ವರ್ತಮಾನದ ತಲ್ಲಣಗಳಿಗೆ ಕಾವ್ಯ ರೂಪ

ಸಿಂಧನೂರು : ‘ಪ್ರಸ್ತುತ ಭಾರತವನ್ನಾಳುವ ವರ್ಗ ಜನ ಸಮುದಾಯದ ಮೇಲೆ ಹೇರುತ್ತಿರುವ ಕಾನೂನು ಕಟ್ಟಳೆಗಳನ್ನು ಸೂಕ್ಷ್ಮತೆಯಿಂದ ಎದುರಿಸುತ್ತ, ಆ ತಲ್ಲಣಗಳಿಗೆ ಅಲ್ಲಾಗಿರಿರಾಜರ ಕಾವ್ಯವು ಬದುಕುವ ಹಲವು ದಾರಿಗಳನ್ನು ತೋರಿಸುತ್ತದೆ’ ಎಂದು ಹಂಪಿ ಕನ್ನಡ ವಿಶ್ವವಿದ್ಯಾಲಯದ ಪ್ರಾಧ್ಯಾಪಕ ಪ್ರೊ.ವೆಂಕಟಗಿರಿ ದಳವಾಯಿ ಅವರು ಅಭಿಪ್ರಾಯಪಟ್ಟರು.

. ಇಲ್ಲಿನ ಸರ್ಕಾರಿ ಮಹಾವಿದ್ಯಾಲಯದಲ್ಲಿ ಬಂಡಾರ ಪ್ರಕಾಶನ ಮಸ್ಕಿ ವತಿಯಿಂದ ಶುಕ್ರವಾರ ಹಮ್ಮಿಕೊಂಡಿದ್ದ ಕವಿ ಅಲ್ಲಾಗಿರಿರಾಜರ ‘ಗಿರಿರಾಜನ ಪದ್ಯಗಳು’ ಕೃತಿಯನ್ನು ಬಿಡುಗಡೆ ಮಾಡಿ ಅವರು ಮಾತನಾಡಿದರು.

. ‘ಕವಿಯು ಕೇವಲ ಆರಾಧನಾ ಸ್ವರೂಪದ, ಆದರ್ಶಗಳ ಪ್ರತಿಪಾದನೆಯಲ್ಲಿರದೆ, ವರ್ತಮಾನದ ತಲ್ಲಣಗಳು, ಜನ ಸಮುದಾಯ ಎದುರಿಸುತ್ತಿರುವ ಸಮಸ್ಯೆಗಳಿಗೆ ಔಷಧ ರೂಪದಲ್ಲಿ ಕಾವ್ಯವಿದ್ದರೆ ಸಾರ್ವಕಾಲಿಕವಾಗಿರುತ್ತದೆ. ಅಂತಹ ಶಕ್ತಿ ಗಿರಿರಾಜರ ಪದ್ಯಗಳಲ್ಲಿ ಕಾಣಬಹುದು’ ಎಂದರು.

. ‘ಧರ್ಮದ ನಶೆ ಏರಿಸುವ ಕಾಣದ ಕೈಗಳ ಬಗ್ಗೆ ಇಂದಿನ ಯುವಕರು ಜಾಗರೂಕತೆಯಿಂದಿರಬೇಕು ಮತ್ತು ದೇಶಪ್ರೇಮವೆಂದು ತಪ್ಪುದಾರಿಗೊಯ್ಯುವ ಬೇಟೆಗಾರರ ಬಗ್ಗೆ ಎಚ್ಚರವಿರಬೇಕು’ ಎಂದು ಕಿವಿಮಾತು ಹೇಳಿದರು.

. ಕೇಂದ್ರೀಯ ವಿಶ್ವವಿದ್ಯಾಲಯದ ಪ್ರಾಧ್ಯಾಪಕ ಪ್ರೊ.ಬಸವರಾಜ ಕೋಡಗುಂಟಿ ಮಾತನಾಡಿ,‘ಕವಿಯ ಕಾರ್ಯವು ಕೇವಲ ಮನರಂಜನೆಯಲ್ಲ. ಅದು ಗುರುತರ ಜವಾಬ್ದಾರಿಯನ್ನು ಹೊಂದಿದ ಕೆಲಸ. ಬಹುತ್ವದ ನಾಡಿನಲ್ಲಿ ಧರ್ಮ, ಜಾತಿ, ಲಿಂಗ ತಾರತಮ್ಯಗಳು ಇಂದಿಗೂ ವ್ಯಾಪಿಸುತ್ತ, ಕೌರ್ಯವನ್ನು ಮೆರೆಯುತ್ತಿವೆ. ಅವುಗಳನ್ನು ವಿರೋಧಿಸುತ್ತಲೇ ಪ್ರೀತಿ-ಭಕ್ತಿ, ಧರ್ಮ-ಸಮಾಜ, ಮದಿರೆ-ಮುಕ್ತಿ ಇವುಗಳನ್ನು ಜನಮನದ ಹತ್ತಿರದಲ್ಲಿ ನಿಂತು ಹಾಡುವ ಕವಿ ಅಲ್ಲಾಗಿರಿರಾಜ್ ಕನಕಗಿರಿ’ ಎಂದು ಹೇಳಿದರು.

