ಗುರುವಾರ , ಮೇ 6, 2021
22 °C

ಗೆದ್ದಲಮರಿ ಗ್ರಾಮ ಪಂಚಾಯಿತಿಗೆ ಕಸ್ತೂರಿಬಾಯಿ, ಸಂತೋಷ ಆಯ್ಕೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಹುಣಸಗಿ: ತಾಲ್ಲೂಕಿನ ಗೆದ್ದಲಮರಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ (ಧರ್ಮಪುರ) ಜುಮಾಲಪುರ ದೊಡ್ಡ ತಾಂಡಾದ ಎರಡು ಸದಸ್ಯ ಸ್ಥಾನಗಳ ಮತ ಎಣಿಕೆ ಇಲ್ಲಿನ ತಹಶೀಲ್ದಾರ್ ಕಚೇರಿಯಲ್ಲಿ ಬುಧವಾರ ನಡೆಯಿತು.

ಬೆಳಿಗ್ಗೆ ಆರಂಭವಾದ ಮತ ಎಣಿಕೆ ಕಾರ್ಯ ಭರದಿಂದ ನಡೆದು ಕಸ್ತೂರಿಬಾಯಿ ತುಕಾರಾಮ 620 ಮತಗಳು ಹಾಗೂ ಸಂತೋಷ ಕಸನಪ್ಪ 549 ಮತಗಳನ್ನು ಪಡೆದು ಜಯಗಳಿಸಿದ್ದಾರೆ ಎಂದು ಚುನಾವಣಾಧಿಕಾರಿ ಆರ್.ಎಸ್ ರಾಠೋಡ ಹಾಗೂ ಸಹಾಯಕ ಚುನಾವಣೆ ಅಧಿಕಾರಿ ಆದಮ್ ಶಫಿ ಘೋಷಣೆ ಮಾಡಿದರು.

ಒಟ್ಟು ಸಂಖ್ಯೆ ಚಲಾವಣೆಯಾದ 1,374 ಮತಗಳಲ್ಲಿ 1,274 ಕ್ರಮಬದ್ಧವಾಗಿದ್ದು, ಒಟ್ಟು 100 ಮತಗಳು ತಿರಸ್ಕೃತಗೊಂಡಿವೆ ಎಂದು ಚುನಾವಣಾ ಮೂಲಗಳಿಂದ ತಿಳಿದು ಬಂದಿದೆ.

ಕಳೆದ ಗ್ರಾಮ ಪಂಚಾಯಿತಿ ಚುನಾವಣೆಯನ್ನು ಈ ಜುಮಾಲಪುರ ತಾಂಡಾ (ಧರ್ಮಪುರ) ಗ್ರಾಮಸ್ಥರು ಬಹಿಷ್ಕಾರ ಮಾಡಿದ್ದರು. ಸದ್ಯ ಪರಿಶಿಷ್ಟ ಜಾತಿ 1 ಹಾಗೂ ಪರಿಶಿಷ್ಟ ಜಾತಿ ಮಹಿಳೆ 1 ಸೇರಿದಂತೆ ಒಟ್ಟು 2 ಸ್ಥಾನಗಳಿಗೆ ಈ ಉಪ ಚುನಾವಣೆ ನಡೆದಿತ್ತು. 6 ಜನರು ನಾಮಪತ್ರ ಸಲ್ಲಿಸಿದ್ದರು.

ಫಲಿತಾಂಶ ಹೊರಬಿಳುತ್ತಿದ್ದಂತೆಯೇ ಚುನಾಯಿತ ಸದಸ್ಯರ ಬೆಂಬಲಿಗರು ಪರಸ್ಪರ ಗುಲಾಲು ಎರಚಿ ಸಂಭ್ರಮಿಸಿದರು.

ಪ್ರಮಾಣ ಪತ್ರ ವಿತರಣೆ: ಉಪ ಚುನಾವಣೆಯಲ್ಲಿ ಜಯ ಗಳಿಸಿದ ಕಸ್ತೂರಿಬಾಯಿ ತುಕರಾಮ ಹಾಗೂ ಸಂತೋಷ ಕಸನಪ್ಪ ಅವರಿಗೆ ಚುನಾವಣೆ ಅಧಿಕಾರಿಗಳು ಪ್ರಮಾಣ ಪತ್ರ ವಿತರಿಸಿದರು.

ಉಪತಹಶೀಲ್ದಾರ್ ಮಹಾದೇವಪ್ಪಗೌಡ ಹಾಗೂ ಕಂದಾಯ ನಿರೀಕ್ಷಕ ಬಸವರಾಜ ಬಿರಾದಾರ, ಪ್ರಕಾಶ ಬಡಿಗೇರ  ಇದ್ದರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು