ಭಟ್ಕಳ | ನೇಪಥ್ಯಕ್ಕೆ ಸರಿದ ಶಂಸುದ್ದೀನ್ ವೃತ್ತ

ಭಟ್ಕಳ: ಪಟ್ಟಣದ ಪಾಲಿನ ಬ್ರ್ಯಾಂಡ್ ಸ್ಥಳ ಎನಿಸಿದ್ದ ‘ಶಂಸುದ್ದೀನ್ ವೃತ್ತ’ ಇನ್ನು ನೆನಪು ಮಾತ್ರ. 25 ವರ್ಷಗಳಿಂದ ಭಟ್ಕಳದ ಹೆಗ್ಗುರುತಿನ ಭಾಗವಾಗಿದ್ದ ವೃತ್ತ ರಾಷ್ಟ್ರೀಯ ಹೆದ್ದಾರಿ–66ರ ವಿಸ್ತರಣೆಗೆ ಶನಿವಾರ ತೆರವುಗೊಂಡಿತು.

. ಪಟ್ಟಣದ ಮಧ್ಯೆ ಹಾದುಹೋಗುವ ರಾಷ್ಟ್ರೀಯ ಹೆದ್ದಾರಿಗೆ ಪಟ್ಟಣದ ಪ್ರವೇಶದ್ವಾರದಂತೆ 25 ವರ್ಷಗಳ ಹಿಂದೆ ನಿರ್ಮಿಸಿದ್ದ ವೃತ್ತವನ್ನು ಜೆಸಿಬಿ ಮೂಲಕ ತೆರವುಗೊಳಿಸಲಾಗಿದೆ. ವೃತ್ತದ ಕಮಾನು, ಗೋಲಗಳನ್ನು ತೆರವುಗೊಳಿಸುವುದನ್ನು ಕಂಡು ನೆರೆದಿದ್ದವರು ಭಾವುಕರಾದರು.

. ‘ಭಟ್ಕಳದ ಗುರುತಿಗೆ ಶಂಸುದ್ದೀನ್ ವೃತ್ತದ ಗೋಪುರ ತೋರಿಸುವುದು ವಾಡಿಕೆ ಎಂಬಂತೆ ಆಗಿತ್ತು. ವೃತ್ತದ ಮಧ್ಯದ ಗೋಪುರವನ್ನು ಸಂಪೂರ್ಣ ಒಡೆದು ಹಾಕಿ ತೆರವು ಮಾಡಲಾಗಿದೆ. ಪಟ್ಟಣದ ಹೆಗ್ಗುರುತುಗಳಲ್ಲಿ ಒಂದೆನಿಸಿದ್ದ ಸ್ಥಳ ಇನ್ನು ನೋಡಲು ಸಿಗದು’ ಎಂದು ಸ್ಥಳದಲ್ಲಿದ್ದವರೊಬ್ಬರು ಬೇಸರ ತೋಡಿಕೊಂಡರು.

. ನಾಲ್ಕು ರಸ್ತೆ ಒಂದೆ ಕಡೆ ಸೇರುವ ಶಂಸುದ್ದೀನ್ ವೃತ್ತದಲ್ಲಿನ ಗೋಪುರ ರಸ್ತೆ ದಾಟುವ ಪಾದಚಾರಿಗಳಿಗೆ ರಕ್ಷಾ ಕವಚವಾಗಿ ಕಾರ್ಯನಿರ್ವಹಿಸುತ್ತಿತ್ತು. ಭಟ್ಕಳದ ಪ್ರತಿಷ್ಠಿತ ಗೋಲ್ಡನ್ ಜುವೆಲ್ಲರ್ಸ್ ಆಭರಣ ಮಳಿಗೆ ಮಾಲಿಕರು ಅಂದಾಜು ₹12 ಲಕ್ಷ ವೆಚ್ಚದಲ್ಲಿ ಗೋಪುರ ನಿರ್ಮಿಸಿದ್ದರು. ತಮ್ಮ ಅಂಗಡಿಯ ಸಂಕೇತವಾಗಿ ಗೋಪುರದ ಮಧ್ಯದಲ್ಲಿ ವೃತ್ತಾಕಾರದ ಎರಡು ಬಳೆಗಳನ್ನು ಇರಿಸಿ ಸುತ್ತಲೂ ಲೈಟಿಂಗ್ ವ್ಯವಸ್ಥೆ ಕಲ್ಪಿಸಿದ್ದರು.