. ‘ಗಿರಿರಾಜರ ಪದ್ಯಗಳು’ ಕೃತಿಯನ್ನು ಪರಿಚಯ ಮಾಡುತ್ತ, ಕನ್ನಡ ಸಾಹಿತ್ಯ ಪರಿಷತ್ ಜಿಲ್ಲಾ ಘಟಕದ ಮಾಜಿ ಅಧ್ಯಕ್ಷ ಮಹಾಂತೇಶ ಮಸ್ಕಿ,‘ಕನ್ನಡದ ಮಹತ್ವದ ಸಾಹಿತಿಗಳಲ್ಲಿ ಅಲ್ಲಾಗಿರಿರಾಜ್ ಒಬ್ಬರು. ಕನ್ನಡಕ್ಕೆ ಗಜಲಿನ ಘಮಲನ್ನು, ಸುಗಂಧವನ್ನು ಹಬ್ಬಿಸಿದ್ದಾರೆ’ ಎಂದು ವಿವರಿಸಿದರು.

. ನಂತರ ಕೃತಿಕಾರ ಅಲ್ಲಾಗಿರಿರಾಜ ಮಾತನಾಡಿ ‘ನನ್ನ ಕುಟುಂಬವು ಬಡತನದ ಬೇಗೆಯಲ್ಲೇ ಬಂದಿದೆ.

. ತಂದೆ ಕಟ್ಟಿಗೆ ಸೀಳುತ್ತಲೇ ತನ್ನ ಆಕ್ರೋಶವನ್ನು ಹೊರಹಾಕಿದ, ತಾಯಿ ಸಂಪತ್ತಿನ ಮನೆಯಲ್ಲಿ ಕಾರ ಕುಟ್ಟುತ್ತ ನಮಗಿಷ್ಟು ಬಡಿಸಿ ತಿಂದು ಬೆಳೆಸಿದ ಅವರ ನೋವು ನಲಿವುಗಳೇ ನನ್ನ ಕಾವ್ಯದ ಸತ್ವ’ ಎಂದರು.

. ಕಾಲೇಜಿನ ಪ್ರಾಧ್ಯಾಪಕ ಬಸವರಾಜ ತಡಕಲ್ ಅಧ್ಯಕ್ಷತೆ ವಹಿಸಿದ್ದರು. ಸಹಾಯಕ ಪ್ರಾಧ್ಯಾಪಕರಾದ ಕೆ.ಖಾದರ್ಬಾಷ, ಸಂಗನಗೌಡ, ಹನಮನಗೌಡ, ಡಾ.ಸೈಯ್ಯದ್ ಮುಜೀಬ್ ಅಹ್ಮದ್, ಸಾಹಿತಿ ಹೆಚ್.ಜಿ.ಹಂಪಣ್ಣ ಹಾಗೂ ಬಂಡಾರ ಪ್ರಕಾಶನದ ಪರಶುರಾಮ ಕೋಡಗುಂಟಿ ಇದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವರ್ತಮಾನದ ತಲ್ಲಣಗಳಿಗೆ ಕಾವ್ಯ ರೂಪ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚಿನಕುರುಳಿ: 04 ಜುಲೈ 2025, ಶುಕ್ರವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಬದಲಾವಣೆ ಕ್ರಾಂತಿ!

ಸಿರಾಜ್ ಮಿಂಚು; ಸ್ಟೋಕ್ಸ್ ಶೂನ್ಯಕ್ಕೆ ಔಟ್, ಇಂಗ್ಲೆಂಡ್ 5ನೇ ವಿಕೆಟ್ ಪತನ

ಗುಕೇಶ್ ವಿರುದ್ಧ ಸೋಲು; ಚೆಸ್ ಆನಂದಿಸುತ್ತಿಲ್ಲ ಎಂದ ವಿಶ್ವನ ನಂ.1ಆಟಗಾರ ಕಾರ್ಲಸನ್

NC Classic | ಭಾರತೀಯ ಅಥ್ಲೆಟಿಕ್ಸ್ ಇತಿಹಾಸದಲ್ಲಿ ಹೊಸ ಅಧ್ಯಾಯ: ನೀರಜ್ ಚೋಪ್ರಾ

ನಾಳೆ ಬೆಂಗಳೂರಲ್ಲಿ ವಿಶ್ವ ಮಟ್ಟದ ಜಾವೆಲಿನ್‌: ನೀರಜ್ ಚೋಪ್ರಾಗೆ ಪೇಟ ತೊಡಿಸಿದ CM

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚಿನಕುರುಳಿ: 04 ಜುಲೈ 2025, ಶುಕ್ರವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಬದಲಾವಣೆ ಕ್ರಾಂತಿ!