ತಾಲ್ಲೂಕಿನ ಹಳ್ಳ ಹಾಗೂ ಕಟ್ಟೆಗಳಲ್ಲಿ ಮಳೆಯ ನೀರು ತುಂಬಿ ಕೆಲ ಕೆರೆಗಳು ಕೋಡಿ ಬಿದ್ದಿವೆ. ಮಧುಗಿರಿ ಚೋಳೇನಹಳ್ಳಿ ಕೆರೆ ಹಾಗೂ ಸಿದ್ದಾಪುರ ಕೆರೆ ಭರ್ತಿಯಾಗಿದ್ದು, ಶುಕ್ರವಾರ ಕೋಡಿ ಬಿದ್ದಿದೆ. ಕೆರೆಯ ನೀರನ್ನು ನೋಡಲು ಜನರು ಜಡಿ ಮಳೆಯನ್ನೂ ಲೆಕ್ಕಿಸಿದೆ ತಂಡೋಪತಂಡವಾಗಿ ಭೇಟಿ ನೀಡಿದ್ದರು. ತಾಲ್ಲೂಕಿನಲ್ಲಿ ಕಳೆದ ಎರಡು ದಿನಗಳಿಂದ ಸುರಿಯುತ್ತಿರುವ ಜಡಿ ಮಳೆಯಲ್ಲೂ ವಿದ್ಯಾರ್ಥಿಗಳು ಶಾಲಾ- ಕಾಲೇಜಿಗೆ ತೆರಳಿ ಪಾಠ ಕೇಳಿದರು. ಜನರು ಬಿಸಿಯಾದ ಕಾಫಿ, ಬೊಂಡ, ಬಜ್ಜಿ, ಜೋಳ ಸೇರಿದಂತೆ ಇತರೇ ಆಹಾರ ಪದಾರ್ಥಗಳ ಸೇವನೆಗೆ ಮೊರೆ ಹೋದರು.