ಎಸ್ಸೆಸ್ಸೆಲ್ಸಿ ಪರೀಕ್ಷೆ ಓದುವ ಸರಳ ವಿಧಾನಗಳು

ಈ ವರ್ಷ ಏನು ಓದಬೇಕು? ಹೇಗೆ ಓದಬೇಕು?ಪರೀಕ್ಷೆಇರುತ್ತದೋ ಇಲ್ಲವೋ? ಪರೀಕ್ಷೆಗೆ ತಯಾರಿ ಹೇಗೆ? ಹೀಗೆ ಹಲವಾರು ಗೊಂದಲಗಳ ನಡುವೆಯೇ ಒಂದು ವರ್ಷ ಮುಗಿದೇ ಹೋಯಿತು ಹಾಗೂ ಪರೀಕ್ಷೆಯೂ ಬಂತು! ಯಾರೂ ಕಂಡು ಕೇಳರಿಯದ ರೀತಿಯ ಈ ಸನ್ನಿವೇಶಕ್ಕೆ ಹೊಂದಿಕೊಳ್ಳುವ ಆತಂಕದ ಮಧ್ಯದಲ್ಲಿಯೇ ಪರೀಕ್ಷೆಗೆ ತಯಾರಿ ಮಾಡಿಕೊಳ್ಳುವ ಸಂದರ್ಭ ಬಂದಿದೆ.

. ಆದರೆ, ಇಂತಹ ಸನ್ನಿವೇಶದ ಮಧ್ಯೆಯೂ ಓದಿನ ಕಡೆ ಗಮನಕೊಟ್ಟು ನೀವೆಲ್ಲಾ ಚೆನ್ನಾಗಿಯೇ ಓದಿದ್ದೀರಿ. ನಿಮಗೆಲ್ಲಾ ಅಭಿನಂದನೆಗಳು.

. ಈ ಬಾರಿಯ ಪರೀಕ್ಷೆಯ ರೀತಿಯೂ ಬದಲಾಗಿದೆ. ಬದಲಾದ ಪರೀಕ್ಷೆಯ ರೀತಿ, ಮಾದರಿ ಪ್ರಶ್ನೆಗಳು, ಹೀಗೆ ಹಲವಾರು ಅತಿಮುಖ್ಯವಾದ ವಿಷಯಗಳ ಬಗ್ಗೆ ಶಿಕ್ಷಕರು, ತಜ್ಞರು ಈಗಾಗಲೇ ತಿಳಿಸಿದ್ದಾರೆ ಹಾಗೂ ಎಲ್ಲರಲ್ಲೂ ಆತ್ಮವಿಶ್ವಾಸ ತುಂಬಿದ್ದಾರೆ.

. ಈ ಲೇಖನದಲ್ಲಿ, ಈ ಬಾರಿಯ ಬದಲಾದ ಪರೀಕ್ಷಾ ವಿಧಾನಕ್ಕೆ ಹೇಗೆ ಓದಬೇಕು ಎನ್ನುವ ಬಗ್ಗೆ ಕೆಲವು ವಿಷಯಗಳನ್ನು ತಿಳಿಸುವ ಪ್ರಯತ್ನ ಮಾಡಲಾಗಿದೆ.

. 1. ಈ ವರ್ಷದ ಪರೀಕ್ಷೆಯಲ್ಲಿ ಎಲ್ಲ ಪ್ರಶ್ನೆಗಳೂ ಬಹು ಆಯ್ಕೆ ಪ್ರಶ್ನೆಗಳಾಗಿರುತ್ತವೆ. ಈ ಪ್ರಶ್ನೆಗಳನ್ನು ಸಮರ್ಥವಾಗಿ ಉತ್ತರಿಸಲು ಹೀಗೆ ಮಾಡಿ.

