ಬಾಲಿವುಡ್ ನಿರ್ದೇಶನದತ್ತ ಐಶ್ವರ್ಯಾ ರಜನಿಕಾಂತ್

‘ಒಹ್ ಸಾಥಿ ಚಲ್‘ ಹೆಸರಿನ ಹಿಂದಿ ಚಿತ್ರವನ್ನು ಐಶ್ವರ್ಯಾ ನಿರ್ದೇಶಿಸುತ್ತಿದ್ದಾರೆ. ಈ ಕುರಿತು ಸೋಮವಾರ ಅವರು ಟ್ವಿಟರ್ ಮೂಲಕ ಮಾಹಿತಿ ನೀಡಿದ್ದಾರೆ.

ಪ್ರೇಮಕಥೆಯೊಂದನ್ನು ಈ ಸಿನಿಮಾ ಹೊಂದಿರುತ್ತದೆ ಎನ್ನುವ ಸುಳಿವನ್ನು ಚಿತ್ರದ ಪೋಸ್ಟರ್ ನೀಡುತ್ತಿದ್ದು, ಚಿತ್ರ ನಿರ್ಮಾಣದ ಪೂರ್ವ ತಯಾರಿ ಕೆಲಸಗಳು ನಡೆಯುತ್ತಿದೆ ಎಂದು ಐಶ್ವರ್ಯಾ ಹೇಳಿದ್ದಾರೆ.

ಐಶ್ವರ್ಯಾ ಅವರು ತಮಿಳು ನಟ ಧನುಷ್ ಜತೆಗಿನ ದಾಂಪತ್ಯ ಜೀವನ ಕೊನೆಗೊಳಿಸಿ, ವಿಚ್ಛೇದನ ಪಡೆದುಕೊಂಡಿದ್ದಾರೆ.

ವಿಚ್ಛೇದನದ ಬಳಿಕ ಸಾರ್ವಜನಿಕವಾಗಿ ಮೊದಲ ಬಾರಿಗೆ ಕಾಣಿಸಿಕೊಂಡ ಧನುಷ್

ಕಳೆದ ವಾರ ಬಿಡುಗಡೆಯಾಗಿದ್ದ ಐಶ್ವರ್ಯಾ ನಿರ್ದೇಶನದ ಅಲ್ಬಂ ಸಾಂಗ್ ಒಂದಕ್ಕೆ ಧನುಷ್ ಶುಭ ಹಾರೈಸಿ, ಗೆಳತಿ ಎಂದು ಐಶ್ವರ್ಯಾರನ್ನು ಕರೆದಿದ್ದರು.