ಮೈಸೂರು: ಮೈಸೂರು ನಗರಾಭಿವೃದ್ಧಿ ಪ್ರಾಧಿಕಾರದಲ್ಲಿ ಇ-ಆಸ್ತಿ ತೆರಿಗೆ ವ್ಯವಸ್ಥೆಯನ್ನು ನಗರಾಭಿವೃದ್ಧಿ ಸಚಿವ ಭೈರತಿ ಬಸವರಾಜು ಶನಿವಾರ ಉದ್ಘಾಟಿಸಿದರು.
ಬಿಡಿಎ ನಂತರ ಈ ವ್ಯವಸ್ಥೆ ಇಲ್ಲಿ ಜಾರಿಯಾಗಿದೆ. ಸಾರ್ವಜನಿಕರು ತಾವಿರುವ ಸ್ಥಳದಿಂದಲೇ www.mudamysuru.co.in ಮೂಲಕ ಕಂದಾಯವನ್ನು ಪಾವತಿಸಬಹುದಾಗಿದೆ.
ಪ್ರಾಧಿಕಾರದ 16 ಬಡಾವಣೆಗಳಲ್ಲಿನ 3,800 ನಿವೇಶನಗಳು ಹಾಗೂ ಜತೆಗೆ ಖಾಸಗಿ ಬಡಾವಣೆಗಳ 75,000 ಕ್ಕೂ ಅಧಿಕ ನಿವೇಶನಗಳ ಮಾಲೀಕರು ಕಂದಾಯವನ್ನು ಆನ್ ಲೈನ್ ಮೂಲಕ ಪಾವತಿಸಲು ಅವಕಾಶ ಕಲ್ಪಿಸಲಾಗಿದೆ. ಇ-ಆಸ್ತಿ ತೆರಿಗೆ ಕುರಿತ ಮಾಹಿತಿಗೆ 7406655006, ಸಂಪರ್ಕಿಸಬಹುದಾಗಿದೆ.