ಕೊಟ್ಟೂರು | ಮನೆ ಗೋಡೆ ಕುಸಿತ: ವೃದ್ಧೆಗೆ ಗಾಯ

ಕೋಗಳಿ ಗ್ರಾಮದಲ್ಲಿ ಮನೆ ಗೋಡೆ ಕುಸಿದು ಕಾಡಪ್ಪನವರ ಹಿರಿಯಮ್ಮ ಎಂಬ ವೃದ್ಧೆ ಗಾಯಗೊಂಡಿದ್ದು, ಇವರಿಗೆ ಪಟ್ಟಣದ ಸಮುದಾಯ ಆರೋಗ್ಯ ಕೇಂದ್ರದಲ್ಲಿ ಸೂಕ್ತ ಚಿಕಿತ್ಸೆಗೆ ವ್ಯವಸ್ಥೆ ಮಾಡಲಾಗಿದೆ ಎಂದು ತಾಲ್ಲೂಕು ಆಡಳಿತ ತಿಳಿಸಿದೆ.

ಹೊಸಕೋಡಿಹಳ್ಳಿ, ಕೋಗಳಿ, ಉಜ್ಜಯಿನಿ, ಕಂದಗಲ್ಲು, ನಿಂಬಳಗೆರೆ ಗ್ರಾಮಗಳಲ್ಲಿ ತಲಾ ಒಂದು ಮನೆಗಳು ಹಾಗೂ ಚಿನ್ನೇನಹಳ್ಳಿ ಗ್ರಾಮದಲ್ಲಿ ಎರಡು ಮನೆಗಳು ಹಾನಿಯಾಗಿವೆ.

ಕೊಟ್ಟೂರು ಹೋಬಳಿ 8.8 ಮಿ.ಮೀ ಹಾಗೂ ಕೋಗಳಿ ಹೋಬಳಿ 7.4 ಮಿ.ಮೀ ಸೇರಿ ತಾಲ್ಲೂಕಿನಾದ್ಯಂತ ಸರಾಸರಿ 8.1 ಮಿ.ಮೀ ಮಳೆಯಾಗಿದೆ.