23 ಸೆಕೆಂಡ್‌ಗಳ ಪುಟ್ಟ ಟೀಸರ್‌ ವಿಡಿಯೊದಲ್ಲಿ ಸಲ್ಮಾನ್‌ ಖಾನ್ ಎಂಟ್ರಿ, ತಾಳಕ್ಕೆ ಹೆಜ್ಜೆ ಹಾಕಿರುವುದನ್ನು ಕಾಣಬಹುದು. ಕೊನೆಯಲ್ಲಿ 'ಹಲೋ, ಕಮ್‌ ಡ್ಯಾನ್ಸ್‌ ವಿತ್‌ ಮಿ' ಎಂದು ಆಹ್ವಾನ ನೀಡಿದ್ದಾರೆ.
'ನಿಮ್ಮೊಂದಿಗೆ ಡ್ಯಾನ್ಸ್‌ ಮಾಡಲು ಅವಕಾಶ ಕೊಡಿ...' ಎಂದು ಅಭಿಯಾನಿಯೊಬ್ಬರು ಕಾಮೆಂಟ್‌ ಮಾಡಿದ್ದರೆ, ಮತ್ತೊಬ್ಬರು 'ಇವರು ದಿನದಿಂದ ದಿನಕ್ಕೆ ಮತ್ತಷ್ಟು ಹ್ಯಾಂಡ್ಸಮ್ ಆಗ್ತಿದ್ದಾರೆ' ಎಂದಿದ್ದಾರೆ. ಕೆಲವರು 'ಡಿಂಕ್‌ಚಕ್‌ ಪೂಜಾ' ಅವರನ್ನೂ ನೆನಪು ಮಾಡಿಕೊಂಡಿದ್ದಾರೆ.
ಕಳೆದ ವಾರ ಸಲ್ಮಾನ್‌ ಖಾನ್ ಅಭಿನಯಿಸಿರುವ ಮ್ಯೂಸಿಕ್‌ ವಿಡಿಯೊ 'ಮೇ ಚಲಾ' ಬಿಡುಗಡೆಯಾಗಿದೆ. ಆ ಹಾಡಿನ ವಿಡಿಯೊ 'ಅಂತಿಮ್‌: ದಿ ಫೈನಲ್‌ ಟ್ರುಥ್‌' ಸಿನಿಮಾಗಾಗಿ ಚಿತ್ರೀಕರಿಸಲಾಗಿತ್ತು. ಆದರೆ, ಸಿನಿಮಾದಲ್ಲಿ ಆ ಹಾಡನ್ನು ಎಡಿಟ್ ಮಾಡಲಾಗಿತ್ತು. ಮೇ ಚಲಾ ಬಿಡುಗಡೆಯಾಗಿ ಒಂದು ವಾರದಲ್ಲಿ 2.77 ಕೋಟಿಗೂ ಅಧಿಕ ವೀಕ್ಷಣೆ ಕಂಡಿದೆ.
ಸಲ್ಮಾನ್‌ ಖಾನ್ ಅವರ ಮುಂದಿನ ಸಿನಿಮಾ ಕತ್ರೀನಾ ಕೈಫ್‌ ಜೋಡಿಯಾಗಿರುವ 'ಟೈಗರ್‌ 3'.
