ತಲಕಾಡಿನ ಬಾಲಕೃಷ್ಣ ನಂದ ಮಠದಲ್ಲಿ ಆರೋಗ್ಯ ಶಿಬಿರ

ಬಾಲಕೃಷ್ಣಾನಂದ ಮಹಾಸಂಸ್ಥಾನದ ಪೀಠಾಧಿಪತಿ ಗೋವಿಂದಾನಂದ ಸರಸ್ವತಿ ಮಹಾ ಸ್ವಾಮಿಗಳ ಶಿಬಿರಕ್ಕೆ ಚಾಲನೆ ನೀಡಿದರು.

‘ಮಠದಿಂದ ಶಿಬಿರಗಳನ್ನು ನಡೆಸಲಾಗುತ್ತಿದೆ. ಹೋಬಳಿಯ ಬಡ ಜನರು ಆರೋಗ್ಯ ಶಿಬಿರದ ಪ್ರಯೋಜನಗಳನ್ನು ಪಡೆದುಕೊಂಡು ವೈದ್ಯರ ಸಲಹೆ ಮೇರೆಗೆ ಔಷಧ ಉಪಚಾರ ಮಾಡಿಕೊಂಡು ಆರೋಗ್ಯವಂತರಾಗಬೇಕು’ ಎಂದು ಆಶೀರ್ವದಿಸಿದರು.

ಶಿಬಿರದಲ್ಲಿ ಮಧುಮೇಹ, ರಕ್ತದೊತ್ತಡ, ಕೀಲು ಮತ್ತು ಮೂಳೆ ರೋಗಗಳಿಂದ ಬಳಲುತ್ತಿರುವವರು, ಕ್ಯಾನ್ಸರ್ ಪೀಡಿತರು, ಪೌಷ್ಟಿಕಾಂಶ ಕೊರತೆಯಿಂದ ಬಳಲುತ್ತಿರುವವರು, ಸ್ತ್ರೀ ಸಂಬಂಧಿತ ರೋಗಗಳಿಗೆ ನುರಿತ ವೈದ್ಯ ತಜ್ಞರಿಂದ 125 ಜನರಿಗೆ ತಪಾಸಣೆ ಮಾಡಲಾಯಿತು.

ತಪಾಸಣೆಯಲ್ಲಿ ಉಚಿತವಾಗಿ ಬಿಪಿ, ಇಸಿಜಿ , ಮಧು ಮೇಹ, ಮೂಳೆ ಸಾಂದ್ರತೆ ಪರೀಕ್ಷೆ ಮಾಡಿ ಉಚಿತವಾಗಿ ಔಷಧವನ್ನು ವಿತರಣೆ ಮಾಡಲಾಯಿತು.

ಈ ಸಂದರ್ಭದಲ್ಲಿ ಕನ್ನಡ ಸಾಹಿತ್ಯ ಪರಿಷತ್ ನಿಕಟ ಪೂರ್ವ ಅಧ್ಯಕ್ಷ ಶ್ರೀನಿವಾಸರಾವ್, ಶಿಬಿರದ ವೈದ್ಯರಾದ ಡಾ.ಸತ್ಯೇಂದ್ರ, ಡಾ.ಎ.ಎಸ್.ಚಂದ್ರಶೇಖರ, ಡಾ.ನಂದಿನಿ ಡಿ.ಬಿ, ಡಾ.ಗುರು ಬಸವರಾಜ್, ಡಾ.ಮಂಜುಳಾ, ಡಾ.ಗೋವರ್ಧನ ಆಚಾರ್, ಡಾ.ಸದಾನಂದ ಪಾವಗಡ, ಡಾ.ಅನಂತರಾಮ, ಡಾ.ಎ.ಎಫ್. ಕೃಷ್ಣಮೂರ್ತಿ, ಡಾ.ಜಿ ವಿ.ಅಜಯ್, ಡಾ.ಆಶಾಲತ ಹಾಗೂ ಶಿಬಿರದ ಸಹಾಯಕರಾದ ಮಧುಸೂಧನ್, ನರಸಿಂಹಮೂರ್ತಿ, ಮಠದ ಸುಹಾಸ್ ಪಾಲ್ಗೊಂಡಿದ್ದರು.