ವಿಜಯಪುರ: ಫೈಬರ್‌ನಲ್ಲಿ ಅವತರಿಸಿದ ಪಾರ್ವತಿತನಯ!

ವಿಜಯಪುರ: ಪೌರಾಣಿಕ ಕಥೆಗಳು, ಪುರಾಣಗಳ ಪ್ರಕಾರ ದೇವಿ ಪಾರ್ವತಿಯ ಬೆವರಿನಿಂದ ಗಣೇಶ ಜನ್ಮ ತಳೆದ ಕಥೆ ಪ್ರತೀತಿಯಲ್ಲಿದೆ. ಈ ಕಾರಣದಿಂದಾಗಿಯೇ ಮಣ್ಣಿನಿಂದಲೇ ಮೂರ್ತಿವೆತ್ತ ವಿನಾಯಕನನ್ನು ತಲೆತಲಾಂತರದಿಂದ ಭಕ್ತರು ಪ್ರತಿ ವರ್ಷ ಪ್ರತಿಷ್ಠಾಪಿಸಿ, ಪೂಜಿಸುತ್ತಾ ಬರುತ್ತಿರುವುದು ಸಂಪ್ರದಾಯ.

. ಆಧುನಿಕ ಕಾಲಘಟ್ಟದಲ್ಲಿ ಅದರಲ್ಲೂ ಎರಡು ದಶಕಗಳಿಂದೀಚೆಗೆ ಪ್ಲಾಸ್ಟರ್ ಆಫ್ ಪ್ಯಾರಿಸ್(ಪಿಒಪಿ)ನಿಂದ ವೈವಿಧ್ಯಮಯ ಮತ್ತು ಆಕರ್ಷಕ ರೂಪದಲ್ಲಿ ವಿಘ್ನ ನಿವಾರಕನ ಮೂರ್ತಿಗಳು ತಯಾರಾಗಿ ಭಕ್ತರ ಮನೆಗಳಲ್ಲಿ ಪ್ರತಿಷ್ಠಾಪನೆಯಾಗತೊಡಗಿವೆ. ಆದರೆ, ಈ ಪಿಒಪಿ ಮೂರ್ತಿಗಳು ಪರಿಸರಕ್ಕೆ ಅದರಲ್ಲೂ ವಿಶೇಷವಾಗಿ ಜಲಮೂಲಕ್ಕೆ ಮಾರಕ ಎಂಬ ಕಾರಣಕ್ಕೆ ಪಿಒಪಿ ಮೂರ್ತಿಗಳ ತಯಾರಿಕೆ, ಮಾರಾಟಕ್ಕೆ ಸರ್ಕಾರವೇ ನಿರ್ಬಂಧ ವಿಧಿಸಿದೆ.

. ಅಷ್ಟಾದರೂ ಪಿಒಪಿ ಮೂರ್ತಿಗಳ ತಯಾರಿಕೆ, ಮಾರಾಟ, ಪೂಜೆ ನಿಂತಿಲ್ಲ. ಪಿಒಪಿ ಮೂರ್ತಿಗಳಬದಲು ಮಣ್ಣಿನ ಗಣೇಶನ ಮೂರ್ತಿ ಕೂರಿಸುವ ಜಾಗೃತಿ ಎಲ್ಲೆಡೆ ನಡೆದಿದೆ. ಈ ನಡುವೆ ಇದೀಗ ಮಣ್ಣು, ಪಿಒಪಿ ಬದಲಿಗೆ ಫೈಬರ್ ರೂಪದಲ್ಲಿ ಗಣೇಶನ ಮೂರ್ತಿಗಳು ಮಾರುಕಟ್ಟೆ ಪ್ರವೇಶಿಸಿರುವುದು ವಿಶೇಷ.

. ಅದಾಗಲೇ ‘ಗುಮ್ಮಟನಗರಿ’ ವಿಜಯಪುರದಲ್ಲಿ ಈ ವರ್ಷ ಫೈಬರ್ನಿಂದ ತಯಾರಿಸಿದನಾಲ್ಕು ಬೃಹತ್ ಗಣೇಶನ ಮೂರ್ತಿಗಳು ಸಾರ್ವಜನಿಕ ಗಣೇಶೋತ್ಸವ ಸಮಿತಿಯವರು ಪ್ರತಿಷ್ಠಾಪಿಸಿ ಆರಾಧಿಸತೊಡಗಿದ್ದಾರೆ.