. *ಪ್ರತಿ ಪರೀಕ್ಷಾ ಅವಧಿಯನ್ನು ಮೂರು ಭಾಗಗಳಾಗಿ ವಿಂಗಡಿಸಿಕೊಳ್ಳಿ

. *ಮೊದಲ ಕೆಲವು ನಿಮಿಷಗಳನ್ನು ಪ್ರಶ್ನೆಗಳನ್ನು ಓದಲು ಮೀಸಲಿಡಿ. ಎಲ್ಲ ಪ್ರಶ್ನೆಗಳನ್ನೂ ವೇಗವಾಗಿ ಒಮ್ಮೆ ಓದಿ. ಯಾವ ಪ್ರಶ್ನೆಗಳು ಸುಲಭ, ಯಾವುವು ಕಷ್ಟ ಎನ್ನುವುದನ್ನು ಮನನ ಮಾಡಿಕೊಳ್ಳಿ.

. *ನಂತರದ ಹೆಚ್ಚು ಸಮಯವನ್ನು ಸುಲಭವಾದ ಹಾಗೂ ನಿಮಗೆ ತಿಳಿದಿರುವ ಪ್ರಶ್ನೆಗಳನ್ನು ಉತ್ತರಿಸಲು ವಿನಿಯೋಗಿಸಿ.

. *ಕೊನೆಯ ಕೆಲವು ನಿಮಿಷಗಳನ್ನು ನಿಮಗೆ ಕಷ್ಟವಾದ ಪ್ರಶ್ನೆಗಳನ್ನು ಉತ್ತರಿಸಲು ಬಳಸಿ.

. 2. ಈ ಪಾಠಗಳನ್ನು ಓದಲು ಈ ವಿಧಾನಗಳೂ ಸಹಕಾರಿಯಾಗಬಲ್ಲವು

. *ಎಲ್ಲ ಪಾಠಗಳ ಮುಖ್ಯ ವಿಷಯಗಳ ಮೈಂಡ್ ಮ್ಯಾಪ್ ಮಾಡಿಕೊಳ್ಳಿ (ಇಡೀ ಪಾಠದ್ದಲ್ಲ). ಇದರಿಂದ ಇಡೀ ಪಾಠದ ಪ್ರತಿ ಮುಖ್ಯ ಅಂಶಗಳನ್ನು ಸುಲಭವಾಗಿ ನೆನಪಿನಲ್ಲಿಡಲು, ಪುನರಾವರ್ತಿಸಲು ಹಾಗೂ ಬಹು ಆಯ್ಕೆ ಪ್ರಶ್ನೋತ್ತರಗಳಿಗೆ ತಯಾರಿ ನಡೆಸಲು ಬಹಳ ಸಹಾಯವಾಗುತ್ತದೆ.

. ಈ ಕೆಳಗಿನ ಉದಾಹರಣೆಯನ್ನು ಗಮನಿಸಿ. ಇಲ್ಲಿ ವಿದ್ಯುಚ್ಛಕ್ತಿ ಪಾಠದ ಒಂದು ಮುಖ್ಯ ಅಂಶವಾದ ವಿದ್ಯುತ್ ಪ್ರವಾಹದ ಬಗ್ಗೆ ಮಾತ್ರ ಮೈಂಡ್ ಮ್ಯಾಪ್ ಮಾಡಲಾಗಿದೆ.

. ಎಷ್ಟುಸರಳಹಾಗೂ ಉಪಯುಕ್ತ ಅಲ್ಲವೇ?

. ಈ ಮೈಂಡ್ ಮ್ಯಾಪ್ಗಳು, ಭಾಷೆಗಳು, ವಿಜ್ಞಾನ ಹಾಗೂ ಸಮಾಜ ವಿಜ್ಞಾನ ವಿಷಯಗಳನ್ನು ಪುನರಾವರ್ತಿಸಲು, ನೆನಪಿನಲ್ಲಿಡಲು ಹೆಚ್ಚು ಉಪಯುಕ್ತ.

