ಕೆಂಭಾವಿ: ಕೋಳಿ ಪಂದ್ಯ ವೇಳೆ ದಾಳಿ ಮಾಡಿದ ಪೊಲೀಸರು ನಗದು, ಬೈಕ್ ಸೇರಿದಂತೆ ಹಲವು ವಸ್ತುಗಳನ್ನು ವಶಪಡಿಸಿಕೊಂಡಿದ್ದು ಗುರುವಾರ ತಿಳಿದುಬಂದಿದೆ.
ಪಟ್ಟಣ ಸೀಮಾಂತರದ ನಗನೂರ ರಸ್ತೆಯ ಸರ್ಕಾರಿ ಜಾಗದಲ್ಲಿ ಕಳೆದ ಸೋಮವಾರ (ಮಾ.25)ಕೋಳಿ ಪಂದ್ಯ ನಡೆಯುತ್ತಿತ್ತು. ಈ ಬಗ್ಗೆ ಖಚಿತ ಮಾಹಿತಿ ಪಡೆದ ಪಿಎಸ್‍ಐ ರಾಜಶೇಖರ ರಾಠೋಡ ಅವರ ಪೊಲೀಸ್ ತಂಡ ದಾಳಿ ಮಾಡಿದೆ.
₹14,700, 6 ಮೊಬೈಲ್, 4 ಹುಂಜ, 37 ಬೈಕ್ ವಶಪಡಿಸಿಕೊಳ್ಳಲಾಗಿದೆ. ಪ್ರಕರಣ ಸಂಬಂಧ ಒಟ್ಟು 11 ಜನರ ಮೇಲೆ ಕೆಂಭಾವಿ ಠಾಣೆಯಲ್ಲಿ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ ಪಿಎಸ್‍ಐ ರಾಜಶೇಖರ ರಾಠೋಡ ತಿಳಿಸಿದರು.
