ಯಾದಗಿರಿ: ಜಿಲ್ಲೆಯಲ್ಲಿ ಶುಕ್ರವಾರ ಪೆಟ್ರೋಲ್ ದರ ₹ 100ರ ಗಡಿ ದಾಟಿದೆ.
ಇಂಡಿಯನ್ ಆಯಿಲ್ ಕಾರ್ಪೋರೇಷನ್ (ಐಒಸಿ) ₹ 100.49, ಭಾರತ ಪೆಟ್ರೋಲಿಯಂ (ಬಿಪಿ) ₹ 100.53, ಹಿಂದೂಸ್ತಾನ್ ಪೆಟ್ರೋಲಿಯಂ (ಎಚ್‌ಪಿ) ₹ 100.52 ದರ ಏರಿಕೆಯಾಗಿದೆ.
ಕಳೆದ ಮೂರು ದಿನಗಳಿಂದ ಏರುಮುಖದಲ್ಲಿರುವ ಪೆಟ್ರೋಲ್ ದರ ₹ 100 ಗಡಿ ದಾಟಿದೆ.
ಡೀಸೆಲ್ ದರ ಇಂಡಿಯನ್ ಆಯಿಲ್ ಕಾರ್ಪೋರೇಷನ್ (ಐಒಸಿ) ₹ 93.29, ಭಾರತ ಪೆಟ್ರೋಲಿಯಂ (ಬಿಪಿ) ₹ 93.33, ಹಿಂದೂಸ್ತಾನ್ ಪೆಟ್ರೋಲಿಯಂ (ಎಚ್‌ಪಿ) ₹ 93.32 ಇದೆ.
ಪೆಟ್ರೋಲ್, ಡೀಸೆಲ್ ದರ ಏರಿಕೆಯಿಂದ ಆಟೊ ಚಾರ್ಚ್‌ ಹೆಚ್ಚಳ ಮಾಡಲಾಗಿದೆ. ಯಾದಗಿರಿ ರೈಲ್ವೆ ನಿಲ್ದಾಣದಿಂದ ಹೊಸ ಬಸ್‌ ನಿಲ್ದಾಣದವರೆಗೆ ಈ ಮುಂಚೆ ₹ 10 ದರ ಇತ್ತು. ಈಗ ₹ 15ರಿಂದ ₹ 20ಗೆ ಏರಿಕೆ ಮಾಡಲಾಗಿದೆ. ಪೆಟ್ರೋಲ್, ಡೀಸೆಲ್ ದರ ಏರಿಕೆಯಿಂದಾಗಿ ನಾವು ದರ ಹೆಚ್ಚು ಮಾಡಿದ್ದೇವೆ ಎಂದು ಆಟೊ ಚಾಲಕರು ತಿಳಿಸುತ್ತಾರೆ.
