<p><strong>ಮೈಸೂರು: </strong>ದಸರಾ ಜಂಬೂಸವಾರಿಯಲ್ಲಿ ಹಿಂದೆ ಅರ್ಜುನ, ಈ ಬಾರಿ ಅಭಿಮನ್ಯು ಆನೆ ಯಶಸ್ವಿಯಾಗಿ ಅಂಬಾರಿ ಹೊತ್ತು ಸಾಗುವಲ್ಲಿ ‘ಕಾವೇರಿ’ ಆನೆಯ ಪಾತ್ರ ಮಹತ್ವದ್ದಾಗಿದೆ.</p>.<p>ವಿಜಯದಶಮಿ ಮೆರವಣಿಗೆಯಲ್ಲಿ ಏಳೆಂಟು ವರ್ಷಗಳಿಂದ ಕುಮ್ಕಿ ಆನೆಯಾಗಿ ಕಾರ್ಯನಿರ್ವಹಿಸುತ್ತಿರುವ 42 ವರ್ಷದ ಈ ಹೆಣ್ಣಾನೆ, ದಸರೆಯ ವಿಶೇಷ ಆಕರ್ಷಣೆ ಕೂಡ. ಮೆರವಣಿಗೆ ಸರಾಗವಾಗಿ ಸಾಗುವಲ್ಲಿ ಈ ಆನೆಯ ಕೊಡುಗೆಯೂ ಇದೆ.</p>.<p>ಈ ಹೆಣ್ಣಾನೆ ಪಕ್ಕದಲ್ಲಿದ್ದರೆ ಅಂಬಾರಿ ಹೊರುವ ಆನೆಗಳಿಗೆ ಭರವಸೆ, ಜೊತೆಗೆ ಧೈರ್ಯ ಹೆಚ್ಚುತ್ತದೆ ಎಂದು ಹೇಳುತ್ತಾರೆ ಅರಣ್ಯ ಇಲಾಖೆಯ ಪಶುವೈದ್ಯ ಡಾ.ನಾಗರಾಜು.</p>.<p>‘ಕಾವೇರಿ ಆನೆಯು ಯಾವುದಕ್ಕೂ ಗಾಬರಿ ಆಗುವುದಿಲ್ಲ. ಸಿಡಿಮದ್ದಿನ ಸದ್ದಿಗೂ ಬೆದರುವುದಿಲ್ಲ. ಎಷ್ಟೇ ಜನರು ಸೇರಿದ್ದರೂ ಶಾಂತವಾಗಿ, ಸಹನೆಯಿಂದ ಹೆಜ್ಜೆ ಇಡುತ್ತದೆ. ಇದರಿಂದ ಪಕ್ಕದ ಆನೆಗಳು ನಿಯಂತ್ರಣಕ್ಕೆ ಬರುತ್ತವೆ. ಗಲಾಟೆ ಮಾಡದೆಶಾಂತಿಯುತ ವಾಗಿ ಸಾಗುತ್ತವೆ. ಹೀಗಾಗಿ, ಈ ಆನೆಯನ್ನು ಹಲವಾರು ವರ್ಷಗಳಿಂದ ಕುಮ್ಕಿ ಆನೆಯಾಗಿ ಬಳಸಲಾ ಗುತ್ತಿದೆ. ಅದರಲ್ಲೂ ಈ ಆನೆ ಕಂಡರೆ ಅರ್ಜುನನಿಗೆ ಅಚ್ಚುಮೆಚ್ಚು’ ಎಂದು ಅವರು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದರು.</p>.<p>2009ರಲ್ಲಿ ಸೋಮ ವಾರಪೇಟೆ ಆಡಿನಾಡೂರು ಅರಣ್ಯ ಪ್ರದೇಶದಲ್ಲಿ ಈ ಆನೆ ಸೆರೆ ಹಿಡಿಯಲಾಗಿತ್ತು. ಸುಮಾರು 3,200 ಕೆ.ಜಿ ತೂಕವಿದೆ. 2012ರಿಂದಲೂ ಜಂಬೂ ಸವಾರಿಯಲ್ಲಿ ಸತತವಾಗಿ ಪಾಲ್ಗೊಳ್ಳುತ್ತಿದೆ. ಮೊದಲ ವರ್ಷ ಸಾಲಾನೆಯಾಗಿ ಪಾಲ್ಗೊಂಡಿತ್ತು. ಆನಂತರ ಅರ್ಜುನನಿಗೆ ಸಾಥ್ ನೀಡಿತು. ದುಬಾರೆ ಶಿಬಿರದ ಆ ಆನೆಯ ಮಾವುತ ಜೆ.ಕೆ.ದೋಬಿ, ಕಾವಾಡಿ ಜೆ.ಎ.ರಂಜನ್.</p>.<p>‘ಅಂಬಾರಿ ಹೊತ್ತ ಆನೆಗೆ ತಾನು ಒಂಟಿ ಎಂಬ ಭಾವನೆ ಬರಬಾರದೆಂದು ಕೂಡ ಇಕ್ಕೆಲಗಳಲ್ಲಿ ಹೆಣ್ಣಾನೆ ನಿಲ್ಲಿಸಲಾಗುತ್ತದೆ. ಜೊತೆಗೆ ಹೆಣ್ಣಾನೆ ಪಕ್ಕದಲ್ಲಿದ್ದರೆ ಗಂಡಾನೆಯ ನಿಯಂತ್ರಣ ಕೂಡ ಸುಲಭವಾಗುತ್ತದೆ’ ಎಂದು ಡಾ.ನಾಗರಾಜು ನುಡಿಯುತ್ತಾರೆ.</p>.<p><strong>ಕುಮ್ಕಿ ಆನೆ ಎಂದರೇನು?</strong></p>.<p>ಜಂಬೂಸವಾರಿಯಲ್ಲಿ ಭಾಗವಹಿಸುವ ಹೆಣ್ಣಾನೆಗಳಿಗೆ ಕುಮ್ಕಿ ಎನ್ನುತ್ತಾರೆ. ಅಂಬಾರಿ ಹೊತ್ತ ಆನೆಯ ಇಕ್ಕೆಲಗಳಲ್ಲಿ ಈ ಆನೆಗಳು ಹೆಜ್ಜೆ ಹಾಕುತ್ತವೆ.</p>.<p>ಈ ಬಾರಿ 750 ಕೆ.ಜಿ.ತೂಕದ ಚಿನ್ನದ ಅಂಬಾರಿ ಹೊತ್ತು ಸಾಗಿದ ಅಭಿಮನ್ಯುವಿನ ಅಕ್ಕಪಕ್ಕದಲ್ಲಿ ಕಾವೇರಿ ಹಾಗೂ ವಿಜಯಾ ಆನೆ ಸಾಗಿದವು. ಈ ಹಿಂದಿನ ದಸರಾ ಮಹೋತ್ಸವಗಳಲ್ಲಿಸರಳಾ, ಕೋಕಿಲಾ, ವರಲಕ್ಷ್ಮಿ, ಮೇರಿ, ದುರ್ಗಾ ಪರಮೇಶ್ವರಿ, ಚೈತ್ರಾ ಕುಮ್ಕಿ ಆನೆಗಳಾಗಿ ಪಾಲ್ಗೊಂಡಿದ್ದವು. ಕಾವೇರಿ ಹಾಗೂ ವಿಜಯಾ ಆನೆ ಕಳೆದ ಬಾರಿ ಅರ್ಜುನ ಆನೆಗೂ ಕುಮ್ಕಿ ಆಗಿ ಕಾರ್ಯ ನಿರ್ವಹಿಸಿದ್ದವು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೈಸೂರು: </strong>ದಸರಾ ಜಂಬೂಸವಾರಿಯಲ್ಲಿ ಹಿಂದೆ ಅರ್ಜುನ, ಈ ಬಾರಿ ಅಭಿಮನ್ಯು ಆನೆ ಯಶಸ್ವಿಯಾಗಿ ಅಂಬಾರಿ ಹೊತ್ತು ಸಾಗುವಲ್ಲಿ ‘ಕಾವೇರಿ’ ಆನೆಯ ಪಾತ್ರ ಮಹತ್ವದ್ದಾಗಿದೆ.</p>.<p>ವಿಜಯದಶಮಿ ಮೆರವಣಿಗೆಯಲ್ಲಿ ಏಳೆಂಟು ವರ್ಷಗಳಿಂದ ಕುಮ್ಕಿ ಆನೆಯಾಗಿ ಕಾರ್ಯನಿರ್ವಹಿಸುತ್ತಿರುವ 42 ವರ್ಷದ ಈ ಹೆಣ್ಣಾನೆ, ದಸರೆಯ ವಿಶೇಷ ಆಕರ್ಷಣೆ ಕೂಡ. ಮೆರವಣಿಗೆ ಸರಾಗವಾಗಿ ಸಾಗುವಲ್ಲಿ ಈ ಆನೆಯ ಕೊಡುಗೆಯೂ ಇದೆ.</p>.<p>ಈ ಹೆಣ್ಣಾನೆ ಪಕ್ಕದಲ್ಲಿದ್ದರೆ ಅಂಬಾರಿ ಹೊರುವ ಆನೆಗಳಿಗೆ ಭರವಸೆ, ಜೊತೆಗೆ ಧೈರ್ಯ ಹೆಚ್ಚುತ್ತದೆ ಎಂದು ಹೇಳುತ್ತಾರೆ ಅರಣ್ಯ ಇಲಾಖೆಯ ಪಶುವೈದ್ಯ ಡಾ.ನಾಗರಾಜು.</p>.<p>‘ಕಾವೇರಿ ಆನೆಯು ಯಾವುದಕ್ಕೂ ಗಾಬರಿ ಆಗುವುದಿಲ್ಲ. ಸಿಡಿಮದ್ದಿನ ಸದ್ದಿಗೂ ಬೆದರುವುದಿಲ್ಲ. ಎಷ್ಟೇ ಜನರು ಸೇರಿದ್ದರೂ ಶಾಂತವಾಗಿ, ಸಹನೆಯಿಂದ ಹೆಜ್ಜೆ ಇಡುತ್ತದೆ. ಇದರಿಂದ ಪಕ್ಕದ ಆನೆಗಳು ನಿಯಂತ್ರಣಕ್ಕೆ ಬರುತ್ತವೆ. ಗಲಾಟೆ ಮಾಡದೆಶಾಂತಿಯುತ ವಾಗಿ ಸಾಗುತ್ತವೆ. ಹೀಗಾಗಿ, ಈ ಆನೆಯನ್ನು ಹಲವಾರು ವರ್ಷಗಳಿಂದ ಕುಮ್ಕಿ ಆನೆಯಾಗಿ ಬಳಸಲಾ ಗುತ್ತಿದೆ. ಅದರಲ್ಲೂ ಈ ಆನೆ ಕಂಡರೆ ಅರ್ಜುನನಿಗೆ ಅಚ್ಚುಮೆಚ್ಚು’ ಎಂದು ಅವರು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದರು.</p>.<p>2009ರಲ್ಲಿ ಸೋಮ ವಾರಪೇಟೆ ಆಡಿನಾಡೂರು ಅರಣ್ಯ ಪ್ರದೇಶದಲ್ಲಿ ಈ ಆನೆ ಸೆರೆ ಹಿಡಿಯಲಾಗಿತ್ತು. ಸುಮಾರು 3,200 ಕೆ.ಜಿ ತೂಕವಿದೆ. 2012ರಿಂದಲೂ ಜಂಬೂ ಸವಾರಿಯಲ್ಲಿ ಸತತವಾಗಿ ಪಾಲ್ಗೊಳ್ಳುತ್ತಿದೆ. ಮೊದಲ ವರ್ಷ ಸಾಲಾನೆಯಾಗಿ ಪಾಲ್ಗೊಂಡಿತ್ತು. ಆನಂತರ ಅರ್ಜುನನಿಗೆ ಸಾಥ್ ನೀಡಿತು. ದುಬಾರೆ ಶಿಬಿರದ ಆ ಆನೆಯ ಮಾವುತ ಜೆ.ಕೆ.ದೋಬಿ, ಕಾವಾಡಿ ಜೆ.ಎ.ರಂಜನ್.</p>.<p>‘ಅಂಬಾರಿ ಹೊತ್ತ ಆನೆಗೆ ತಾನು ಒಂಟಿ ಎಂಬ ಭಾವನೆ ಬರಬಾರದೆಂದು ಕೂಡ ಇಕ್ಕೆಲಗಳಲ್ಲಿ ಹೆಣ್ಣಾನೆ ನಿಲ್ಲಿಸಲಾಗುತ್ತದೆ. ಜೊತೆಗೆ ಹೆಣ್ಣಾನೆ ಪಕ್ಕದಲ್ಲಿದ್ದರೆ ಗಂಡಾನೆಯ ನಿಯಂತ್ರಣ ಕೂಡ ಸುಲಭವಾಗುತ್ತದೆ’ ಎಂದು ಡಾ.ನಾಗರಾಜು ನುಡಿಯುತ್ತಾರೆ.</p>.<p><strong>ಕುಮ್ಕಿ ಆನೆ ಎಂದರೇನು?</strong></p>.<p>ಜಂಬೂಸವಾರಿಯಲ್ಲಿ ಭಾಗವಹಿಸುವ ಹೆಣ್ಣಾನೆಗಳಿಗೆ ಕುಮ್ಕಿ ಎನ್ನುತ್ತಾರೆ. ಅಂಬಾರಿ ಹೊತ್ತ ಆನೆಯ ಇಕ್ಕೆಲಗಳಲ್ಲಿ ಈ ಆನೆಗಳು ಹೆಜ್ಜೆ ಹಾಕುತ್ತವೆ.</p>.<p>ಈ ಬಾರಿ 750 ಕೆ.ಜಿ.ತೂಕದ ಚಿನ್ನದ ಅಂಬಾರಿ ಹೊತ್ತು ಸಾಗಿದ ಅಭಿಮನ್ಯುವಿನ ಅಕ್ಕಪಕ್ಕದಲ್ಲಿ ಕಾವೇರಿ ಹಾಗೂ ವಿಜಯಾ ಆನೆ ಸಾಗಿದವು. ಈ ಹಿಂದಿನ ದಸರಾ ಮಹೋತ್ಸವಗಳಲ್ಲಿಸರಳಾ, ಕೋಕಿಲಾ, ವರಲಕ್ಷ್ಮಿ, ಮೇರಿ, ದುರ್ಗಾ ಪರಮೇಶ್ವರಿ, ಚೈತ್ರಾ ಕುಮ್ಕಿ ಆನೆಗಳಾಗಿ ಪಾಲ್ಗೊಂಡಿದ್ದವು. ಕಾವೇರಿ ಹಾಗೂ ವಿಜಯಾ ಆನೆ ಕಳೆದ ಬಾರಿ ಅರ್ಜುನ ಆನೆಗೂ ಕುಮ್ಕಿ ಆಗಿ ಕಾರ್ಯ ನಿರ್ವಹಿಸಿದ್ದವು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
