ಶಿವಮೊಗ್ಗ | ಪರ್ಮಿಟ್: ಜಿಲ್ಲಾಡಳಿತದ ಅಂಗಳದಲ್ಲಿ ಚೆಂಡು

ಶಿವಮೊಗ್ಗ : ಹೊಸ ಆಟೊಗಳಿಗೆ ಪರವಾನಗಿ ಪಡೆಯುವ ವಿಚಾರ ಶಿವಮೊಗ್ಗ ನಗರದಲ್ಲಿ ಹಾಲಿ ಇರುವ ಆಟೊ ಚಾಲಕರು ಹಾಗೂ ಹೊಸ ಆಟೊ ಚಾಲಕರ ನಡುವೆ ’ನೀ ಕೊಡೆ, ನಾ ಬಿಡೆ‘ ಪೈಪೋಟಿಗೆ ಕಾರಣವಾಗಿದೆ. ’ಪರವಾನಗಿ‘ ವಿವಾದ ಈಗ ಜಿಲ್ಲಾಡಳಿತದ ಅಂಗಳ ತಲುಪಿದೆ.

. ಹೊಸ ಆಟೊ ಕೊಂಡರೆ ಅದನ್ನು ನೋಂದಣಿ ಮಾಡಿಕೊಡುವ ಪ್ರಾದೇಶಿಕ ಸಾರಿಗೆ ಕಚೇರಿ (ಆರ್ಟಿಒ) ಅದೇ ಆಟೊವನ್ನು ಶಿವಮೊಗ್ಗ ನಗರದ ವ್ಯಾಪ್ತಿಯಲ್ಲಿ ಓಡಿಸಲು ಪರವಾನಗಿ (ಪರ್ಮಿಟ್) ಕೊಡುತ್ತಿಲ್ಲ. ಇದು ಹೊಸ ಆಟೊಗಳ ಚಾಲಕರು, ಮಾಲೀಕರಿಗೆ ಬಿಸಿ ತುಪ್ಪವಾಗಿ ಪರಿಣಮಿಸಿದೆ.

. ಸಾರಿಗೆ ಪ್ರಾಧಿಕಾರದ ತೀರ್ಮಾನ:

. ಶಿವಮೊಗ್ಗ ನಗರದ ವ್ಯಾಪ್ತಿಯಲ್ಲಿ ಆಟೊ ರಿಕ್ಷಾಗಳ ಸಂಖ್ಯೆಯನ್ನು ಇತಿಮಿತಿಯಲ್ಲಿಡಲು 2019ರ ಮೇ 20ರಂದು ಅಂದಿನ ಜಿಲ್ಲಾಧಿಕಾರಿ ಕೆ.ಎ.ದಯಾನಂದ ಅಧ್ಯಕ್ಷತೆಯಲ್ಲಿ ನಡೆದ ಜಿಲ್ಲಾ ಸಾರಿಗೆ ಪ್ರಾಧಿಕಾರದ (ಆರ್ಟಿಎ) ಸಭೆಯಲ್ಲಿ ಆಟೊಗಳಿಗೆ ಹೊಸದಾಗಿ ಪರವಾನಗಿ ಕೊಡುವುದನ್ನು ನಿರ್ಬಂಧಿಸಲಾಗಿತ್ತು.

. ನಗರದಲ್ಲಿ ಆಗ ಇದ್ದ ಆಟೊಗಳು, ಇಲ್ಲಿನ ಜನಸಂಖ್ಯೆ, ನಗರ ಸಾರಿಗೆ ಬಸ್ಗಳ ವ್ಯವಸ್ಥೆಯನ್ನು ಗಮನದಲ್ಲಿಟ್ಟುಕೊಂಡು ಹೊಸ ಆಟೊಗಳಿಗೆ ಪರವಾನಗಿ ನೀಡುವುದನ್ನು ನಿಲ್ಲಿಸಲಾಗಿತ್ತು. ಆಗ ಆರ್ಟಿಎ ಸಭೆಯ ತೀರ್ಮಾನಕ್ಕೆ ಮುನ್ನ ಓಡಾಡುತ್ತಿದ್ದ 4627 ಆಟೊಗಳಿಗೆ ಮಾತ್ರ ಪರವಾನಗಿ ಮಿತಿಗೊಂಡಿತ್ತು. ಜಿಲ್ಲಾಡಳಿತದ ಈ ತೀರ್ಮಾನದ ಹಿಂದೆ ಆಗಿನ ಆಟೊ ಚಾಲಕರ ಸಂಘಗಳ ಒತ್ತಡವೂ ಕೆಲಸ ಮಾಡಿತ್ತು ಎಂದು ಹೇಳಲಾಗುತ್ತಿದೆ.

. ಹೊಸ ನೋಂದಣಿಗೆ ಅವಕಾಶ:

. 2019ರ ನಂತರ ಶಿವಮೊಗ್ಗ ನಗರದ ವ್ಯಾಪ್ತಿಯಲ್ಲಿ ಹೊಸದಾಗಿ 257 ಆಟೊಗಳು ನೋಂದಣಿಯಾಗಿವೆ. ಆದರೆ ಪ್ರಯಾಣಿಕರ ಕರೆದೊಯ್ಯಲು ಪರವಾನಗಿ ದೊರೆತಿಲ್ಲ. ಶಿವಮೊಗ್ಗ ಹೊರತಾಗಿ ಆರ್ಟಿಒ ಕಚೇರಿ ವ್ಯಾಪ್ತಿಯ ಭದ್ರಾವತಿ ನಗರ ಹಾಗೂ ತೀರ್ಥಹಳ್ಳಿ ಪಟ್ಟಣಗಳಲ್ಲಿ ಆಟೊಗಳ ಓಡಿಸಲು ಪರವಾನಗಿ ಕೊಡಲಾಗುತ್ತಿದೆ.

. ’ಪರವಾನಗಿ ಕೊಡಲು ನಿರ್ಬಂಧ ಶಿವಮೊಗ್ಗಕ್ಕೆ ಮಾತ್ರ ಏಕೆ. ಹೊಸ ಆಟೊ ಕೊಂಡು ನೋಂದಣಿ ಮಾಡಿಸಿಕೊಳ್ಳಲು ಅವಕಾಶ ಕೊಡುತ್ತಾರೆ. ಆದರೆ ಶಿವಮೊಗ್ಗದಲ್ಲಿ ಓಡಿಸಲು ಪರವಾನಗಿ ಕೊಡದೇ ನಮಗೆ ಬದುಕು ಕಟ್ಟಿಕೊಳ್ಳಲು ಅವಕಾಶ ನಿರಾಕರಿಸಲಾಗುತ್ತಿದೆ‘ ಎಂಬುದು ಹೊಸ ಆಟೊಗಳ ಚಾಲಕರ ಅಳಲು.

. ’ಈಗಿರುವ ಆಟೊಗಳಿಗೆ ಪ್ರಯಾಣಿಕರು ಸಿಗುತ್ತಿಲ್ಲ. ನಾವೇ ಖಾಲಿ ಓಡಾಡುತ್ತಿದ್ದೇವೆ. ಮತ್ತೆ ಹೊಸ ಆಟೊಗಳಿಗೆ ಪರವಾನಗಿ ಕೊಟ್ಟರೆ ಹೇಗೆ?‘ ಎಂಬುದು ಹಾಲಿ ಆಟೊ ಚಾಲಕರ ಅಭಿಮತ.

. ಆಟೊಗೆ ಪರವಾನಗಿ ನಿರಾಕರಿಸಿದರೂ ನಿಯಮಾವಳಿಯಂತೆ ನಾವು ನೋಂದಣಿ ನಿರಾಕರಿಸುವಂತಿಲ್ಲ ಎಂದು ಹೇಳುವ ಆರ್ಟಿಒ ಕಚೇರಿ ಅಧಿಕಾರಿಗಳು, ಇ–ಆಟೊಗಳಿಗೆ ಯಾವುದೇ ಪರ್ಮಿಟ್ ಬೇಕಿಲ್ಲ ಎಂಬ ಸೂಕ್ಷ್ಮ ಒತ್ತಿ ಹೇಳುತ್ತಾರೆ.

. ಹೊಸದಾಗಿ ಪರವಾನಗಿ ಕೊಡುವ ತೀರ್ಮಾನ ಅರ್ಟಿಎ ಸಭೆಯಲ್ಲಿಯೇ ಕೈಗೊಳ್ಳಬೇಕಿದೆ. ಎರಡೂ ಕಡೆಯವರ ಅಳಲನ್ನು ಶೀಘ್ರ ಜಿಲ್ಲಾಧಿಕಾರಿ ಗಮನಕ್ಕೆ ತಂದು ಅವರ ಸೂಚನೆಯಂತೆ ಮುಂದಿನ ಕ್ರಮ ಕೈಗೊಳ್ಳಲಾಗುವುದು ಎಸ್.ಶಂಕ್ರಪ್ಪ ಪ್ರಾದೇಶಿಕ ಸಾರಿಗೆ ಅಧಿಕಾರಿ ಶಿವಮೊಗ್ಗ . ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಶಿವಮೊಗ್ಗ | ಪರ್ಮಿಟ್: ಜಿಲ್ಲಾಡಳಿತದ ಅಂಗಳದಲ್ಲಿ ಚೆಂಡು

ಚಿನಕುರುಳಿ | 06 ಜುಲೈ 2025, ಭಾನುವಾರ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

ದಿನ ಭವಿಷ್ಯ | ಈ ರಾಶಿಯವರಿಗೆ ಆರೋಗ್ಯದಲ್ಲಿ ಗಮನವಿರಲಿ

ENG vs IND Test | ಆಂಗ್ಲರಿಗೆ ಆಕಾಶ್ ಆಘಾತ: ಭಾರತಕ್ಕೆ 336 ರನ್ ಜಯ

ಲಂಡನ್‌ನಲ್ಲಿ ಮಹಿಳಾ ಕ್ರಿಕೆಟ್ ತಂಡಕ್ಕೆ ಅದ್ದೂರಿ ಸ್ವಾಗತ

ENG vs IND | ಪಂದ್ಯವೊಂದರಲ್ಲಿ ಗರಿಷ್ಠ ಮೊತ್ತ: ಇಂಗ್ಲೆಂಡ್ ಪರ ಸ್ಮಿತ್ ದಾಖಲೆ

'ಇದಕ್ಕೆಲ್ಲ ಅರ್ಹ ನೀನು': ದಾಖಲೆ ಬರೆದ ಗಿಲ್‌ಗೆ ಬೆನ್ನುತಟ್ಟಿದ ಕೊಹ್ಲಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | 06 ಜುಲೈ 2025, ಭಾನುವಾರ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

ದಿನ ಭವಿಷ್ಯ | ಈ ರಾಶಿಯವರಿಗೆ ಆರೋಗ್ಯದಲ್ಲಿ ಗಮನವಿರಲಿ