. ಭಟ್ಕಳದಲ್ಲಿ ಹಿಂದೂ, ಮುಸ್ಲಿಂ, ಕ್ರೈಸ್ತ ಧರ್ಮೀಯರ ಹಬ್ಬ ಹರಿದಿನಗಳ ಸಂದರ್ಭದಲ್ಲಿ ಆಯಾ ಸಮುದಾಯವರು ವೃತ್ತದ ಗೋಪುರವನ್ನು ಲೈಟಿಂಗ್ಸ್ನಿಂದ ಸಿಂಗರಿಸುತ್ತಿದ್ದರು.

. ‘ಭಟ್ಕಳಕ್ಕೆ ಹೊಸದಾಗಿ ಬರುವವವರಿಗೆ ಸ್ವಾಗತ ನೀಡುವ ಹಾಗೂ ಭಟ್ಕಳದ ಗುರುತು ಪರಿಚಯಿಸುವ ಈ ಗೋಪುರವನ್ನು 2001ರಲ್ಲಿ ನಿರ್ಮಿಸಲಾಗಿತ್ತು. ಸಾಮಾನ್ಯ ವೃತ್ತದಂತೆ ಇರದೆ ಆಕರ್ಷಕ ಎನಿಸುತ್ತಿತ್ತು. ರಾಷ್ಟ್ರೀಯ ಹಬ್ಬ ಹರಿದಿನಗಳ ಸಂದರ್ಭದಲ್ಲಿ ತಾಲ್ಲೂಕಾಡಳಿತದಿಂದ ಈ ಗೋಪುರಕ್ಕೆ ಅಲಂಕಾರ ಮಾಡಲಾಗುತ್ತಿತ್ತು. ವಿಜಯೋತ್ಸವ, ಪ್ರತಿಭಟನೆ ನಡೆಯುವುದಿದ್ದರೆ ಗೋಪುರವೇ ಕೇಂದ್ರ ಸ್ಥಳ ಆಗುತ್ತಿತ್ತು’ ಎಂದು ಸ್ಥಳೀಯರು ಹೇಳುತ್ತಾರೆ.

. 2001ರಲ್ಲಿ ಸ್ಥಾಪನೆಯಾಗಿದ್ದ ವೃತ್ತ ವೃತ್ತ ನಿರ್ಮಾಣಕ್ಕೆ ₹12 ಲಕ್ಷ ವೆಚ್ಚ ಜೆಸಿಬಿ ಬಳಸಿ ಕಮಾನು, ಗೋಲಗಳ ತೆರವು

. ಭಟ್ಕಳದ ಮೆರಗು ಹೆಚ್ಚಿಸಲು 2002ರಲ್ಲಿ ನಮ್ಮ ಕುಟುಂಬದಿಂದ ಶಂಸುದ್ದೀನ್ ವೃತ್ತದ ಗೋಪುರವನ್ನು ನಿರ್ಮಿಸಲಾಗಿತ್ತು. ಈಗ ತೆರವು ಮಾಡಿರುವುದು ನಮಗೆ ಮಾತ್ರವಲ್ಲ ಸಮಸ್ತ ಭಟ್ಕಳಿಗರಿಗೆ ನಿರಾಸೆಯಾಗಿದೆ ಶಾಹಿಖ್ ಕೋಲಾ ಉದ್ಯಮಿ . ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಭಟ್ಕಳ | ನೇಪಥ್ಯಕ್ಕೆ ಸರಿದ ಶಂಸುದ್ದೀನ್ ವೃತ್ತ

