ಭೋಗಾವತಿ ಗ್ರಾ.ಪಂ ಅಧ್ಯಕ್ಷ, ಉಪಾಧ್ಯಕ್ಷರ ಅಯ್ಕೆ

15 ಸದಸ್ಯ ಬಲದ ಗ್ರಾಮ ಪಂಚಾಯಿತಿಯ ಅಧ್ಯಕ್ಷ ಸ್ಥಾನ ಪರಿಶಿಷ್ಟ ಜಾತಿ ಮಹಿಳೆ ಹಾಗೂ ಉಪಾಧ್ಯಕ್ಷ ಸ್ಥಾನ ಸಾಮಾನ್ಯ ವರ್ಗಕ್ಕೆ ಮೀಸಲಾಗಿದ್ದವು. ಅಧ್ಯಕ್ಷ ಸ್ಥಾನಕ್ಕೆ ಪರಿಶಿಷ್ಟ ಜಾತಿಯ ಏಕೈಕ ಮಹಿಳಾ ಸದಸ್ಯೆ ಆದೆಮ್ಮ ಅವಿರೋಧವಾಗಿ ಆಯ್ಕೆಯಾದರು. ಉಪಾಧ್ಯಕ್ಷ ಸ್ಥಾನಕ್ಕೆ ಅಮರಮ್ಮ, ರಮೇಶ, ಅನಿತಾ ನಾಮಪತ್ರ ಸಲ್ಲಿಸಿದರು. ಅನಿತಾ ತಮ್ಮ ನಾಮಪತ್ರ ಹಿಂಪಡೆದ ಕಾರಣ ಅಮರಮ್ಮ ಮತ್ತು ರಮೇಶ ನಡುವೆ ಚುನಾವಣಾ ಸ್ಪರ್ಧೆ ನಡೆಯಿತು.

ಒಂದು ಮತ ತಿರಸ್ಕೃತವಾಯಿತು. ಅಮರಮ್ಮ 9 ಮತಗಳು ಹಾಗೂ ರಮೇಶ 5 ಮತಗಳನ್ನು ಪಡೆದರು. ಉಪಾಧ್ಯಕ್ಷೆಯಾಗಿ ಅಮರಮ್ಮ ಗೆಲುವು ಸಾಧಿಸಿದರು. ಅಧ್ಯಕ್ಷೆಯಾಗಿ ಆದೆಮ್ಮ ಹಾಗೂ ಉಪಾಧ್ಯಕ್ಷೆಯಾಗಿ ಅಮರಮ್ಮ ಆಯ್ಕೆಯಾಗಿರುವ ಕುರಿತು ಚುನಾವಣಾಧಿಕಾರಿ ಹುಸೇನ್ ಸಾಹೇಬ್ ಘೋಷಣೆ ಮಾಡಿದರು.