ಸಣ್ಣಮನೆ ಗ್ರಾಮದಲ್ಲೊಂದು ‘ದೊಡ್ಡ’ ಕೃಷಿ ಕುಟುಂಬ

ಸಾಗರ : ಅದೊಂದು ಬರೋಬ್ಬರಿ 44 ಸದಸ್ಯರ ಕುಟುಂಬ. ಅವರೆಲ್ಲರೂ ವಾಸವಾಗಿರುವುದು ಒಂದೇ ಸೂರಿನಡಿ. ಮನೆಯ ಹಿಂದೆ ಮುಂದೆ ಮುಗಿಲಿಗೆ ಮುಖ ಮಾಡಿ ಬಾನೆತ್ತರಕ್ಕೆ ಬೆಳೆದಿರುವ ಅಡಿಕೆ, ತೆಂಗಿನ ಮರಗಳು, ಸುತ್ತಲೂ ನಳನಳಿಸುವ ಹಚ್ಚ ಹಸಿರಿನ ನಡುವೆಯೊಂದು ಹೆಂಚಿನ ಮನೆ...

. ಈ ದೃಶ್ಯವನ್ನು ನೀವು ಕಣ್ತುಂಬಿಕೊಳ್ಳಬೇಕು ಎಂದರೆ ಸಾಗರ ತಾಲ್ಲೂಕಿನ ಹಿರೇನೆಲ್ಲೂರು ಸಮೀಪದ ಸಣ್ಣಮನೆ ಗ್ರಾಮಕ್ಕೆ ಬರಬೇಕು. ಅವಿಭಕ್ತ ಕುಟುಂಬಗಳು ಕಣ್ಮರೆಯಾಗುತ್ತಿವೆ, ಹಳ್ಳಿಗಳು ವೃದ್ಧಾಶ್ರಮಗಳಾಗುತ್ತಿವೆ ಎಂಬ ಮಾತು ಇಲ್ಲಿಗೆ ಬಂದರೆ ಸುಳ್ಳು ಎಂದೆನಿಸುತ್ತದೆ.

. ಸಣ್ಣಮನೆ ಗ್ರಾಮದ ಚಂದ್ರಶೇಖರ್ ಅವರು 1982ರಲ್ಲಿ ಬಿ.ಎ. ಪದವಿ ಪೂರೈಸಿದಾಗ ಅವರೆದುರು ಸರ್ಕಾರಿ ನೌಕರಿ ಅಥವಾ ಕೃಷಿ ಈ ಎರಡು ಆಯ್ಕೆಗಳಿದ್ದವು. ತಂದೆ ಗಳಿಸಿದ ಅಲ್ಪ ಪ್ರಮಾಣದ ಕೃಷಿ ಭೂಮಿಯಲ್ಲಿ ವ್ಯವಸಾಯವನ್ನೇ ಇಷ್ಟಪಟ್ಟು ಆಯ್ಕೆ ಮಾಡಿಕೊಂಡ ಚಂದ್ರಶೇಖರ್ ಅಲ್ಲಿಂದ ಹಿಂದಕ್ಕೆ ತಿರುಗಿ ನೋಡಲೇ ಇಲ್ಲ.

. ಅಡಿಕೆ, ಭತ್ತ, ಶುಂಠಿ, ಅನಾನಸ್, ಕಾಳುಮೆಣಸು, ಶೇಂಗಾ, ಜೋಳ, ಗೆಣಸು, ಮೆಣಸು, ತರಕಾರಿ ಹೀಗೆ ತರಹೇವಾರಿ ಬೆಳೆಗಳನ್ನು ತಮ್ಮ 27 ಎಕರೆ ಪ್ರದೇಶದಲ್ಲಿ ಚಂದ್ರಶೇಖರ್ ಬೆಳೆಯುತ್ತಿದ್ದಾರೆ. 30 ಆಕಳು, 10 ಎಮ್ಮೆ ಇರುವ ಅವರ ಕೊಟ್ಟಿಗೆ ಮೂಲಕವೇ ಕೃಷಿಗೆ ಬೇಕಾದ ಸಾವಯವ ಗೊಬ್ಬರ ತಯಾರಾಗುತ್ತದೆ. ಹೀಗಾಗಿ ಗೊಬ್ಬರದ ವಿಷಯದಲ್ಲಿ ಅವರು ಸ್ವಾವಲಂಬಿ.

. ತಮ್ಮ ತೋಟದ ನಡುವೆ ದೊಡ್ಡ ಗಾತ್ರದ ಚಿಲುಮೆಯೊಂದನ್ನು ನಿರ್ಮಿಸುವ ಮೂಲಕ ಕೊಳವೆ ಬಾವಿಯಿಂದ ಬರುವ ನೀರನ್ನು ಅಲ್ಲಿ ಸಂಗ್ರಹಿಸುವ ದಾರಿಯನ್ನು ಚಂದ್ರಶೇಖರ್ ಕಂಡುಕೊಂಡಿದ್ದಾರೆ. ಚಿಲುಮೆಯಲ್ಲಿ ಸಂಗ್ರಹವಾದ ನೀರನ್ನು ಸ್ಪ್ರಿಂಕ್ಲರ್ ಮೂಲಕ ತೋಟಕ್ಕೆ ಹಾಯಿಸುತ್ತಾರೆ.

. ಮಲೆನಾಡಿನಲ್ಲಿ ಕೃಷಿಗೆ ಇರುವ ಮುಖ್ಯ ಸಮಸ್ಯೆ ಎಂದರೆ ಕೂಲಿ ಕಾರ್ಮಿಕರದ್ದು. ಚಂದ್ರಶೇಖರ್ ಅವರ ಕುಟುಂಬದ ಹೆಚ್ಚಿನ ಸದಸ್ಯರು ಕೃಷಿ ಕೆಲಸದಲ್ಲಿ ಸ್ವತಃ ಭಾಗಿಯಾಗುವುದರಿಂದ ಅವರಿಗೆ ಈ ಸಮಸ್ಯೆ ಅಷ್ಟಾಗಿ ಕಾಡಿಲ್ಲ. ಕೊಯ್ಲಿನಂತಹ ಸಂದರ್ಭದಲ್ಲಿ ಮಾತ್ರ ಕೂಲಿಯಾಳುಗಳನ್ನು ಅವರು ಆಶ್ರಯಿಸಿದ್ದಾರೆ.

. ಪ್ರತಿ ವರ್ಷ ಮಳೆಗಾಲದಲ್ಲಿ ವರದಾ ನದಿ ಪ್ರವಾಹದಿಂದ ಚಂದ್ರಶೇಖರ್ ಅವರಿಗೆ ಸೇರಿದ ಕೃಷಿಭೂಮಿಯ ಒಂದು ಭಾಗ ಸಂಪೂರ್ಣವಾಗಿ ಜಲಾವೃತಗೊಳ್ಳುತ್ತದೆ.

. ‘ವರದಾ ನದಿಗೆ ಚೆಕ್ ಡ್ಯಾಂ ನಿರ್ಮಿಸಿದಲ್ಲಿ ಬೆಳೆ ನಷ್ಟ ತಪ್ಪಿಸುವ ಜೊತೆಗೆ ಅಂತರ್ಜಲ ವೃದ್ಧಿಗೂ ಸಹಕಾರಿಯಾಗುತ್ತದೆ’ ಎಂಬುದು ಚಂದ್ರಶೇಖರ್ ಅವರ ಅಭಿಪ್ರಾಯ.

. ಅಡಿಕೆ ಸಸಿಗಳ ಪೋಷಣೆಯನ್ನು ಸ್ವತಃ ಮಾಡುವ ಚಂದ್ರಶೇಖರ್ ಕುಟುಂಬ ಹೈನುಗಾರಿಕೆಯನ್ನು ಕೂಡ ನಿರ್ವಹಿಸುತ್ತಿದೆ. ಜಿಲ್ಲಾಮಟ್ಟದ ಉತ್ತಮ ಕೃಷಿಕ ಪ್ರಶಸ್ತಿಯನ್ನು ಕೃಷಿ ಇಲಾಖೆಯಿಂದ ಪಡೆದಿರುವ ಚಂದ್ರಶೇಖರ್ಗೆ ತಾವು ಕೃಷಿಕನಾಗಿರುವ ಬಗ್ಗೆ ಅಪಾರ ಹೆಮ್ಮೆ ಇದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸಣ್ಣಮನೆ ಗ್ರಾಮದಲ್ಲೊಂದು ‘ದೊಡ್ಡ’ ಕೃಷಿ ಕುಟುಂಬ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ದಾಖಲೆಯ 14ನೇ ಬಾರಿ ಸೆಮಿಗೆ ಜೊಕೊವಿಚ್‌

ಮಂಗಳೂರಿನಲ್ಲಿ ರಾಜ್ಯ ರ‍್ಯಾಂಕಿಂಗ್ TT:ಮಹಿಳಾ ಸಿಂಗಲ್ಸ್ ಪ್ರಶಸ್ತಿ ಗೆದ್ದ ತೃಪ್ತಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