<p><strong>ಶಿವಮೊಗ್ಗ:</strong> ಮೂಲಸೌಕರ್ಯ ಅಭಿವೃದ್ಧಿ ವಿಚಾರದಲ್ಲಿ ಶಿವಮೊಗ್ಗ ಜಿಲ್ಲೆಯು ಜಾಗತಿಕವಾಗಿ ಗುರುತಿಸಿಕೊಂಡಿದೆ. ಅದರ ಭಾಗವಾಗಿ ₹110 ಕೋಟಿ ವೆಚ್ಚದಲ್ಲಿ ಕೋಟೆ ಗಂಗೂರಿನಲ್ಲಿ ರೈಲ್ವೆ ಕೋಚಿಂಗ್ ಡಿಪೋ ನಿರ್ಮಿಸಿದ್ದು, 2026ರ ಫೆಬ್ರುವರಿಯಲ್ಲಿ ಲೋಕಾರ್ಪಣೆಗೊಳ್ಳಲಿದೆ ಎಂದು ಸಂಸದ ಬಿ.ವೈ.ರಾಘವೇಂದ್ರ ತಿಳಿಸಿದರು. </p>.<p>ಇಲ್ಲಿನ ವಿಪ್ರ ನೌಕರರ ಕ್ಷೇಮಾಭಿವೃದ್ಧಿ ಸಂಘದಿಂದ ಭಾನುವಾರ ನಡೆದ ಪ್ರತಿಭಾ ಪುರಸ್ಕಾರ, ಸುವರ್ಣ ದಾಂಪತ್ಯ ಸನ್ಮಾನ, ವಿದ್ಯಾನಿಧಿ ವಿತರಣೆ ಹಾಗೂ ಸಾಧಕ ನೌಕರರಿಗೆ ಸನ್ಮಾನ ಸಮಾರಂಭದಲ್ಲಿ ಮಾತನಾಡಿದರು. </p>.<p>‘ಕೋಚಿಂಗ್ ಡಿಪೋ ಲೋಕಾರ್ಪಣೆಗೊಳ್ಳುತ್ತಿದ್ದಂತೆಯೇ ವಂದೇ ಭಾರತ್ ಸೇರಿದಂತೆ 10 ರಾಜ್ಯಗಳಿಗೆ ಇಲ್ಲಿಂದಲೇ ರೈಲು ಓಡಿಸಲು ಸಿದ್ಧತೆ ನಡೆದಿದೆ. ಚುನಾವಣೆ ಸಂದರ್ಭದಲ್ಲಿ ರಾಜಕಾರಣ ಮಾಡೋಣ. ಈಗ 360 ಡಿಗ್ರಿಯಲ್ಲಿ ಶಿವಮೊಗ್ಗ ಜಿಲ್ಲೆಯ ಅಭಿವೃದ್ಧಿಗೆ ಕೈಜೋಡಿಸೋಣ’ ಎಂದರು. </p>.<p>ಸಮುದಾಯದ ಬೆಂಬಲ ಇದ್ದರೆ ಮಕ್ಕಳಿಗೆ ಭದ್ರತೆಯ ಭಾವ ಇರುತ್ತದೆ. ಆ ನಿಟ್ಟಿನಲ್ಲಿ ವಿಪ್ರ ಸಮಾಜ ಸಾಧಕ ವಿದ್ಯಾರ್ಥಿಗಳಿಗೆ ಬೆನ್ನುತಟ್ಟುವ ಹಾಗೂ ವಿದ್ಯಾನಿಧಿ ಮೂಲಕ ನೆರವು ನೀಡಲು ಮುಂದಾಗಿರುವುದು ಶ್ಲಾಘನೀಯ ಸಂಗತಿ ಎಂದು ಹೇಳಿದರು. </p>.<p>ಕೃತಕ ಬುದ್ಧಿಮತ್ತೆ (ಎಐ) ಬಳಕೆ ಅನುಕೂಲದ ಜೊತೆಗೆ ಉದ್ಯೋಗ ಕಸಿದುಕೊಳ್ಳುವ ಆತಂಕವನ್ನೂ ಮೂಡಿಸಿದೆ. ಟಿಸಿಎಸ್ ಕಂಪನಿಯವರು 12,000 ನೌಕರರನ್ನು ಉದ್ಯೋಗದಿಂದ ಕೈ ಬಿಡುತ್ತಿದ್ದಾರೆ. ಅದು ಸರಿಯಲ್ಲ. ಜಾಗತೀಕರಣದ ಈ ಹೊತ್ತಿನಲ್ಲಿ ಎಲ್ಲರೂ ಓಡುತ್ತಿದ್ದೇವೆ. ಆ ಓಟ ಸಂಸ್ಕಾರಯುತವಾಗಿರಬೇಕು. ಇಂದು ಶಿವಮೊಗ್ಗ ಕೂಡ ಶಿಕ್ಷಣ, ಆರೋಗ್ಯದ ಹಬ್ ಆಗಿ ಬದಲಾಗಿದೆ. ಇಲ್ಲಿ ಅವಕಾಶಗಳ ಬಾಗಿಲು ಹೆಚ್ಚಾಗಿವೆ ಎಂದರು. </p>.<p>ವಿಧಾನಪರಿಷತ್ ಸದಸ್ಯ ಡಾ.ಧನಂಜಯ ಸರ್ಜಿ, ಸಂಘಟನೆ ಮನಸ್ಸು ಮಾಡಿದರೆ ಏನು ಬೇಕಾದರೂ ಮಾಡಬಹುದು. ಆದರೆ ಸಂಘಟನೆಯಲ್ಲಿ ಅಹಂ ಸರಿಯಲ್ಲ. ಒಗ್ಗರಣೆ ಹಾಕಿದಂತೆ ಎಲ್ಲ ಸಂಗತಿಗಳೂ ಹದವಾಗಿ ಬೆರೆಯಬೇಕು. ಆಗ ಮಾತ್ರ ಸಂಘಟನೆ ಯಶಸ್ವಿಯಾಗುತ್ತದೆ ಎಂದರು. </p>.<p>50 ವರ್ಷ ದಾಂಪತ್ಯ ಬದುಕು ಪೂರ್ಣಗೊಳಿಸಿದವರಿಗೆ ಸನ್ಮಾನ ಬಹಳ ಒಳ್ಳೆಯ ಕಾರ್ಯ. ಶೇ 30ರಿಂದ 35ರಷ್ಟು ವಿವಾಹಗಳು ವಿಚ್ಛೇದನದತ್ತ ಸಾಗುತ್ತಿರುವ, ಶೇ 15ರಿಂದ 20 ಮಂದಿ ಮದುವೆ ಆಗಲು ಇಷ್ಟವಿಲ್ಲವೆಂಬ ಪರಿಸ್ಥಿತಿ ನಿರ್ಮಾಣವಾಗಿರುವ ಈ ಹೊತ್ತಿನಲ್ಲಿ ಸುವರ್ಣ ದಾಂಪತ್ಯದ ಸನ್ಮಾನ ಮಾದರಿ ಕಾರ್ಯ ಎಂದರು. </p>.<p>69 ವರ್ಷಗಳ ದಾಂಪತ್ಯ ಬದುಕು ಸಾಗಿಸಿದ ವನಜಾಕ್ಷಮ್ಮ–ಸುಬ್ರಹ್ಮಣ್ಯ ಐತಾಳ ದಂಪತಿ ಸೇರಿದಂತೆ ಯಶಸ್ವಿ ದಂಪತಿಗಳನ್ನು, ಪ್ರತಿಭಾನ್ವಿತ ವಿದ್ಯಾರ್ಥಿಗಳನ್ನು ಗೌರವಿಸಲಾಯಿತು. </p>.<p>ಶಾಸಕ ಎಸ್.ಎನ್.ಚನ್ನಬಸಪ್ಪ, ಮಾಜಿ ಶಾಸಕ ಕೆ.ಬಿ.ಪ್ರಸನ್ನಕುಮಾರ್, ವಿಪ್ರ ನೌಕರರ ಸಂಘದ ಎನ್.ಎಂ.ರಘುರಾಮ್, ಎಚ್.ಎಚ್.ಛಾಯಾಪತಿ, ಮ.ಸ.ನಂಜುಂಡಸ್ವಾಮಿ, ಜಿ.ಎಸ್.ಅನಂತ್, ಆರ್.ಅಚ್ಯುತರಾವ್, ಡಾ.ಎಸ್.ಶ್ರೀಧರ್, ನಾಗೇಶ್, ಪ್ರಭಾಕರ್ ಮತ್ತಿತರರು ಇದ್ದರು.</p>.<div><blockquote>ಹಿರಿಯರ ಆಶೀರ್ವಾದ ಹೊಂದಿದ ಸಮುದಾಯವು ನೆಮ್ಮದಿ ಶಾಂತಿಯಿಂದ ಇರುತ್ತದೆ. ವಿಪ್ರ ಸಮಾಜ ಹಿರಿಯರನ್ನು ಗೌರವಿಸಲು ಮುಂದಾಗಿರುವುದು ರಾಜ್ಯಕ್ಕೆ ಮಾದರಿಯಾದ ನಡೆಯಾಗಿದೆ</blockquote><span class="attribution"> ಕೆ.ಎಸ್.ಈಶ್ವರಪ್ಪ ಮಾಜಿ ಡಿಸಿಎಂ</span></div>.<div><blockquote>ವರ್ಷದೊಳಗೆ ವಿಚ್ಛೇದನ ಆಗುತ್ತಿರುವ ಇಂದಿನ ದಿನಗಳಲ್ಲಿ 50 ವರ್ಷ ಒಟ್ಟಾಗಿ ಜೀವನ ನಡೆಸಬಹುದು ಎಂಬ ಸಂದೇಶವನ್ನು ಸಮಾಜಕ್ಕೆ ನೀಡಲು ಈ ಕಾರ್ಯಕ್ರಮ ಆಯೋಜಿಸಲಾಗಿದೆ</blockquote><span class="attribution"> ಎಚ್.ಕೆ.ಕೇಶವಮೂರ್ತಿ ವಿಪ್ರ ನೌಕರರ ಕ್ಷೇಮಾಭಿವೃದ್ಧಿ ಸಂಘದ ಜಿಲ್ಲಾ ಘಟಕದ ಅಧ್ಯಕ್ಷ</span></div>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಶಿವಮೊಗ್ಗ:</strong> ಮೂಲಸೌಕರ್ಯ ಅಭಿವೃದ್ಧಿ ವಿಚಾರದಲ್ಲಿ ಶಿವಮೊಗ್ಗ ಜಿಲ್ಲೆಯು ಜಾಗತಿಕವಾಗಿ ಗುರುತಿಸಿಕೊಂಡಿದೆ. ಅದರ ಭಾಗವಾಗಿ ₹110 ಕೋಟಿ ವೆಚ್ಚದಲ್ಲಿ ಕೋಟೆ ಗಂಗೂರಿನಲ್ಲಿ ರೈಲ್ವೆ ಕೋಚಿಂಗ್ ಡಿಪೋ ನಿರ್ಮಿಸಿದ್ದು, 2026ರ ಫೆಬ್ರುವರಿಯಲ್ಲಿ ಲೋಕಾರ್ಪಣೆಗೊಳ್ಳಲಿದೆ ಎಂದು ಸಂಸದ ಬಿ.ವೈ.ರಾಘವೇಂದ್ರ ತಿಳಿಸಿದರು. </p>.<p>ಇಲ್ಲಿನ ವಿಪ್ರ ನೌಕರರ ಕ್ಷೇಮಾಭಿವೃದ್ಧಿ ಸಂಘದಿಂದ ಭಾನುವಾರ ನಡೆದ ಪ್ರತಿಭಾ ಪುರಸ್ಕಾರ, ಸುವರ್ಣ ದಾಂಪತ್ಯ ಸನ್ಮಾನ, ವಿದ್ಯಾನಿಧಿ ವಿತರಣೆ ಹಾಗೂ ಸಾಧಕ ನೌಕರರಿಗೆ ಸನ್ಮಾನ ಸಮಾರಂಭದಲ್ಲಿ ಮಾತನಾಡಿದರು. </p>.<p>‘ಕೋಚಿಂಗ್ ಡಿಪೋ ಲೋಕಾರ್ಪಣೆಗೊಳ್ಳುತ್ತಿದ್ದಂತೆಯೇ ವಂದೇ ಭಾರತ್ ಸೇರಿದಂತೆ 10 ರಾಜ್ಯಗಳಿಗೆ ಇಲ್ಲಿಂದಲೇ ರೈಲು ಓಡಿಸಲು ಸಿದ್ಧತೆ ನಡೆದಿದೆ. ಚುನಾವಣೆ ಸಂದರ್ಭದಲ್ಲಿ ರಾಜಕಾರಣ ಮಾಡೋಣ. ಈಗ 360 ಡಿಗ್ರಿಯಲ್ಲಿ ಶಿವಮೊಗ್ಗ ಜಿಲ್ಲೆಯ ಅಭಿವೃದ್ಧಿಗೆ ಕೈಜೋಡಿಸೋಣ’ ಎಂದರು. </p>.<p>ಸಮುದಾಯದ ಬೆಂಬಲ ಇದ್ದರೆ ಮಕ್ಕಳಿಗೆ ಭದ್ರತೆಯ ಭಾವ ಇರುತ್ತದೆ. ಆ ನಿಟ್ಟಿನಲ್ಲಿ ವಿಪ್ರ ಸಮಾಜ ಸಾಧಕ ವಿದ್ಯಾರ್ಥಿಗಳಿಗೆ ಬೆನ್ನುತಟ್ಟುವ ಹಾಗೂ ವಿದ್ಯಾನಿಧಿ ಮೂಲಕ ನೆರವು ನೀಡಲು ಮುಂದಾಗಿರುವುದು ಶ್ಲಾಘನೀಯ ಸಂಗತಿ ಎಂದು ಹೇಳಿದರು. </p>.<p>ಕೃತಕ ಬುದ್ಧಿಮತ್ತೆ (ಎಐ) ಬಳಕೆ ಅನುಕೂಲದ ಜೊತೆಗೆ ಉದ್ಯೋಗ ಕಸಿದುಕೊಳ್ಳುವ ಆತಂಕವನ್ನೂ ಮೂಡಿಸಿದೆ. ಟಿಸಿಎಸ್ ಕಂಪನಿಯವರು 12,000 ನೌಕರರನ್ನು ಉದ್ಯೋಗದಿಂದ ಕೈ ಬಿಡುತ್ತಿದ್ದಾರೆ. ಅದು ಸರಿಯಲ್ಲ. ಜಾಗತೀಕರಣದ ಈ ಹೊತ್ತಿನಲ್ಲಿ ಎಲ್ಲರೂ ಓಡುತ್ತಿದ್ದೇವೆ. ಆ ಓಟ ಸಂಸ್ಕಾರಯುತವಾಗಿರಬೇಕು. ಇಂದು ಶಿವಮೊಗ್ಗ ಕೂಡ ಶಿಕ್ಷಣ, ಆರೋಗ್ಯದ ಹಬ್ ಆಗಿ ಬದಲಾಗಿದೆ. ಇಲ್ಲಿ ಅವಕಾಶಗಳ ಬಾಗಿಲು ಹೆಚ್ಚಾಗಿವೆ ಎಂದರು. </p>.<p>ವಿಧಾನಪರಿಷತ್ ಸದಸ್ಯ ಡಾ.ಧನಂಜಯ ಸರ್ಜಿ, ಸಂಘಟನೆ ಮನಸ್ಸು ಮಾಡಿದರೆ ಏನು ಬೇಕಾದರೂ ಮಾಡಬಹುದು. ಆದರೆ ಸಂಘಟನೆಯಲ್ಲಿ ಅಹಂ ಸರಿಯಲ್ಲ. ಒಗ್ಗರಣೆ ಹಾಕಿದಂತೆ ಎಲ್ಲ ಸಂಗತಿಗಳೂ ಹದವಾಗಿ ಬೆರೆಯಬೇಕು. ಆಗ ಮಾತ್ರ ಸಂಘಟನೆ ಯಶಸ್ವಿಯಾಗುತ್ತದೆ ಎಂದರು. </p>.<p>50 ವರ್ಷ ದಾಂಪತ್ಯ ಬದುಕು ಪೂರ್ಣಗೊಳಿಸಿದವರಿಗೆ ಸನ್ಮಾನ ಬಹಳ ಒಳ್ಳೆಯ ಕಾರ್ಯ. ಶೇ 30ರಿಂದ 35ರಷ್ಟು ವಿವಾಹಗಳು ವಿಚ್ಛೇದನದತ್ತ ಸಾಗುತ್ತಿರುವ, ಶೇ 15ರಿಂದ 20 ಮಂದಿ ಮದುವೆ ಆಗಲು ಇಷ್ಟವಿಲ್ಲವೆಂಬ ಪರಿಸ್ಥಿತಿ ನಿರ್ಮಾಣವಾಗಿರುವ ಈ ಹೊತ್ತಿನಲ್ಲಿ ಸುವರ್ಣ ದಾಂಪತ್ಯದ ಸನ್ಮಾನ ಮಾದರಿ ಕಾರ್ಯ ಎಂದರು. </p>.<p>69 ವರ್ಷಗಳ ದಾಂಪತ್ಯ ಬದುಕು ಸಾಗಿಸಿದ ವನಜಾಕ್ಷಮ್ಮ–ಸುಬ್ರಹ್ಮಣ್ಯ ಐತಾಳ ದಂಪತಿ ಸೇರಿದಂತೆ ಯಶಸ್ವಿ ದಂಪತಿಗಳನ್ನು, ಪ್ರತಿಭಾನ್ವಿತ ವಿದ್ಯಾರ್ಥಿಗಳನ್ನು ಗೌರವಿಸಲಾಯಿತು. </p>.<p>ಶಾಸಕ ಎಸ್.ಎನ್.ಚನ್ನಬಸಪ್ಪ, ಮಾಜಿ ಶಾಸಕ ಕೆ.ಬಿ.ಪ್ರಸನ್ನಕುಮಾರ್, ವಿಪ್ರ ನೌಕರರ ಸಂಘದ ಎನ್.ಎಂ.ರಘುರಾಮ್, ಎಚ್.ಎಚ್.ಛಾಯಾಪತಿ, ಮ.ಸ.ನಂಜುಂಡಸ್ವಾಮಿ, ಜಿ.ಎಸ್.ಅನಂತ್, ಆರ್.ಅಚ್ಯುತರಾವ್, ಡಾ.ಎಸ್.ಶ್ರೀಧರ್, ನಾಗೇಶ್, ಪ್ರಭಾಕರ್ ಮತ್ತಿತರರು ಇದ್ದರು.</p>.<div><blockquote>ಹಿರಿಯರ ಆಶೀರ್ವಾದ ಹೊಂದಿದ ಸಮುದಾಯವು ನೆಮ್ಮದಿ ಶಾಂತಿಯಿಂದ ಇರುತ್ತದೆ. ವಿಪ್ರ ಸಮಾಜ ಹಿರಿಯರನ್ನು ಗೌರವಿಸಲು ಮುಂದಾಗಿರುವುದು ರಾಜ್ಯಕ್ಕೆ ಮಾದರಿಯಾದ ನಡೆಯಾಗಿದೆ</blockquote><span class="attribution"> ಕೆ.ಎಸ್.ಈಶ್ವರಪ್ಪ ಮಾಜಿ ಡಿಸಿಎಂ</span></div>.<div><blockquote>ವರ್ಷದೊಳಗೆ ವಿಚ್ಛೇದನ ಆಗುತ್ತಿರುವ ಇಂದಿನ ದಿನಗಳಲ್ಲಿ 50 ವರ್ಷ ಒಟ್ಟಾಗಿ ಜೀವನ ನಡೆಸಬಹುದು ಎಂಬ ಸಂದೇಶವನ್ನು ಸಮಾಜಕ್ಕೆ ನೀಡಲು ಈ ಕಾರ್ಯಕ್ರಮ ಆಯೋಜಿಸಲಾಗಿದೆ</blockquote><span class="attribution"> ಎಚ್.ಕೆ.ಕೇಶವಮೂರ್ತಿ ವಿಪ್ರ ನೌಕರರ ಕ್ಷೇಮಾಭಿವೃದ್ಧಿ ಸಂಘದ ಜಿಲ್ಲಾ ಘಟಕದ ಅಧ್ಯಕ್ಷ</span></div>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>