ಸಾಗರ | ಕೆರೆ ಹೂಳೆತ್ತಲು ಅನುಮತಿ ಕಡ್ಡಾಯ; ಆಕ್ಷೇಪ

ಕೆಲವೆಡೆ ಅಕ್ರಮವಾಗಿ ಕೆರೆಗಳ ಮಣ್ಣನ್ನು ಸಾಗಿಸುತ್ತಿರುವ ಬಗ್ಗೆ ದೂರುಗಳು ಕೇಳಿ ಬಂದ ಹಿನ್ನಲೆಯಲ್ಲಿ ಈ ನಿಯಮ ರೂಪಿಸಲಾಗಿದೆ. ಅರ್ಜಿ ಸಲ್ಲಿಸಿದವರಿಗೆ ವಿಳಂಬವಿಲ್ಲದಂತೆ ಪರವಾನಗಿ ನೀಡಲಾಗುವುದು.

ಬಯಲುಸೀಮೆಯಲ್ಲಿ ಕೆರೆಯ ಹೂಳು ತೆಗೆದಾಗ ದೊರೆಯುವ ಮಣ್ಣು ಫಲವತ್ತಾಗಿರುತ್ತದೆ. ಆದರೆ ಮಲೆನಾಡಿನ ಕೆರೆಗಳಲ್ಲಿ ದೊರಕುವ ಮಣ್ಣು ಕೆಸರಿನಿಂದ ಕೂಡಿರುತ್ತದೆ. ಈ ಮಣ್ಣನ್ನು ಲೇ ಔಟ್‌ಗಳಿಗೆ ಬಳಸಲು ಬರುವುದಿಲ್ಲ. ನಿಯಮ ರೂಪಿಸುವಾಗ ಜಿಲ್ಲಾಡಳಿತ ಇಂತಹ ಭೌಗೋಳಿಕ ವ್ಯತ್ಯಾಸಗಳನ್ನು ಪರಿಗಣಿಸಬೇಕಿತ್ತು.

ಕೆರೆಗಳ ಹೂಳೆತ್ತಲು ಮಣ್ಣು ಸಾಗಿಸಲು ಪರವಾನಗಿ ಅಗತ್ಯವಿಲ್ಲ ಎಂಬ ಕಾರಣಕ್ಕೆ ಸ್ವಯಂ ಸೇವಾ ಸಂಸ್ಥೆಗಳು ಕೆರೆ ಪುನಶ್ಚೇತನಕ್ಕೆ ಮುಂದಾಗಿವೆ. ಸ್ಥಳೀಯರ ಸಹಕಾರವೂ ಕೆರೆಯ ಅಭಿವೃದ್ಧಿ ಕಾಮಗಾರಿಗೆ ಕಾರಣವಾಗುತ್ತಿದೆ. ಸರ್ಕಾರದ ನಿಯಮಗಳು ಜಟಿಲವಾದರೆ ಸಂಸ್ಥೆಗಳ ಉತ್ಸಾಹ ಕುಗ್ಗುತ್ತದೆ.