. *ಗಣಿತ ವಿಷಯದಲ್ಲಿನ ಬಹು ಆಯ್ಕೆ ಪ್ರಶ್ನೆಗಳನ್ನು ಉತ್ತರಿಸಲು ಗಣಿತದ ಸಮಸ್ಯೆಗಳನ್ನು ಅಭ್ಯಾಸ ಮಾಡುವುದರ ಜೊತೆಗೆ ಕೆಲವು ಬಾರಿ ಹಲವುಸರಳ, ತಾಳೆ ನೋಡುವ ವಿಧಾನಗಳೂ ಸಹಾಯಕವಾಗಬಲ್ಲವು.

. ಉದಾ: ಎಲ್ಲಸಂಖ್ಯೆಗಳನ್ನೂಒಂದಂಕಿಯನ್ನಾಗಿಪರಿವರ್ತಿಸಿ ತಾಳೆ ನೋಡುವವಿಧಾನ.

. ಈ ಉದಾಹರಣೆಯನ್ನು ಗಮನಿಸಿ.

. ಈ ವರ್ಗ ಸಮೀಕರಣದ ಅಪವರ್ತನಗಳು ಯಾವುವು? :

. 6x2 – x – 2 = 0

. a) (3x-2) (2x+1)

. b) (3x-2) (x+1)

. c) (3x-2)(4x+1)

. d) (3x-2) (2x-1)

. ಇಲ್ಲಿ ಪ್ರಶ್ನೆಯಲ್ಲಿರುವ ಅಂಕಿಗಳನ್ನು ಒಂದಂಕಿಯನ್ನಾಗಿ ಪರಿವರ್ತಿಸಿ. (ಅಂದರೆ ಎಲ್ಲ ಸಹಗುಣಕಗಳ ಮೊತ್ತವನ್ನು ಕಂಡುಹಿಡಿದು ಒಂದಂಕಿಯನ್ನಾಗಿ ಪರಿವರ್ತಿಸಿ)

. ಇಲ್ಲಿ ಪ್ರಶ್ನೆಯ ಒಂದಂಕಿ 6 -1 -2 = 3 ಅಲ್ಲವೇ?

. ಈಗ ಉತ್ತರಗಳನ್ನು ಒಂದಂಕಿಯನ್ನಾಗಿ ಪರಿವರ್ತಿಸಿ.

. a) (3-2) (2+1) = 1 x 3 = 3

. b) (3-2) (1+1) = 1 x 2 = 2

. c) (3-2) (4+1) = 1 x 5 = 5

. d) (3-2) (2-1) = 1 x 1 = 1

. ಗಮನಿಸಿ, (a) ಆಯ್ಕೆಯ ಒಂದಂಕಿಯು (3), ಪ್ರಶ್ನೆಯ ಒಂದಂಕಿಗೆ ಸಮನಾಗಿದೆ (3) ಆದ್ದರಿಂದ ಸರಿಯಾದ ಆಯ್ಕೆ (a)

. ಎಷ್ಟು ಸುಲಭ ಅಲ್ಲವೇ !!

. (ಗಮನಿಸಿ, ಇದು ಕೇವಲ ಒಂದು ರೀತಿಯ ತಾಳೆ ನೋಡುವ ಪದ್ಧತಿ ಮಾತ್ರ. ಒಂದಕ್ಕಿಂತ ಹೆಚ್ಚು ಆಯ್ಕೆಗಳ ಒಂದಂಕಿಗಳು ಒಂದೇ ಆಗಿದ್ದರೆ ಈ ಪದ್ಧತಿಯು ಅನ್ವಯಿಸುವುದಿಲ್ಲ. ನಿಮ್ಮ ಶಿಕ್ಷಕರ ಬಳಿ ಈ ರೀತಿಯ ಹಲವು ವಿಧಾನಗಳ ಬಗ್ಗೆ ಕಲಿಯಿರಿ.)

