ಸುಂದರ ‘ಯಾಂದಳ್ಳಿ ಕೆರೆ’

ಮೈಸೂರು : ಚಾಮುಂಡಿ ಬೆಟ್ಟದ ಪೂರ್ವ ಭಾಗದಲ್ಲಿನ ಸುಂದರ ಕೆರೆಯಾದ ‘ಯಾಂದಳ್ಳಿ ಕೆರೆ’ ಮಳೆಗಾಲದಲ್ಲೂ ತುಂಬದು. ಆದರೆ, ಜೀವವೈವಿಧ್ಯದ ಪಾತ್ರೆಯಾಗಿರುವ ಕೆರೆ ಒಡಲಿನ ಸುತ್ತ ಬಡಾವಣೆಗಳು ಚಾಚುತ್ತಿವೆ.

. ನವಿಲು, ಬಣ್ಣದ ಕೊಕ್ಕರೆ, ಬೂದು ಸಿಪಿಲೆ, ಹಾವಕ್ಕಿ, ಕಪ್ಪು ತಲೆಯ ಕೆಂಬರಲು, ಮರಳು ಪೀಪಿ, ಗೌಜಲಕ್ಕಿ, ನೀಲಗಿರಿ ಕಾಡು ಪಾರಿವಾಳ, ನೀರು ನಡಿಗೆ ಹಕ್ಕಿಗಳು ಸೇರಿದಂತೆ ವಿವಿಧ ಹಕ್ಕಿಗಳು ಇಲ್ಲಿ ಕಾಣಸಿಗುತ್ತವೆ. ಅವುಗಳಿಗೆ ಸಾಕು ಬಾತುಕೋಳಿಗಳ ಹಾವಳಿಯೂ ತಟ್ಟಿದೆ.

. ನೈದಿಲೆ, ತಾವರೆಗಳು ಕೆರೆಯನ್ನು ತುಂಬಿದ್ದು, ಚರಂಡಿ ನೀರು ಇನ್ನೂ ಸೇರುತ್ತಿಲ್ಲ. ಮೇಲಿನ ಕೆರೆಗಳಿಂದ ನೇರ ಸಂಪರ್ಕವೂ ಇಲ್ಲದ್ದರಿಂದ ಕೆರೆಯ ನೀರು ತಿಳಿಯಾಗಿದೆ. ಆದರೆ, ಪಶ್ಚಿಮ ಭಾಗದ ಕೆರೆಯಂಚಿನವರೆಗೂ ಬಡಾವಣೆ ಅಭಿವೃದ್ಧಿ ಮಾಡಲಾಗಿದೆ. ಅಲ್ಲಿಂದ ಸಣ್ಣ ಪ್ರಮಾಣದಲ್ಲಿ ಚರಂಡಿ ನೀರು ಸೇರುತ್ತಿದೆ.

. ಉದ್ಯಾನ ನಿರ್ಮಿಸಲಾಗಿದ್ದರೂ, ಕೆರೆಯಂಚಿನಲ್ಲಿ ಬಡಾವಣೆ ಅಭಿವೃದ್ಧಿ ಮಾಡಿದವರು ಬಾತುಕೋಳಿ ಕೃಷಿ ಮಾಡುತ್ತಿದ್ದಾರೆ. ಬಾತುಕೋಳಿಗಳ ಪಂಜರಗಳನ್ನು ಕೆರೆಯಂಚಿನಲ್ಲಿಯೇ ಇಟ್ಟಿದ್ದಾರೆ. ಬಾತುಗಳು ಸ್ವಚ್ಛಂದವಾಗಿ ಕೆರೆಯೊಳಗೆ ವಿಹರಿಸುತ್ತಿರುವ ನೀರು ಹಕ್ಕಿಗಳಿಗೆ ತೊಂದರೆ ಉಂಟು ಮಾಡುತ್ತಿವೆ. ಕೆರೆಗೆ ಬಿಟ್ಟು ಮೇಯಿಸಲಾಗುತ್ತಿದೆ.

. ಶತಮಾನದ ಇತಿಹಾಸ:

. ಕೆರೆಯು ಯಾಂದಳ್ಳಿ ಗ್ರಾಮದ ಸರ್ವೆ ಸಂಖ್ಯೆ 63ರಲ್ಲಿದ್ದು, 11.36 ಎಕರೆ ವಿಸ್ತೀರ್ಣ ಹೊಂದಿದೆ. ಶತಮಾನದಷ್ಟೂ ಹಳೆಯದಾದ ಕೆರೆಯ ನೀರಿನ ಮಟ್ಟ ಅಳೆಯುವ ಕಲ್ಲುಕಂಬಗಳು ಇದ್ದು, ಸುಂದರವಾಗಿವೆ. ಕೆರೆಯ ಪೂರ್ವ ಭಾಗಕ್ಕೆ ಏರಿ ಇದೆ.

. ಒಂದು ಕಾಲದಲ್ಲಿ ಜನ– ಜಾನುವಾರಿಗೆ ಕುಡಿಯಲು ಹಾಗೂ ಸ್ವಲ್ಪ ಪ್ರಮಾಣದಲ್ಲಿ ನೀರಾವರಿಗೆ ಬಳಕೆಯಾಗುತ್ತಿತ್ತು. ಕೆರೆಯ ಕೆಳಭಾಗದಲ್ಲೂ ಬಡಾವಣೆ ಎದ್ದಿದ್ದು, ಹಳ್ಳದ ಭಾಗದಲ್ಲಿಯೇ ರಸ್ತೆಗಳನ್ನು ಮಾಡಲಾಗಿದೆ.

. ಬಾರದ ರಾಜಕಾಲುವೆ ನೀರು:

. ‘ಚಾಮುಂಡಿ ಬೆಟ್ಟದಲ್ಲಿ ಬಿದ್ದ ನೀರು ಸಾತಿ ಕೆರೆ ಮೂಲಕ ತಿಪ್ಪಯ್ಯನಕೆರೆ ಸೇರುತ್ತದೆ. ಅಲ್ಲಿಂದ ವರುಣ ಕೆರೆಗೆ ರಾಜಕಾಲುವೆ ಇದೆ. ಸರ್ದಾರ್ ವಲ್ಲಭಬಾಯಿ ಪಟೇಲ್ ನಗರ, ಲಾಲ್ ಬಹದ್ದೂರ್ ಶಾಸ್ತ್ರಿ ನಗರ ನಿರ್ಮಾಣವಾದ ನಂತರ ರಾಜಕಾಲುವೆಯ ಒತ್ತುವರಿ ನಡೆದಿದೆ. ಈ ರಾಜಕಾಲುವೆ ಚಿಕ್ಕಹಳ್ಳಿ ಬಳಿಯಿಂದ ಯಾಂದಳ್ಳಿ ಕೆರೆಯತ್ತ ಹರಿದುಬರುತ್ತಿತ್ತು. ವರುಣ ಕಾಲುವೆ ನಿರ್ಮಾಣದ ನಂತರ ಕೆರೆಗೆ ನೀರ ಹರಿವು ಇಲ್ಲವಾಗಿದೆ’ ಎನ್ನುತ್ತಾರೆ ಗ್ರಾಮದ ಮಲ್ಲಪ್ಪ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸುಂದರ ‘ಯಾಂದಳ್ಳಿ ಕೆರೆ’

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ವಿಶ್ವ ಬಾಕ್ಸಿಂಗ್ ಕಪ್: ಪದಕ ಖಚಿತಪಡಿಸಿಕೊಂಡ ಹಿತೇಶ್‌, ಸಾಕ್ಷಿ

ಕಾರು ಅಪಘಾತ: ಲಿವರ್‌ಪೂಲ್‌ ತಾರೆ ಜೋಟಾ, ಸೋದರ ಸಾವು

IND vs ENG: ಟೆಸ್ಟ್ ಕ್ರಿಕೆಟ್‌ನಲ್ಲಿ ಶುಭಮನ್ ಗಿಲ್ ಚೊಚ್ಚಲ ದ್ವಿಶತಕ ಸಾಧನೆ

ಫಿಡೆ ವಿಶ್ವ ಕೆಡೆಟ್ಸ್‌ ಕಪ್‌: ಚಿನ್ನ ಗೆದ್ದ ಪ್ರತೀತಿ, ಆದ್ಯಾಗೆ ಬೆಳ್ಳಿ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