ರಣ್‌ವೀರ್‌ ಸಿಂಗ್ ‘83’ಗೆ ಕಿಚ್ಚ ಸುದೀಪ್ ಸಾಥ್‌: ಕನ್ನಡ ಟ್ರೈಲರ್ ಬಿಡುಗಡೆ
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು: ಬಾಲಿವುಡ್‌ ನಟ ರಣ್‌ವೀರ್‌ ಸಿಂಗ್ ನಟನೆಯ ‘83’ ಚಿತ್ರದ ಕನ್ನಡ ಅವತರಣಿಕೆಯನ್ನು ಕಿಚ್ಚ ಸುದೀಪ್ ಅವರ ಫ್ಯಾಂಟಮ್‌ ಫಿಲ್ಮ್ಸ್‌ನಡಿ ನಿರ್ಮಾಪಕ ಜಾಕ್‌ ಮಂಜು ಅವರು ಕರ್ನಾಟಕದಲ್ಲಿ ವಿತರಣೆ ಮಾಡಲಿದ್ದಾರೆ.
ಈ ಕುರಿತು ಸುದೀಪ್ ಟ್ವೀಟ್‌ ಮಾಡಿದ್ದು, ‘ಯಾರೂ ಊಹಿಸದ ರೀತಿಯಲ್ಲಿ 1983ರಲ್ಲಿ ವಿಶ್ವಕಪ್‌ ಗೆದ್ದ ಭಾರತ ತಂಡದ ಸಾಧನೆಯ ಕಥೆ ಇದಾಗಿದ್ದು, ನೈಜ ಘಟನೆಯಾಧಾರಿತ ಈ ಸಿನಿಮಾವು ಡಿ.24ರಂದು ಕನ್ನಡ, ಹಿಂದಿ, ತಮಿಳು, ತೆಲುಗು ಹಾಗೂ ಮಲಯಾಳಂದಲ್ಲಿ 3ಡಿಯಲ್ಲಿ ತೆರೆ ಕಾಣಲಿದೆ’ ಎಂದಿದ್ದಾರೆ.
The incredible true story of the underdogs who pulled off the unthinkable! #Thisis83 #83Trailer in Kannada Out Now - https://t.co/Pdmbe7EVS7
83 RELEASING IN CINEMAS ON 24TH DEC, 2021, in Kannada Hindi, Tamil, Telugu, and Malayalam. Also in 3D. pic.twitter.com/QFEtFdCyn8
— Kichcha Sudeepa (@KicchaSudeep) November 30, 2021
ಕ್ರಿಕೆಟಿಗ ಕಪಿಲ್ ದೇವ್ ಅವರ ಪಾತ್ರದಲ್ಲಿ ರಣ್‌ವೀರ್‌ ಸಿಂಗ್ ನಟಿಸಿದ್ದು, ಕಬೀರ್‌ ಖಾನ್‌ ಇದನ್ನು ನಿರ್ದೇಶಿಸಿದ್ದಾರೆ. ಕಪಿಲ್ ದೇವ್ ಅವರ ನಾಯಕತ್ವದಲ್ಲಿ ಭಾರತ ತಂಡವು 1983ರಲ್ಲಿ ವೆಸ್ಟ್‌ ಇಂಡೀಸ್‌ ವಿರುದ್ಧ ಗೆದ್ದು ವಿಶ್ವಕಪ್‌ ಎತ್ತಿತ್ತು. ಚಿತ್ರದಲ್ಲಿ ಕಪಿಲ್ ದೇವ್ ಅವರ ಪತ್ನಿ ರೋಮಿ ಅವರ ಪಾತ್ರದಲ್ಲಿ ದೀಪಿಕಾ ಪಡುಕೋಣೆ, ಕೋಚ್‌ ಪಾತ್ರದಲ್ಲಿ ಪಂಕಜ್‌ ತ್ರಿಪಾಠಿ ನಟಿಸಿದ್ದಾರೆ.
83 ಕನ್ನಡ ಟ್ರೈಲರ್
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
