ಚನ್ನಪಟ್ಟಣ | ಜಲಸಾಹಸ ಕ್ರೀಡೆ ಆರಂಭ: ಪ್ರವಾಸಿಗರ ಕೈಬೀಸಿ ಕರೆವ ಕಣ್ವ ಜಲಾಶಯ

ಕಣ್ವ ಜಲಾಶಯದಲ್ಲಿ ಜಲಸಾಹಸ ಕ್ರೀಡೆಗಳ ಪರಿಚಯ ಸೂಕ್ತ ನಿರ್ಧಾರ. ಇಲ್ಲಿಗೆ ಪ್ರವಾಸಿಗರನ್ನು ಸೆಳೆಯುವ ಜತೆಗೆ ಅವರಿಗೆ ಮೂಲ ಸೌಕರ್ಯಗಳನ್ನು ಒದಗಿಸಬೇಕು. ಕಣ್ವ ಜಲಾಶಯ ಈ ಹಿಂದಿನಿಂದಲೂ ಪ್ರವಾಸಿತಾಣ. ಅಲ್ಲಿ ಮೂಲ ಸೌಲಭ್ಯಗಳಿಲ್ಲದೆ ಪ್ರವಾಸಿಗರ ಆಕರ್ಷಣೆ ಕಳೆದುಕೊಂಡಿತ್ತು. ಈಗ ಜಲಸಾಹಸ ಕ್ರೀಡೆಗಳ ಮೂಲಕ ಕಣ್ವಕ್ಕೆ ಹೊಸ ಚೈತನ್ಯ ಬರುವಂತಾಗಲಿ.

ಅತಿ ಕಡಿಮೆ ದರದಲ್ಲಿ ಬೋಟಿಂಗ್ ವ್ಯವಸ್ಥೆ ಇಲ್ಲಿದೆ. ಗೋವಾ ಕಾರವಾರದಂತಹ ಜಾಗಗಳಲ್ಲಿ ಸಾವಿರಕ್ಕೂ ಹೆಚ್ಚು ದರ ನಿಗದಿ ಮಾಡಿದ್ದಾರೆ. ಇಲ್ಲಿ ಇನ್ನೂ ದರ ನಿಗದಿಯಾಗಿಲ್ಲ. ಆದರೆ ಅತಿ ಕಡಿಮೆ ದರದಲ್ಲಿ ಬೋಟಿಂಗ್ ವ್ಯವಸ್ಥೆ ದೊರೆಯಲಿದೆ. ಜನರ ಸ್ಪಂದನೆ ಉತ್ತಮವಾಗಿದೆ. ಪರಿಸರವೂ ಸುಂದರವಾಗಿದೆ.