ಕೃಷ್ಣಮಠದ ‘ಸುಭದ್ರೆ’ ಹಿರೇಕಲ್ಲು ಮಠಕ್ಕೆ ಸ್ಥಳಾಂತರ

ಆನೆ ಸುಭದ್ರೆ 26 ವರ್ಷಗಳಿಂದ ಗರ್ಭ ಧರಿಸಲು ಸಾಧ್ಯವಾಗದ್ದರಿಂದ ವನ್ಯಜೀವಿ ವಿಭಾಗದ ಪ್ರಧಾನ ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿ ಸೂಚನೆಯಂತೆ ಹಿರೇಕಲ್ಲು ಮಠದ ಅರಣ್ಯಕ್ಕೆ ಕಳುಹಿಸಲಾಗಿದೆ. ಅಲ್ಲಿನ ವಾತಾವರಣ ಗರ್ಭ ಧರಿಸಲು ಅನುಕೂಲಕರವಾಗಿದೆ ಎಂದು ಅಧಿಕಾರಿಗಳು ಸಲಹೆ ನೀಡಿದ ಹಿನ್ನೆಲೆಯಲ್ಲಿ ಆನೆಯನ್ನು ಕಳುಹಿಸಲಾಗಿದೆ ಎಂದು ಮಠದ ಆಡಳಿತಾಧಿಕಾರಿ ಪಿ.ಆರ್‌.ಪ್ರಹ್ಲಾದ್‌ ತಿಳಿಸಿದರು.

ಸೋಮವಾರ ಬೆಳಿಗ್ಗೆ ಅರಣ್ಯಾಧಿಕಾರಿ ರೇವಣ್ಣ ಅವರ ನೇತೃತ್ವದಲ್ಲಿ ಆನೆಯನ್ನು ಲಾರಿಯ ಮೂಲಕ ಕಳುಹಿಸಲಾಯಿತು. ಸಂತಾನೋತ್ಪತ್ತಿ ಬಳಿಕ ಸುಭದ್ರೆ ಮತ್ತೆ ಕೃಷ್ಣಮಠಕ್ಕೆ ಬರಲಿದ್ದಾಳೆ ಎಂದುಪಿ.ಆರ್‌.ಪ್ರಹ್ಲಾದ್‌ ಸ್ಪಷ್ಟಪಡಿಸಿದ್ದಾರೆ.