣಸೂರು ಉಪ ವಿಭಾಗದ ವಾಣಿಜ್ಯ ಬೆಳೆ ಶುಂಠಿ ಬೇಸಾಯ ಭರದಿಂದ ಸಾಗಿದ್ದು, ರೈತರು ಹೊಲ ಹದಗೊಳಿಸುವಲ್ಲಿ ತೊಡಗಿದ್ದಾರೆ.

. ತಾಲ್ಲೂಕು ಸೇರಿದಂತೆ ಉಪವಿಭಾಗದ ನಾಲ್ಕು ತಾಲ್ಲೂಕಿನಲ್ಲೂ ಶುಂಠಿ ಬೇಸಾಯ ಬೆಳೆಯುವಲ್ಲಿ ರೈತ ಆಸಕ್ತಿ ತೋರಿ ಆರ್ಥಿಕ ಸಧೃಡತೆಗೆ ಲಗ್ಗೆ ಹಾಕಿದ್ದಾನೆ. ಈ ಬೆಳೆ ಬಹುತೇಕ ಇಳಿಜಾರು ಪ್ರದೇಶದ ಕೆಂಪು ಮಣ್ಣು ಅಥವಾ ಮೃದು ಮಣ್ಣಿನಲ್ಲಿ ಬೆಳೆಯುವುದು ಸಾಮಾನ್ಯ.

. ತಾಲ್ಲೂಕಿನಲ್ಲಿ 4 ಸಾವಿರ ಹೆಕ್ಟೇರ್ ಪ್ರದೇಶದಲ್ಲಿ ಶುಂಠಿ ಬೇಸಾಯ ಮಾಡುವ ಅಂಕಿ ಅಂಶವಿದ್ದು, ಕಳೆದ ಸಾಲಿನಲ್ಲಿ ಈ ಬೆಳೆಗೆ ಉತ್ತಮ ದರ ಸಿಗಲಾಗಿ ಈ ಸಾಲಿನಲ್ಲಿ ಬೆಳೆ ಮತ್ತಷ್ಟು ಹೆಚ್ಚಿನ ಪ್ರದೇಶದಲ್ಲಿ ಆವರಿಸುವ ಸಾಧ್ಯತೆ ಇದೆ.

. ತೋಟಗಾರಿಕೆ ಇಲಾಖೆ ಸಹಾಯಕ ನಿರ್ದೇಶಕ ಸಿದ್ಧರಾಜು ‘ಪ್ರಜಾವಾಣಿ’ಯೊಂದಿಗೆ ಮಾತನಾಡಿ, ಶುಂಠಿ ಬೇಸಾಯ ಈ ಹಿಂದೆ ಮಲೆನಾಡು ಪ್ರದೇಶದಲ್ಲಿ ವಾಡಿಕೆ ಬೆಳೆಯಾಗಿತ್ತು. ಹುಣಸೂರು ಉಪವಿಭಾಗದಲ್ಲಿ ಕೇರಳದ ವಲಸಿಗ ರೈತರು ಶುಂಠಿ ಬೇಸಾಯ ಆರಂಭಿಸಿ ಈಗ ಅವ್ಯಾಹಿತವಾಗಿ ಹರಡಿಕೊಂಡಿದೆ ಎಂದು ತಿಳಿಸಿದರು.

. ಬಿತ್ತನೆಗೆ ಸಿದ್ಧತೆ : ಶುಂಠಿ ಬಿತ್ತನೆ ಬೀಜ ಪ್ರತಿ 60 ಕೆ.ಜಿ ಬ್ಯಾಗ್ಗೆ ₹ 4 ಸಾವಿರವಿದ್ದು, ಒಂದು ಹೆಕ್ಟೇರ್ ಪ್ರದೇಶಕ್ಕೆ 1,500 ರಿಂದ 1,600 ಕೆ.ಜಿ ಬಿತ್ತನೆ ಬೇಕಾಗುತ್ತದೆ. ಇದಲ್ಲದೆ ಒಂದು ಹೆಕ್ಟೇರ್ ಪ್ರದೇಶಕ್ಕೆ ಕೊಟ್ಟಿಗೆ ಗೊಬ್ಬರ 8 ರಿಂದ 10 ಟನ್ ಅಗತ್ಯವಿದೆ. ಇದಲ್ಲದೆ, ರಾಸಾಯನಿಕ ಗೊಬ್ಬರ ಹೆಚ್ಚುವರಿಯಾಗಿ ಎರಡು ಬಾರಿ ನೀಡಬೇಕಾಗುವುದು. ಒಟ್ಟು ಒಂದು ಹೆಕ್ಟೇರ್ ಶುಂಠಿಗೆ ಕನಿಷ್ಠ ₹ 2ರಿಂದ 3 ಲಕ್ಷ ಬಂಡವಾಳ ಬೇಕಾಗುವುದು ಎಂದು ಮಾಹಿತಿ ನೀಡಿದರು.

