ಬುಧವಾರ ಸುದ್ದಿಗಾರೊಂದಿಗೆ ಮಾತನಾಡಿದ ಅವರು, ಕೊಪ್ಪಳ ಲೋಕಾಸಭಾ ಕ್ಷೇತ್ರದಲ್ಲಿನ ಸಿಂಧನೂರು ವಿಧಾನಸಭಾ ಕ್ಷೇತ್ರದಲ್ಲಿ 1,25,413 ಮಹಿಳೆ, 1,18,893 ಪುರುಷ ಮತದಾರರು ಹಾಗೂ ಇತರೆ 23 ಮತದಾರರು ಸೇರಿ ಒಟ್ಟು 2,44,215 ಮತದಾರರಿದ್ದಾರೆ. 4,715 ಯುವ ಮತದಾರರು ಹೆಸರು ಹೊಸದಾಗಿ ಸೇರ್ಪಡೆಯಾಗಿದೆ. ವಿಕಲಚೇತನರು 3062 ಹಾಗೂ 85 ವರ್ಷ ಮೇಲ್ಪಟ್ಟ ಹಿರಿಯ ನಾಗರಿಕ ಮತದಾರರು 1393 ಇದ್ದಾರೆ. ಇವರಿಗೆ ಮನೆಯಲ್ಲಿ ಕುಳಿತು ಮತದಾನ ಮಾಡುವ ಅವಕಾಶ ಕಲ್ಪಿಸಲಾಗಿದೆ. ಒಟ್ಟು 269 ಮತಗಟ್ಟೆ ಕೇಂದ್ರಗಳನ್ನು ತೆರೆಯಲಾಗಿದ್ದು, ಅದರಲ್ಲಿ 65 ಸೂಕ್ಷ್ಮ, 5 ಅತಿಸೂಕ್ಷ್ಮ ಮತಗಟ್ಟೆಗಳನ್ನು ಗುರುತಿಸಲಾಗಿದೆ ಎಂದು ತಿಳಿಸಿದರು.