ಧಾರಾವಾಹಿ ಅಲ್ಲ, ನಿಜ ಜೀವನದಲ್ಲೂ ಒಂದಾದ ಅಮೃತಧಾರೆ ರಾಣವ್ ಗೌಡ, ರಾಧಾ ಭಗವತಿ ಜೋಡಿ

ಸಂಪುಟದ ತೀರ್ಮಾನಕ್ಕೆ ಒಪಿಎಸ್‌: ಮುಖ್ಯಮಂತ್ರಿ ಸಿದ್ದರಾಮಯ್ಯ

ಚಿನಕುರುಳಿ: ಶನಿವಾರ, 28 ಫೆಬ್ರುವರಿ ‌2026

ಹಣ ಸಾಗಿಸುತ್ತಿದ್ದ ವಿಮಾನ ಪತನ: 20 ಮಂದಿ ಮೃತಪಟ್ಟರೂ ನೋಟಿಗಾಗಿ ಮುಗಿಬಿದ್ದ ಜನ!

Iran-Israel War: ದುಬೈನಲ್ಲಿ ಸಿಲುಕಿದ ಪಿ.ವಿ. ಸಿಂಧು

ಆಸ್ಟ್ರೇಲಿಯಾ ವಿರುದ್ಧದ ODI ಸರಣಿಯ 3ನೇ ಪಂದ್ಯ: ಪುಟಿದೇಳುವತ್ತ ಕೌರ್‌ ಪಡೆ ಚಿತ್ತ

ರಣಜಿ ಟ್ರೋಫಿ ಕ್ರಿಕೆಟ್ ಫೈನಲ್: ಟಾಸ್‌ಗೂ ಮುನ್ನ ತಂಡ ಸೇರಿದ್ದ ಕಮ್ರಾನ್‌

Ranji Trophy 2026: ದೇಶಿ ಕ್ರಿಕೆಟ್‌ಗೆ ಹೊಸ ‘ರಾಜ’ ಜಮ್ಮು–ಕಾಶ್ಮೀರ

ಒಳನೋಟ | ಕೋಟಿ ವೃಕ್ಷ ಅಭಿಯಾನಕ್ಕೆ ಜನ ಸಹಭಾಗಿತ್ವ: ಹಸಿರಾಗುತ್ತಿದೆ ವಿಜಯಪುರ

ಒಳನೋಟ: ನೆಡುತೋಪಿನಿಂದ ವನ ವಿಸ್ತರಣೆ?

ಒಳನೋಟ | ಕಾಣದ ಕೈ: ಕಾಡುವ ಡ್ರಗ್ಸ್‌

ಒಳನೋಟ: ಕಿನ್ನಾಳ ಕಲೆಗೀಗ ಯುವೋತ್ಸಾಹ

ಧಾರಾವಾಹಿ ಅಲ್ಲ, ನಿಜ ಜೀವನದಲ್ಲೂ ಒಂದಾದ ಅಮೃತಧಾರೆ ರಾಣವ್ ಗೌಡ, ರಾಧಾ ಭಗವತಿ ಜೋಡಿ

ಸಂಪುಟದ ತೀರ್ಮಾನಕ್ಕೆ ಒಪಿಎಸ್‌: ಮುಖ್ಯಮಂತ್ರಿ ಸಿದ್ದರಾಮಯ್ಯ

ಚಿನಕುರುಳಿ: ಶನಿವಾರ, 28 ಫೆಬ್ರುವರಿ ‌2026

ಹಣ ಸಾಗಿಸುತ್ತಿದ್ದ ವಿಮಾನ ಪತನ: 20 ಮಂದಿ ಮೃತಪಟ್ಟರೂ ನೋಟಿಗಾಗಿ ಮುಗಿಬಿದ್ದ ಜನ!