. 3. ಕೊನೆಯದಾಗಿ, ನಿಮಗೆ ಉತ್ತರ ಗೊತ್ತಿಲ್ಲದ ಪ್ರಶ್ನೆಗಳ ಬಗ್ಗೆಯೂ ಯೋಚಿಸಿ ಉತ್ತರಿಸಲು ಪ್ರಯತ್ನಿಸಿ. ಈ ಪ್ರಶ್ನೆಗಳನ್ನು ಕೊನೆಯಲ್ಲಿ ಉತ್ತರಿಸಿ.

. ಈ ಬಾರಿಯ ಬಹು ಆಯ್ಕೆ ಪ್ರಶ್ನೆಗಳು ನೇರವಾದ, ಸರಳವಾದ ಪ್ರಶ್ನೆಗಳೇ ಆಗಿರುವುದರಿಂದ ಆತಂಕ ಪಡಬೇಡಿ. ಆದರೆ ಸರಿಯಾಗಿ, ಆಸಕ್ತಿಯಿಂದ, ಗಮನವಿಟ್ಟು ಓದುವುದನ್ನು ಮರೆಯಬೇಡಿ.

. ಇಲ್ಲಿ ಕೆಲವೇ ಕೆಲವು ವಿಧಾನಗಳ ಬಗ್ಗೆ ತಿಳಿಸಲಾಗಿದೆ. ನಿಮ್ಮ ಶಿಕ್ಷಕರು ನಿಮಗೆ ಈಗಾಗಲೇ ಬಹಳಷ್ಟುಸರಳವಿಧಾನಗಳನ್ನು ತಿಳಿಸಿರುತ್ತಾರೆ. ಅಲ್ಲವೇ? ಅವೆಲ್ಲವನ್ನೂ ಅಳವಡಿಸಿಕೊಂಡು ಪರೀಕ್ಷೆಯಲ್ಲಿ ಉತ್ತಮ ಅಂಕಗಳನ್ನು ಪಡೆಯಿರಿ.

. (ಲೇಖಕರು: ನಿರ್ದೇಶಕರು, ಸ್ಮಾರ್ಟ್ ಸೆರೆಬ್ರಮ್, ಬೆಂಗಳೂರು)

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಎಸ್ಸೆಸ್ಸೆಲ್ಸಿ ಪರೀಕ್ಷೆ ಓದುವ ಸರಳ ವಿಧಾನಗಳು

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

ಭಾಗ್ಯನಗರವಾದ ಬಾಗೇಪಲ್ಲಿ, ಗ್ರಾಮಾಂತರ ಇನ್ನು ಬೆಂಗಳೂರು ಉತ್ತರ: ಸಂಪುಟ ನಿರ್ಧಾರ

ಎಫ್‌ಸಿ ಬೆಂಗಳೂರು ಯುನೈಟೆಡ್‌ ತಂಡದ ಮುಖ್ಯ ಕೋಚ್ ಆಗಿ ಮೋಹನ್‌ರಾಜ್ ಮರುನೇಮಕ

ಕೆನಡಾ ಓಪನ್‌: ಎರಡನೇ ಸುತ್ತಿಗೆ ಶ್ರೀಕಾಂತ್‌

ದೂರವಾದ ಪತ್ನಿ, ಮಗಳಿಗೆ ₹4 ಲಕ್ಷ ಪರಿಹಾರ ನೀಡಲು ಶಮಿಗೆ ಕೋಲ್ಕತ್ತ ಹೈಕೋರ್ಟ್ ಆದೇಶ

ನ್ಯಾಯಸಮ್ಮತ ತನಿಖೆಗೆ ವೆಸ್ಟ್ ಇಂಡೀಸ್ ಕ್ರಿಕೆಟ್‌ ತಂಡದ ಮುಖ್ಯ ಕೋಚ್ ಸಾಮಿ ಮನವಿ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

ಭಾಗ್ಯನಗರವಾದ ಬಾಗೇಪಲ್ಲಿ, ಗ್ರಾಮಾಂತರ ಇನ್ನು ಬೆಂಗಳೂರು ಉತ್ತರ: ಸಂಪುಟ ನಿರ್ಧಾರ