. ಹೌದು, ಗಜಾನನ ಉತ್ಸವ ಮಹಾಮಂಡಳದಿಂದ ವಿಜಯಪುರ ನಗರದ ಶಿವಾಜಿಚೌಕಿಯಲ್ಲಿ 8 ಅಡಿ ಎತ್ತರದ ಫೈಬರ್ ಗಣೇಶನ ಮೂರ್ತಿಯನ್ನು ಪ್ರತಿಷ್ಠಾಪಿಸಲಾಗಿದೆ. ಅಂತೆಯೇ, ಡೋಬಳೆ ಗಲ್ಲಿಯಲ್ಲಿ ಮರಾಠ ಸಮಾಜದಿಂದ 10 ಅಡಿ ಎತ್ತರ, ದರ್ಬಾರ್ ಗಲ್ಲಿಯಲ್ಲಿ ಶ್ರೀ ಗಜಾನನ ಮಂಡಳಿಯಿಂದ 9 ಅಡಿ ಹಾಗೂ ಶಿವಾಜಿಪೇಟೆಯಲ್ಲಿ ಭಗತ್ ಸಿಂಗ್ ತರುಣ ಮಂಡಳಿಯಿಂದ 6 ಅಡಿ ಎತ್ತರದ ಫೈಬರ್ ಗಣೇಶನ ಮೂರ್ತಿಗಳನ್ನು ಪ್ರತಿಷ್ಠಾಪಿಸಿ ಪೂಜಿಸಲಾಗುತ್ತಿದೆ.

. ‘ಪಿಒಪಿ ಅಥವಾ ಮಣ್ಣಿನ ಮೂರ್ತಿಗಳ ಸಾಗಾಟ, ಪ್ರತಿಷ್ಠಾಪನೆ ಮತ್ತು ವಿಸರ್ಜನೆಯು ಧಾರ್ಮಿಕವಾಗಿ ಬಹಳ ಸೂಕ್ಷ್ಮವಾಗಿತ್ತು. ಸಾಗಾಟದ ವೇಳೆ ಮೂರ್ತಿಯ ಯಾವುದಾದರೂ ಭಾಗಕ್ಕೆ ಭಗ್ನವಾದರೆ ಅಪಶಕುನ ಎಂದೇ ಭಾವಿಸಲಾಗುತ್ತದೆ. ಅಲ್ಲದೇ, ಪಿಒಪಿ ಮೂರ್ತಿಗಳು ಪರಿಸರಕ್ಕೆ ಮಾರಕ ಎಂಬ ವೈಜ್ಞಾನಿಕ ಕಾರಣಗಳೂ ಇವೆ. ಈ ದೃಷ್ಟಿಯಿಂದ ಫೈಬರ್ ಮೂರ್ತಿಗಳನ್ನು ಸುಲಭವಾಗಿ ಸಾಗಾಟ ಮಾಡಬಹುದು, ಪ್ರತಿಷ್ಠಾಪಿಸಬಹುದು. ಇವುಗಳಿಂದ ಪರಿಸರ ಮಾಲಿನ್ಯವೂ ಇಲ್ಲ ಎಂದು ಗಜಾನನ ಉತ್ಸವ ಮಹಾಮಂಡಳದ ಅಧ್ಯಕ್ಷ, ಮಾಜಿ ಸಚಿವ ಅಪ್ಪು ಪಟ್ಟಣ ಶೆಟ್ಟಿ ‘ಪ್ರಜಾವಾಣಿ’ಗೆ ತಿಳಿಸಿದರು.

. ‘ಪ್ರತಿ ವರ್ಷ ಹಬ್ಬಕ್ಕೆ ಮಣ್ಣಿನ ಮತ್ತು ಪಿಒಪಿ ಮೂರ್ತಿಗಳು ಬೇಕಾದರೆ ಮೂರ್ನಾಲ್ಕು ತಿಂಗಳ ಮೊದಲೇ ಮೂರ್ತಿ ತಯಾರಕರಲ್ಲಿ ಬುಕ್ಕಿಂಗ್ ಮಾಡಬೇಕಿತ್ತು. ಅವುಗಳ ದರವೂ ಹೆಚ್ಚಿತ್ತು. ಈ ದೃಷ್ಟಿಯಿಂದ ಫೈಬರ್ ಗಣೇಶನ ಮೂರ್ತಿಗಳನ್ನು ಒಮ್ಮೆ ಕೊಂಡು ತಂದರೆ ಹತ್ತಾರು ವರ್ಷ ಬಳಸಬಹುದು’ ಎನ್ನುತ್ತಾರೆ ಅಪ್ಪು ಪಟ್ಟಣಶೆಟ್ಟಿ.

. ‘ಫೈಬರ್ ಮೂರ್ತಿಯನ್ನು ವಿಸರ್ಜಿಸದೇ ಅದನ್ನು ಹಾಗೆಯೇ ಒಂದೆಡೆ ಇಡಬಹುದು. ಫೈಬರ್ ಮೂರ್ತಿಯ ಪಕ್ಕದಲೇ ಮಣ್ಣಿನ ಚಿಕ್ಕ ಮೂರ್ತಿ ಪ್ರತಿಷ್ಠಾಪಿಸಿ ಪೂಜೆ ಸಲ್ಲಿಸಲು ಯಾವುದೇ ತೊಂದರೆಯಿಲ್ಲ’ ಎಂದು ಹೇಳಿದರು.

. ‘ಪುಣಿ, ಕೊಲ್ಹಾಪುರ, ಸೋಲಾಪುರದಲ್ಲಿ ನಾಲ್ಕೈದು ವರ್ಷಗಳಿಂದ ಫೈಬರ್ ಗಣೇಶನ ಮೂರ್ತಿಗಳನ್ನೇಸಾರ್ವಜನಿಕ ಸ್ಥಳಗಳಲ್ಲಿ ಪ್ರತಿಷ್ಠಾಪಿಸಲಾಗುತ್ತಿದೆ. ಇದನ್ನು ಒಮ್ಮೆ ನೋಡಿ ನಾವೂ ಸಹ ಪುಣೆಯಲ್ಲಿ ನಮಗೆ ಬೇಕಾದ ಆಕಾರದ ಗಣೇಶನನ್ನು ತಯಾರಿಸಿಕೊಂಡು ತಂದು ವಿಜಯಪುರದಲ್ಲಿ ಪ್ರತಿಷ್ಠಾಪಿಸಿದ್ದೇವೆ’ ಎಂದರು.

. ‘ಎಂಟು ಅಡಿ ಫೈಬರ್ ಗಣೇಶನ ಮೂರ್ತಿಗೆ ₹1.70 ಲಕ್ಷ ನೀಡಿ ತಂದಿದ್ದೇವೆ. ಇದನ್ನು ಹತ್ತಾರು ವರ್ಷ ಪ್ರತಿಷ್ಠಾಪಿಸಬಹುದಾಗಿದ್ದು, ಅನುಕೂಲವಾಗಿದೆ. ನೋಡಲು ಬಹಳ ಸುಂದರವಾಗಿದೆ’ ಎಂದು ಹೇಳಿದರು.

. ‘ನಗರದ ಗ್ಯಾಂಗ್ಬಾವಡಿ ಬಳಿ ಇರುವ ಅದೃಷ್ಟ ಲಕ್ಷ್ಮಿ ದೇವಸ್ಥಾನದಲ್ಲಿ ಫೈಬರ್ ಗಣೇಶನ ಮೂರ್ತಿ ಇಡುತ್ತೇವೆ. ಅಲ್ಲಿ ಪ್ರತಿ ಸಂಕಷ್ಟಿಯಂದು ಪೂಜೆ ಸಲ್ಲಿಸಲಾಗುತ್ತದೆ’ ಎಂದು ತಿಳಿಸಿದರು.

. ಸಾರ್ವಜನಿಕ ಗಣೇಶೋತ್ಸವ ಸಮಿತಿಗಳು ಇನ್ನು ಮುಂದೆ ಪರಿಸರಕ್ಕೆ ಮಾರಕವಾದ ಪಿಒಪಿ ಬೃಹತ್ ಗಣೇಶನ ಮೂರ್ತಿಗಳ ಬದಲು ಫೈಬರ್ ಮೂರ್ತಿಗಳನ್ನು ತಂದು ಕೂರಿಸುವುದು ಖರ್ಚು–ವೆಚ್ಚ, ಪರಿಸರ ಮಾಲಿನ್ಯ ತಡೆ ದೃಷ್ಟಿಯಿಂದ ಉತ್ತಮ.

. – ಅಪ್ಪು ಪಟ್ಟಣಶೆಟ್ಟಿ, ಅಧ್ಯಕ್ಷ, ಗಜಾನನ ಉತ್ಸವ ಮಹಾಮಂಡಳ, ವಿಜಯಪುರ

. ವಿಸರ್ಜನೆಯಾದ ಪಿಒಪಿ, ಮಣ್ಣಿನ ಗಣೇಶನ ಮೂರ್ತಿಗಳನ್ನು ವಿಲೇವಾರಿ ಮಾಡುವಾಗ ಎಸೆಯುವುದು, ಕೃತಕ ಹೊಂಡಗಳಲ್ಲಿ ಮುಚ್ಚುವುದು ಮಾಡುವಾಗ ಭಕ್ತರ ಭಾವನೆಗೆ ದಕ್ಕೆಯಾಗುತ್ತಿತ್ತು. ಫೈಬರ್ ಮೂರ್ತಿಗಳ ಪ್ರತಿಷ್ಠಾಪನೆಯಿಂದ ಇದಕ್ಕೆ ಮುಕ್ತಿ ದೊರೆಯಲಿದೆ.

. – ವಿಜಯ್ ಜೋಶಿ, ಸದಸ್ಯ, ಗಜಾನನ ಉತ್ಸವ ಮಹಾಮಂಡಳ, ವಿಜಯಪುರ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವಿಜಯಪುರ: ಫೈಬರ್‌ನಲ್ಲಿ ಅವತರಿಸಿದ ಪಾರ್ವತಿತನಯ!

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಚೆಸ್‌: ಮುನ್ನಡೆ ಹಂಚಿಕೊಂಡ ಗುಕೇಶ್‌

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ಎರಡನೇ ಸುತ್ತಿಗೆ ಬಾಲಾಜಿ– ವರೆಲಾ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್