ರೇಡಿಯೊ ನಿರೂಪಕಿ, ಚಲನಚಿತ್ರ ನಟಿಯೂಆಗಿರುವ ಸಮುದಾಯದ ಪ್ರಮುಖರಾದಕಾಜಲ್ ಬ್ರಹ್ಮಾವರ ಮಾತನಾಡಿ, ‘ಸರ್ಕಾರವು ಲೈಂಗಿಕ ಅಲ್ಪಸಂಖ್ಯಾತರಿಗೆ ನೀಡುವ ಸೌಲಭ್ಯಗಳು ಹಲವು ಜಿಲ್ಲೆಗಳಲ್ಲಿ ಜಾರಿಯಾಗಿವೆ. ಆಧಾರ್ ಕಾರ್ಡ್, ಪಡಿತರ ಸೌಲಭ್ಯ, ಮತದಾರರ ಗುರುತಿನ ಪತ್ರ ಮುಂತಾದವು ಸಿಗುತ್ತಿವೆ. ಆದರೆ, ಉತ್ತರಕನ್ನಡ ಜಿಲ್ಲೆಯಲ್ಲಿ ಇರುವ ಇಬ್ಬರಿಗೂ ಈ ಸೌಲಭ್ಯಗಳು ಸಿಕ್ಕಿಲ್ಲ. ನಮ್ಮ ಸಮುದಾಯದವರಿಗೆ ಸರ್ಕಾರ ನೀಡುತ್ತಿರುವ ಮಾಸಾಶನ ₹ 500 ಇವರಿಗೆ ದೊರೆಯುತ್ತಿಲ್ಲ. ಸಮುದಾಯದ ಸದಸ್ಯರು ಸ್ವ ಉದ್ಯೋಗ ಕೈಗೊಳ್ಳಲು ಸರ್ಕಾರ ನೀಡುವ ₹ 50 ಸಾವಿರ ಸಹಾಯಧನದ ಮಾಹಿತಿಯೂ ಇಲ್ಲ’ ಎಂದು ದೂರಿದರು.