‘ಗೊಲ್ಲಾರಿ’ ಜಲಪಾತ ವೀಕ್ಷಣೆಗೆ ಬರುವ ಪ್ರವಾಸಿಗರು ಎಲ್ಲೆಂದರಲ್ಲಿ ಪ್ಲಾಸ್ಟಿಕ್ ಬಾಟಲು ಮದ್ಯದ ಖಾಲಿ ಬಾಟಲಿಗಳು ಊಟ ಮಾಡಿದ ಪ್ಲೇಟ್ ಗ್ಲಾಸ್ ಸೇರಿದಂತೆ ತ್ಯಾಜ್ಯ ರಾಶಿಯನ್ನು ಎಲ್ಲೆಂದರಲ್ಲಿ ಎಸೆದು ಹೋಗುತ್ತಿರುವುದು ಪ್ರವಾಸಿ ತಾಣದ ಅಂದಗೆಡಿಸುತ್ತಿದೆ ಎಂಬುದು ಸ್ಥಳೀಯರ ದೂರು. ‘ಮಳೆಗಾಲದ ಆರಂಭದ ದಿನಗಳಿಂದಲೇ ಇಲ್ಲಿಗೆ ಪ್ರವಾಸಿಗರು ಭೇಟಿ ನೀಡಲು ಆರಂಭಿಸುತ್ತಾರೆ. ವಾರಾಂತ್ಯಗಳಲ್ಲಿ ಇಲ್ಲಿ ನಡೆಯುವ ಮೋಜು ತಡೆಯಲು ಕಷ್ಟವಾಗುತ್ತಿದೆ. ಮದ್ಯ ಸೇವನೆ ಮಾಡಿ ಗಲಾಟೆ ಮಾಡುವವರಿಂದ ಸಭ್ಯ ಪ್ರವಾಸಿಗರಿಗೂ ಕಿರಿಕಿರ ಉಂಟಾಗುತ್ತಿದೆ’ ಎಂದು ಗ್ರಾಮಸ್ಥರೊಬ್ಬರು ಬೇಸರ ವ್ಯಕ್ತಪಡಿಸಿದರು.