ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಹೈಬ್ರಿಡ್‌ ಕಲಿಕೆಯ ಮಾದರಿಗೆ ಆದ್ಯತೆ: ಎಚ್‌ಪಿ ಇಂಡಿಯಾ ವರದಿ

Last Updated 20 ಜನವರಿ 2022, 13:46 IST
ಅಕ್ಷರ ಗಾತ್ರ

ಬೆಂಗಳೂರು: ಹೈಬ್ರಿಡ್‌ ಕಲಿಕೆಯ ಮಾದರಿಗೆ ವಿದ್ಯಾರ್ಥಿಗಳು, ಶಿಕ್ಷಕರು ಮತ್ತು ಪೋಷಕರು ಮೊದಲ ಆದ್ಯತೆ ನೀಡಿದ್ದಾರೆ ಎನ್ನುವುದು ಎಚ್‌ಪಿ ಇಂಡಿಯಾ ನಡೆಸಿದ ಅಧ್ಯಯನದಿಂದ ತಿಳಿದುಬಂದಿದೆ.

ಭೌತಿಕ ತರಗತಿಗಳು ಆರಂಭವಾದ ಬಳಿಕವೂ ಯಾವುದಾದರೊಂದು ವಿಧದಲ್ಲಿ ಆನ್‌ಲೈನ್‌ ಕಲಿಕೆ ಮುಂದುವರಿಯಬೇಕು ಎನ್ನುವ ಅಭಿಪ್ರಾಯವನ್ನೂ ವಿದ್ಯಾರ್ಥಿಗಳು, ಶಿಕ್ಷಕರು ಮತ್ತು ಪೋಷಕರು ವ್ಯಕ್ತಪಡಿಸಿದ್ದಾರೆ.

ಎಚ್‌ಪಿ ಇಂಡಿಯಾ ಫ್ಯೂಚರ್‌ ಆಫ್‌ ಲರ್ನಿಂಗ್‌ ಸ್ಟಡಿ 2022ರ ಪ್ರಕಾರ, ಆನ್‌ಲೈನ್‌ ಶಿಕ್ಷಣ ಮುಂದುವರಿಕೆಗೆ ಶೇ 98ರಷ್ಟು ಪಾಲಕರು ಮತ್ತು ಶೇ 99ರಷ್ಟು ಶಿಕ್ಷಕರು ತಮ್ಮ ಸಹಮತ ಸೂಚಿಸಿದ್ದಾರೆ.

ಆನ್‌ಲೈನ್‌ ಕಲಿಕೆಯು ಭೌತಿಕ ತರಗತಿಯ ಕಲಿಕೆಗೆ ಪೂಕರವಾಗಿದೆ ಎನ್ನುವುದು ಶೇ 91ರಷ್ಟು ವಿದ್ಯಾರ್ಥಿಗಳ ಅಭಿಪ್ರಾಯವಾಗಿದೆ.

ಭೌತಿಕ ತರಗಳಿಗಳಿಂದ ಹೊಸ ಸ್ನೇಹಿತರನ್ನು ಮಾಡಿಕೊಳ್ಳಬಹುದು. ಜೊತೆಗೆ ಶಿಕ್ಷಕರ ಜೊತೆ ಬೆರೆಯಲು ಅವಕಾಶ ಸಿಗುವುದರಿಂದ ಕಲಿಕೆಯು ಇನ್ನಷ್ಟು ಸುಧಾರಿಸಲಿದೆ ಎಂದೂ ಕೆಲವು ವಿದ್ಯಾರ್ಥಿಗಳು ಹೇಳಿದ್ದಾರೆ.

ಬೆಂಗಳೂರನ್ನೂ ಒಳಗೊಂಡು 13 ನಗರಗಳಲ್ಲಿ 207 ಮಂದಿ ಶಿಕ್ಷಕರು, 679 ಮಂದಿ ಪೋಷಕರು ಹಾಗೂ 711 ಮಂದಿ ವಿದ್ಯಾರ್ಥಿಗಳ ಅಭಿಪ್ರಾಯ ಸಂಗ್ರಹಿಸಿ ಈ ವರದಿ ಸಿದ್ಧಪಡಿಸಿರುವುದಾಗಿ ಕಂಪನಿಯು ತಿಳಿಸಿದೆ.

‘ಹೈಬ್ರಿಡ್ ಕಲಿಕೆಯ ಮಾದರಿಯಿಂದಾಗಿ ಆನ್‌ಲೈನ್ ಸಂಪನ್ಮೂಲಗಳು ಮತ್ತು ಸಾಂಪ್ರದಾಯಿಕ ತರಗತಿಗಳ ವೈಯಕ್ತಿಕ ಸಂವಹನ ಇವೆರಡರ ಸಂಯೋಜನೆ ಆಗಲಿದ್ದು, ಕಲಿಕೆಯ ಗುಣಮಟ್ಟವು ಇನ್ನಷ್ಟು ಉತ್ತಮಗೊಳ್ಳಲಿದೆ ಎಂದು ಎಚ್‌ಪಿ ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕ ಕೇತನ್‌ ಪಟೇಲ್‌ ಹೇಳಿದ್ದಾರೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT