<p><strong>ಮೈಸೂರು</strong>: ನಗರದಲ್ಲಿ ಪೆಟ್ರೋಲ್ ಬೆಲೆ ಭಾನುವಾರ ಒಂದು ಲೀಟರ್ಗೆ ₹ 100 ದಾಟಿದೆ. ಇದರಿಂದ ಜನಸಾಮಾನ್ಯರು ಹೈರಾಣಾಗಿದ್ದರೆ, ಚಾಲಕರು ತತ್ತರಿಸಿ ಹೋಗಿದ್ದಾರೆ.</p>.<p>ಚೆನ್ನೈನಿಂದ ‘ಬಿಪಿಸಿ’ ಕಂಪನಿಗೆ ತೈಲ ಸರಬರಾಜಾದರೆ, ‘ಎಚ್ಪಿಸಿ’ಗೆ ಹಾಸನದಿಂದ ಹಾಗೂ ಮಂಗಳೂರಿನಿಂದ ‘ಐಒಸಿ’ಗೆ ಸರಬರಾಜಾಗುತ್ತದೆ. ಈ ಎಲ್ಲದರ ದರ ₹ 100 ದಾಟಿದೆ. ಇವು ಎಷ್ಟು ದೂರದಿಂದ ಸರಬರಾಜಾಗುತ್ತದೆ ಎನ್ನುವುದರ ಆಧಾರದ ಮೇಲೆ ಬೆಲೆಯಲ್ಲಿ ಒಂದಷ್ಟು ಪೈಸೆಗಳ ಅಂತರ ಇದೆ. ಖಾಸಗಿ ಕಂಪನಿಗಳಾದ ಶೆಲ್ ಹಾಗೂ ಎಸ್ಸಾರ್ ಪೆಟ್ರೋಲ್ ಬಂಕ್ನಲ್ಲೂ ಈಗಾಗಲೇ ಪೆಟ್ರೋಲ್ ದರ ₹ 100 ಮುಟ್ಟಿದೆ.</p>.<p>ಈ ಕುರಿತು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದ ಪೆಟ್ರೋಲಿಯಂ ಅಸೋಸಿಯೇಷನ್ ಗೌರವ ಅಧ್ಯಕ್ಷ ದಿನೇಶ್, ‘ಮೈಸೂರು ನಗರದಲ್ಲಿ ಒಟ್ಟು 80 ಪೆಟ್ರೋಲ್ ಬಂಕ್ಗಳಿವೆ. ಎಲ್ಲ ಬಂಕ್ಗಳಲ್ಲೂ ಪೆಟ್ರೋಲ್ ಬೆಲೆ ₹ 100ರ ಗಡಿ ದಾಟಿದೆ’ ಎಂದು ಹೇಳಿದರು.<br /></p>.<p class="Subhead">ಕಾರ್ಮಿಕರ ಮೇಲೆ ಬರೆ</p>.<p>ಪೆಟ್ರೋಲ್ ಬೆಲೆ ಹೆಚ್ಚಾಗಿರುವುದು ಕಾರ್ಮಿಕರ ಮೇಲೆ ಗದಾ ಪ್ರಹಾರ ನಡೆಸಿದಂತಾಗಿದೆ. ಜಿಲ್ಲೆಯಿಂದ ನಂಜನಗೂಡು, ಹೆಬ್ಬಾಳ, ತಾಂಡವಪುರ ಸೇರಿದಂತೆ ವಿವಿಧ ಭಾಗಗಳಲ್ಲಿರುವ ಕಾರ್ಖಾನೆಗಳಿಗೆ ದುಡಿಯಲು ಹೋಗವ ಕಾರ್ಮಿಕರಿಗೆ ಇದು ಸಹಿಸಲಾರದ ಹೊರೆ ಎನಿಸಿದೆ.</p>.<p>ಈ ಕುರಿತು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದ ಕಾರ್ಮಿಕ ಸಚಿನ್, ‘ಸರ್ ನಾನು ಇಮ್ಮಾವು ಗ್ರಾಮದವ. ತಾಂಡವಪುರದ ‘ಎಬಿಬಿ’ ಕಾರ್ಖಾನೆಗೆ ಹೋಗಲು ಹಿಂದೆ ₹ 1 ಸಾವಿರ ಮೌಲ್ಯದ ಪೆಟ್ರೋಲ್ ಬೇಕಾಗಿತ್ತು. ಈಗ ₹ 2 ಸಾವಿರ ಮೌಲ್ಯದ ಪೆಟ್ರೋಲ್ ಬೇಕಿದೆ. ಸಂಬಳ ಮಾತ್ರ ಅಷ್ಟೇ ಇದೆ. ಇದರ ಜತೆಗೆ, ಅಡುಗೆ ಅನಿಲ ಬೆಲೆ ದುಪ್ಪಟ್ಟಾಗಿದೆ. ₹ 3 ಸಾವಿರ ಒಂದು ತಿಂಗಳಿಗೆ ಮನೆ ಸಾಮಾನು ಸಿಗುತ್ತಿತ್ತು. ಈಗ ₹ 6 ಸಾವಿರ ಬೇಕಿದೆ’ ಎಂದು ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೈಸೂರು</strong>: ನಗರದಲ್ಲಿ ಪೆಟ್ರೋಲ್ ಬೆಲೆ ಭಾನುವಾರ ಒಂದು ಲೀಟರ್ಗೆ ₹ 100 ದಾಟಿದೆ. ಇದರಿಂದ ಜನಸಾಮಾನ್ಯರು ಹೈರಾಣಾಗಿದ್ದರೆ, ಚಾಲಕರು ತತ್ತರಿಸಿ ಹೋಗಿದ್ದಾರೆ.</p>.<p>ಚೆನ್ನೈನಿಂದ ‘ಬಿಪಿಸಿ’ ಕಂಪನಿಗೆ ತೈಲ ಸರಬರಾಜಾದರೆ, ‘ಎಚ್ಪಿಸಿ’ಗೆ ಹಾಸನದಿಂದ ಹಾಗೂ ಮಂಗಳೂರಿನಿಂದ ‘ಐಒಸಿ’ಗೆ ಸರಬರಾಜಾಗುತ್ತದೆ. ಈ ಎಲ್ಲದರ ದರ ₹ 100 ದಾಟಿದೆ. ಇವು ಎಷ್ಟು ದೂರದಿಂದ ಸರಬರಾಜಾಗುತ್ತದೆ ಎನ್ನುವುದರ ಆಧಾರದ ಮೇಲೆ ಬೆಲೆಯಲ್ಲಿ ಒಂದಷ್ಟು ಪೈಸೆಗಳ ಅಂತರ ಇದೆ. ಖಾಸಗಿ ಕಂಪನಿಗಳಾದ ಶೆಲ್ ಹಾಗೂ ಎಸ್ಸಾರ್ ಪೆಟ್ರೋಲ್ ಬಂಕ್ನಲ್ಲೂ ಈಗಾಗಲೇ ಪೆಟ್ರೋಲ್ ದರ ₹ 100 ಮುಟ್ಟಿದೆ.</p>.<p>ಈ ಕುರಿತು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದ ಪೆಟ್ರೋಲಿಯಂ ಅಸೋಸಿಯೇಷನ್ ಗೌರವ ಅಧ್ಯಕ್ಷ ದಿನೇಶ್, ‘ಮೈಸೂರು ನಗರದಲ್ಲಿ ಒಟ್ಟು 80 ಪೆಟ್ರೋಲ್ ಬಂಕ್ಗಳಿವೆ. ಎಲ್ಲ ಬಂಕ್ಗಳಲ್ಲೂ ಪೆಟ್ರೋಲ್ ಬೆಲೆ ₹ 100ರ ಗಡಿ ದಾಟಿದೆ’ ಎಂದು ಹೇಳಿದರು.<br /></p>.<p class="Subhead">ಕಾರ್ಮಿಕರ ಮೇಲೆ ಬರೆ</p>.<p>ಪೆಟ್ರೋಲ್ ಬೆಲೆ ಹೆಚ್ಚಾಗಿರುವುದು ಕಾರ್ಮಿಕರ ಮೇಲೆ ಗದಾ ಪ್ರಹಾರ ನಡೆಸಿದಂತಾಗಿದೆ. ಜಿಲ್ಲೆಯಿಂದ ನಂಜನಗೂಡು, ಹೆಬ್ಬಾಳ, ತಾಂಡವಪುರ ಸೇರಿದಂತೆ ವಿವಿಧ ಭಾಗಗಳಲ್ಲಿರುವ ಕಾರ್ಖಾನೆಗಳಿಗೆ ದುಡಿಯಲು ಹೋಗವ ಕಾರ್ಮಿಕರಿಗೆ ಇದು ಸಹಿಸಲಾರದ ಹೊರೆ ಎನಿಸಿದೆ.</p>.<p>ಈ ಕುರಿತು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದ ಕಾರ್ಮಿಕ ಸಚಿನ್, ‘ಸರ್ ನಾನು ಇಮ್ಮಾವು ಗ್ರಾಮದವ. ತಾಂಡವಪುರದ ‘ಎಬಿಬಿ’ ಕಾರ್ಖಾನೆಗೆ ಹೋಗಲು ಹಿಂದೆ ₹ 1 ಸಾವಿರ ಮೌಲ್ಯದ ಪೆಟ್ರೋಲ್ ಬೇಕಾಗಿತ್ತು. ಈಗ ₹ 2 ಸಾವಿರ ಮೌಲ್ಯದ ಪೆಟ್ರೋಲ್ ಬೇಕಿದೆ. ಸಂಬಳ ಮಾತ್ರ ಅಷ್ಟೇ ಇದೆ. ಇದರ ಜತೆಗೆ, ಅಡುಗೆ ಅನಿಲ ಬೆಲೆ ದುಪ್ಪಟ್ಟಾಗಿದೆ. ₹ 3 ಸಾವಿರ ಒಂದು ತಿಂಗಳಿಗೆ ಮನೆ ಸಾಮಾನು ಸಿಗುತ್ತಿತ್ತು. ಈಗ ₹ 6 ಸಾವಿರ ಬೇಕಿದೆ’ ಎಂದು ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
