ಸೊರಬ: ಉಪ್ಪಿನಕಾಯಿ ಉದ್ಯಮದಲ್ಲಿ ಯಶ ಕಂಡ ಹಳ್ಳಿ ಹುಡುಗ

ಉಪ್ಪಿನಕಾಯಿಗೆ ಬೇಡಿಕೆ ಹೆಚ್ಚಾಗಿದ್ದು ಸ್ಥಳೀಯವಾಗಿ ರೈತರಿಂದ ದೊರೆಯುವ ಮಾವಿನಕಾಯಿ ಕವಳೆಕಾಯಿ ಗೋಣಿಕಾಯಿ ನಿಂಬೆಹಣ್ಣು ಖರೀದಿಸುವ ಜೊತೆಗೆ ತಮಿಳುನಾಡು ಆಂಧ್ರಪ್ರದೇಶ ಮಹಾರಾಷ್ಟ್ರ ರತ್ನಗಿರಿ ಜಿಲ್ಲೆಯಿಂದ ಮಾವಿನಕಾಯಿ ಖರೀದಿಸಲಾಗುತ್ತಿದೆ. ವರ್ಷ ಮೊದಲೇ ಏಜೆನ್ಸಿಗಳು ಉಪ್ಪಿನಕಾಯಿ ಉತ್ಪಾದನೆಗೆ ಬೇಡಿಕೆ ಇಡುತ್ತಾರೆ. ಬೇಡಿಕೆಗೆ ಅನುಗುಣವಾಗಿ ದಾಸ್ತಾನು ಇರಿಸಿ ಉತ್ಪಾದನೆ ಮಾಡಲಾಗುತ್ತದೆ. ತಾಲ್ಲೂಕಿನಲ್ಲಿ ಅಡಿಕೆ ತೋಟ ವಿಸ್ತರಿಸಲು ರೈತರು ಆಸಕ್ತಿ ತೋರಿಸುತ್ತಿರುವುದರಿಂದ ಮಾವಿನ ಮರಗಳನ್ನು ಕಟಾವು ಮಾಡಲಾಗಿದೆ. ಇದರಿಂದ ಮಾವಿನ ಕೊರತೆ ಎದುರಾಗಿದೆ‌. ಎಲ್ಲ ಉಪ್ಪಿನಕಾಯಿಗಿಂತ ಮಾವಿನಕಾಯಿಗೆ ಬೇಡಿಕೆ ಇರುವುದರಿಂದ ಮಾವಿನ ಕಾಯಿಗಳ ಬೆಲೆ ಅಧಿಕವಾಗಿದೆ. ಮೈಸೂರು ಮಂಡ್ಯ ಬೆಂಗಳೂರು ಹಾಗೂ ಮಂಗಳೂರಿಗೆ ಉಪ್ಪಿನಕಾಯಿ ಮಾರಾಟ ಮಾಡಲಾಗುತ್ತದೆ ಎಂದು ಮಾಹಿತಿ ನೀಡಿದರು ಗಣೇಶ.