. ವಾರ್ಷಿಕ ಬೆಳೆ ಶುಂಠಿಗೆ ಅಗತ್ಯಕ್ಕೆ ತಕ್ಕಷ್ಟು ತೋಟಗಾರಿಕೆ ಇಲಾಖೆ ಶಿಫಾರಸು ಮಾಡಿದ ಔಷಧೋಪಚಾರ ಮಾಡಿದರೆ ಸಾಕು. ರೈತರು ಮನಸೋಯಿಚ್ಛೆ ಔಷಧಿ ಬಳಸುತ್ತಿದ್ದು ಮಣ್ಣಿನ ಫಲವತ್ತತೆ ಹಾಳಾಗುತ್ತಿದೆ. ಇಲಾಖೆ ಸಾವಯವ ಗುಣವುಳ್ಳ ‘ಕಾಪರ್ ಆಕ್ಸೈಡ್ ಕ್ಲೋರೈಡ್’ ಶಿಫಾರಸು ಮಾಡುತ್ತಿದ್ದಾರೆ. ಕೆಲವರು ಕೇರಳ ವಲಸಿಗರು ಬಳಸುವ ಹಾನಿಕಾರಕ ಔಷಧಿ ‘ರೆಡಾಮಿಲ್’ ಬಳಸುತ್ತಿದ್ದು ಇದರಿಂದ ಅನೇಕ ಸಮಸ್ಯೆ ಎದುರಿಸಬೇಕಾಗುವುದು. ಬೆಳೆ ಬಳಿದ ಬಳಿಕ ಸೇವನೆಯಿಂದ ಆರೋಗ್ಯದ ಮೇಲೂ ವ್ಯತಿರಿಕ್ತ ಪರಿಣಾಮ ಎದುರಿಸಬೇಕಾಗಬಹುದು ಎಂದು ಅವರು ಎಚ್ಚರಿಸಿದರು.

. ಶುಂಠಿ ಹೊಲದ ತೇವಾಂಶ ಕಾದುಕೊಳ್ಳಲು ನೆರಳಿಗೆ ರೈತರು ಕಬ್ಬಿನ ತರಗಿಗೆ ಮೊರೆ ಹೋಗಿದ್ದಾರೆ. ಒಂದು ಟ್ರ್ಯಾಕ್ಟರ್ ಲೋಡ್ ಕಬ್ಬಿನ ತರಗು ₹ 6 ಸಾವಿರ ನೀಡಿ ಖರೀದಿಸಬೇಕಾಗಿದೆ ಎಂದು ರೈತರು ಹೇಳಿದರು.

. * ತಂಬಾಕು ಬೇಸಾಯಕ್ಕಿಂತಲೂ ಶುಂಠಿ ಬೇಸಾಯ ಪರ್ಯಾಯ ಆರ್ಥಿಕ ಬೆಳೆಯಾಗಿದ್ದು, 1 ಹೆಕ್ಟೇರ್ ಪ್ರದೇಶದಲ್ಲಿ 40ರಿಂದ 45 ಟನ್ ಸರಾಸರಿ ಬೆಳೆ ಬೆಳೆಯಬಹುದು. -ಮಹದೇವ್, ರೈತ, ನೇರಳಕುಪ್ಪೆ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹುಣಸೂರು: ಶುಂಠಿ ಬೆಳೆಗೆ ಮುಗಿಬಿದ್ದ ರೈತ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

ಟೆನಿಸ್ ಆಟಗಾರರು ಭಾರತ-ಪಾಕ್ ಪಂದ್ಯಕ್ಕೆ ಸಮನಾದ ಒತ್ತಡ ನಿಭಾಯಿಸುತ್ತಾರೆ: ಕೊಹ್ಲಿ

ನಾಯಕನಾಗಿ ಗಿಲ್‌ ಹನಿಮೂನ್ ಅವಧಿ ಆನಂದಿಸುತ್ತಿದ್ದಾರೆ: ಗಂಗೂಲಿ

Wimbledon | ಸೆಮಿಗೆ ಸಬಲೆಂಕಾ, ಫ್ರಿಟ್ಜ್‌

Ind vs Eng Test: ಲಾರ್ಡ್ಸ್‌ನಲ್ಲಿ ಸವಾಲಿನ ಪಿಚ್‌ ನಿರೀಕ್ಷೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