ಬುಧವಾರ, 22 ಮೇ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಕಾಂಗ್ರೆಸ್‌ ಗೆ ಪದ್ಮಶಾಲಿ ನೇಕಾರರ ಸಂಘ ಬೆಂಬಲ

ಬೆಂಬಲ
Published 19 ಏಪ್ರಿಲ್ 2024, 7:32 IST
Last Updated 19 ಏಪ್ರಿಲ್ 2024, 7:32 IST
ಅಕ್ಷರ ಗಾತ್ರ

ಕನಕಪುರ: ಬೆಂಗಳೂರು ಗ್ರಾಮಾಂತರ ಲೋಕಸಭಾ ಕ್ಷೇತ್ರದ ಸಂಸದ ಡಿ.ಕೆ.ಸುರೇಶ್‌ ಸಂಸದರಾಗಿ ಉತ್ತಮ ಕೆಲಸ ಮಾಡಿ, ಕ್ಷೇತ್ರದಲ್ಲಿ ಬಹಳಷ್ಟು ಅಭಿವೃದ್ಧಿ ಕೆಲಸ ಮಾಡಿದ್ದಾರೆ. ಅವರನ್ನು ಮತ್ತೆ ಸಂಸದರನ್ನಾಗಲಿ ಮಾಡಲು ಸ್ವಕುಳಿಶಾಲಿ ಮತ್ತು ಪದ್ಮಶಾಲಿ ನೇಕಾರರು ಬೆಂಬಲ ನೀಡುತ್ತಿರುವುದಾಗಿ ಜೆ.ನಟರಾಜು ತಿಳಿಸಿದರು.

ಇಲ್ಲಿನ ಮೇಗಳಬೀದಿ ಜಿಹ್ನೇಶ್ವರಿ ಪ್ರಾರ್ಥನಾ ಮಂದಿರದಲ್ಲಿ ನೇಕಾ‍ರರ ಸಂಘದ ವತಿಯಿಂದ ಗುರುವಾರ ನಡೆಸಿದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದರು.

ಸುರೇಶ್‌ ಅವರು ದಿನದ 24ಗಂಟೆಯೂ ದಣಿವಿಲ್ಲದೆ ಕೆಲಸ ಮಾಡುವ ಯುವ ರಾಜಕಾರಣಿಯಾಗಿ, ಅತ್ಯುತ್ತಮ ಸಂಸದರಾಗಿದ್ದಾರೆ. ಅವರು ಸಂಸದರಾದ ಮೇಲೆ ಕನಕಪುರ ತಾಲ್ಲೂಕಿನಲ್ಲಿ ಉತ್ತಮ ಕೆಲಸ ಮಾಡಿದ್ದಾರೆ. ಸಣ್ಣ ಸಮುದಾಯವಾಗಿರುವ ನೇಕಾರರನ್ನು ವಿಶ್ವಾಸಕ್ಕೆ ತೆಗೆದುಕೊಂಡು ಉತ್ತಮ ಸಹಕಾರ ನೀಡುತ್ತಾ ಬಂದಿದ್ದಾರೆ ಎಂದರು.

ನೇಕಾರರು ಪ್ರಮುಖವಾಗಿ ಮಗ್ಗವನ್ನೇ ನಂಬಿ ಜೀವನ ಮಾಡುತ್ತಿರುವ ಸಮುದಾಯವಾಗಿದೆ. ವಿದ್ಯುತ್‌ ಅವಲಂಬಿಸಿರುವ ನೇಕಾರರಿಗೆ ವಿದ್ಯುತ್‌ ಸಮಸ್ಯೆ ಬಾರದಂತೆ ನೋಡಿಕೊಂಡಿದ್ದಾರೆ. ಸಣ್ಣ ಪ್ರಮಾಣದಲ್ಲಿರುವ ನೇಕರಾರರಿಗೆ ಬೇರೆ ಸಮುದಾಯದವರಿಂದ ರಕ್ಷಣೆ ನೀಡಿದ್ದಾರೆ ಎಂದು ಹೇಳಿದರು.

ಸ್ವಕುಳಿಶಾಲಿ ಮತ್ತು ಪದ್ಮಶಾಲಿ ಸಂಘದ ಮುಖಂಡರಾದ‍ ಆರ್‌.ವಿಜಯಕುಮಾರ್‌, ಡಿ.ಮನೋಹರ್‌, ಎ.ಮೋಹನ್‌, ಪರಮೇಶ್‌, ಎಸ್‌.ನಾರಾಯಣ್‌ರಾವ್‌, ಪೋಂದೆ ರಮೇಶ್‌ ಉಪಸ್ಥಿತರಿದ್ದರು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT