ಶಿರಾ: ಎಪಿಎಂಸಿ ಮಾರುಕಟ್ಟೆಗೆ ತಂದಿದ್ದ ಶೇಂಗಾ ಮಂಗಳವಾರ ಬಂದ ಮಳೆಯಿಂದಾಗಿ ರಸ್ತೆಯಲ್ಲಿ ಕೊಚ್ಚಿ ಹೋಗುವಂತಾಯಿತು. ಅದನ್ನು ಉಳಿಸಿಕೊಳ್ಳಲು ರೈತರು ಸಂಕಷ್ಟಪಟ್ಟರು. ಸತತ ಬರಗಾಲದಿಂದ ಬೇಸತ್ತಿರುವ ಈ ಭಾಗದ ರೈತರಿಗೆ ಈ ಬಾರಿ ಶೇಂಗಾ ಉತ್ತಮ ಇಳುವರಿ ಬಂದಿದ್ದು ಹರ್ಷ ಮೂಡಿಸಿತ್ತು. ಮಂಗಳವಾರದ ಮಾರುಕಟ್ಟೆಗೆ ಹೆಚ್ಚಿನ ಶೇಂಗಾ ಬಂದಿದ್ದು ರಸ್ತೆಯಲ್ಲಿ ಶೇಂಗಾವನ್ನು ರಾಶಿ ಹಾಕಿ ಮಾರಾಟ ಮಾಡುತ್ತಿದ್ದಾಗ ಬಂದ ಮಳೆಯಿಂದಾಗಿ ಶೇಂಗಾ ಕೊಚ್ಚಿಕೊಂಡು ಹೋಗುವಂತಾಯಿತು. ಮಳೆಯನ್ನು ಲೆಕ್ಕಿಸದೆ ರೈತರು ಶೇಂಗಾ ರಕ್ಷಿಸಲು ಮುಂದಾದರೂ ಶೇಂಗಾ ನೀರಿನಲ್ಲಿ ತೇಲಿ ಹೋಗುತ್ತಿತ್ತು.
