ಜಲದರ್ಶಿನಿಯಲ್ಲಿ ಮಂಗಳವಾರ ಸಭೆ ನಡೆಸಿದ ಹೋರಾಟಗಾರರು, ಜಿಲ್ಲಾಧಿಕಾರಿ ಕಚೇರಿಗೆ ತೆರಳಿ ಮನವಿ ಸಲ್ಲಿಸಿದರು.

ರಾಜ್ಯ ಹಿಂದುಳಿದ ವರ್ಗಗಳ ಜಾಗೃತ ವೇದಿಕೆ ಅಧ್ಯಕ್ಷ ಕೆ.ಎಸ್.ಶಿವರಾಮು ಮಾತನಾಡಿ, ‘ರಂಗಾಯಣ’ ಒಂದು ಸ್ವಾಯತ್ತ ಸಾಂಸ್ಕೃತಿಕ ಸಂಸ್ಥೆಯಾಗಿದ್ದು, ಸರ್ಕಾರದ ನಿಯಮಾವಳಿಯಂತೆ ಸಂಸ್ಥೆ ಯನ್ನು ನೈತಿಕತೆ ಹಾಗೂ ಸಾಂಸ್ಕೃತಿಕ ಎಚ್ಚರದೊಂದಿಗೆ ನಡೆಸಬೇಕು. ಆದರೆ, ನಿರ್ದೇಶಕರು ವಿವಾದ ಸುಳಿಯಲ್ಲಿ ರಂಗಾಯಣವನ್ನು ಸಿಲುಕಿಸುತ್ತಿದ್ದಾರೆ. ‘ಟಿಪ್ಪು ನಿಜ ಕನಸುಗಳು’ ಎಂಬ ನಾಟಕದ ಮೂಲಕ ದ್ವೇಷ ಭಾವನೆ ಮೂಡಿಸುತ್ತಿದ್ದಾರೆ’ ಎಂದರು.

‘ವಿಧಾನಸಭೆ ವಿರೋಧಪಕ್ಷದ ನಾಯಕ ಸಿದ್ದರಾಮಯ್ಯ ವಿರುದ್ಧವೂ ನಾಟಕವೊಂದರಲ್ಲಿ ಅಸಭ್ಯವಾಗಿ ಟೀಕಿಸಲಾಗಿತ್ತು’ ಎಂದರು.

ಲೇಖಕರಾದ ಎಸ್‌.ಜಿ.ಸಿದ್ದರಾಮಯ್ಯ, ನಾ.ದಿವಾಕರ, ರಂಗಕರ್ಮಿ ಎಚ್‌.ಜನಾರ್ಧನ, ಸ.ರ.ಸುದರ್ಶನ, ಕಾಳಚನ್ನೇಗೌಡ, ಮುಖಂಡರಾದ ಎಂ.ಲೋಕೇಶ್‌ ಕುಮಾರ್‌, ಸತ್ಯ, ಪುರುಷೋತ್ತಮ್‌, ಡಾ.ಹರೀಶ್‌ಕುಮಾರ್, ಎನ್‌.ಎಸ್‌.ಗೋಪಿನಾಥ್, ಕೆ.ಆರ್‌.ಗೋಪಾಲಕೃಷ್ಣ, ಉಗ್ರನರಸಿಂಹೇಗೌಡ
ಇದ್ದರು.