ಸಕಲ ಸರ್ಕಾರಿ ಗೌರವಗಳೊಂದಿಗೆ ನಟ ದಿಲೀಪ್ ಕುಮಾರ್ ಅಂತ್ಯಕ್ರಿಯೆ
ಅಕ್ಷರ ಗಾತ್ರ :ಆ |ಆ |ಆ
ಮುಂಬೈ: ತಮ್ಮ 98ನೇ ವಯಸ್ಸಿನಲ್ಲಿ ನಿಧನರಾಗಿದ್ದ ಬಾಲಿವುಡ್ ಖ್ಯಾತ ನಟ ದಿಲೀಪ್ ಕುಮಾರ್ ಅವರ ಅಂತ್ಯಕ್ರಿಯೆ ಇಂದು (ಜು.7) ಸಂಜೆ 4.30ರ ಸುಮಾರಿಗೆ ಮುಂಬೈ ಸಾಂತಾಕ್ರೂಜ್‌ನ ಜುಹು ಕಬರ್‌ಸ್ತಾನದಲ್ಲಿ ಸಕಲ ಸರ್ಕಾರಿ ಗೌರವಗಳೊಂದಿಗೆ ನೆರವೇರಿತು.
ದೀರ್ಘಕಾಲದ ಅನಾರೋಗ್ಯದಿಂದ ಬಳಲುತ್ತಿದ್ದ ಅವರು ಇಂದು ಬೆಳಗ್ಗೆ 7 ಗಂಟೆ ಸುಮಾರಿಗೆ ಕೊನೆಯುಸಿರೆಳೆದಿದ್ದು, ಅವರ ಕೊನೆ ಗಳಿಗೆಯಲ್ಲಿ ಪತ್ನಿ ಸೈರಾ ಬಾನು ಅವರು ಜೊತೆಯಲ್ಲಿದ್ದರು ಎಂದು ಹೇಳಲಾಗಿದೆ. ವಿಷಯ ತಿಳಿಯುತ್ತಿದ್ದಂತೆ ಅಭಿಮಾನಿಗಳು ಆಸ್ಪತ್ರೆ ಸುತ್ತಾ ಜಮಾಯಿಸಿದ್ದರು. ಬಳಿಕ ಪೊಲೀಸರ ಕಾವಲಿನಲ್ಲಿ ದಿಲೀಪ್ ಅವರ ಮೃತದೇಹವನ್ನು ಅವರ ಬಾಂದ್ರಾ ನಿವಾಸಕ್ಕೆ ತರಲಾಯಿತು.
ದಿಲೀಪ್ ಅವರ ಸಾವಿಗೆ ಬಾಲಿವುಡ್‌ನ ನಟ, ನಟಿಯರು ಸಂತಾಪ ಸೂಚಿಸಿದ್ದಾರೆ.
ಉಸಿರಾಟದ ಸಮಸ್ಯೆಯಿಂದ ಬಳಲುತ್ತಿದ್ದ ದಿಲೀಪ್ ಕುಮಾರ್ ಅವರು ಕಳೆದ ವಾರವಷ್ಟೇ ಆಸ್ಪತ್ರೆಗೆ ದಾಖಲಾಗಿದ್ದರು. ದಿಲೀಪ್ ಕುಮಾರ್ ಅವರ ಕುಟುಂಬದ ಆಪ್ತ ಫೈಸಲ್‌ ಫಾರೂಕಿ ಎಂಬುವವರು ದಿಲೀಪ್ ಅವರ ಅಧಿಕೃತ ಟ್ವಿಟರ್‌ ಖಾತೆಯಲ್ಲಿ 'ಇಂದು ಸಂಜೆ 5ಗಂಟೆಗೆ ದಿಲೀಪ್ ಕುಮಾರ್ ಅವರ ಅಂತಿಮ ಸಂಸ್ಕಾರ ಮುಂಬೈ ಸಾಂತಾಕ್ರೂಜ್‌ನ ಜುಹು ಕಬರ್‌ಸ್ತಾನದಲ್ಲಿ ನೆರವೇರಲಿದೆ' ಎಂದು ಪ್ರಕಟಿಸಿದ್ದಾರೆ.
Burial today at 5:00 PM. Juhu Qabrastan at Santacruz Mumbai.
— Dilip Kumar (@TheDilipKumar) July 7, 2021
ಇದನ್ನೂ ಓದಿ: ದಿಲೀಪ್ ಕುಮಾರ್...ನಟನೆಯಾಚೆಗಿನ ವಿಸ್ತಾರ, ಯೂಸುಫ್ ಖಾನ್ ದಿಲೀಪ್ ಆದ ಕಥೆ
ದಿಲೀಪ್ ಕುಮಾರ್ ಅವರು ಮುಂಬೈನ ಹಿಂದುಜಾ ಆಸ್ಪತ್ರೆಯಲ್ಲಿ ಬುಧವಾರ ಸಾವಿಗೀಡಾಗಿದ್ದು, ಸಾವಿನ ಕುರಿತು ದಿಲೀಪ್ ಅವರ ಅಧಿಕೃತ ಟ್ವಿಟರ್‌ ಖಾತೆಯಲ್ಲಿ ಪ್ರಕಟಿಸಲಾಗಿದೆ. 'ಭಾರವಾದ ಹೃದಯ ಮತ್ತು ದುಃಖದಿಂದ ಕೆಲವು ನಿಮಿಷಗಳ ಹಿಂದೆಯಷ್ಟೇ ನಮ್ಮ ಪ್ರೀತಿಯ ದಿಲೀಪ್ ಸಾಬ್ ಅವರು ನಿಧನರಾದರೆಂದು ನಾನು ಘೋಷಿಸುತ್ತೇನೆ. ದೇವರಿಂದಲೇ ಬಂದವರು ನಾವು ಹಾಗೂ ಅವರಲ್ಲಿಯೇ ಮರಳುವೆವು' ಎಂದು ದಿಲೀಪ್ ಕುಮಾರ್ ಅವರ ಕುಟುಂಬದ ಆಪ್ತ ಫೈಸಲ್‌ ಫಾರೂಕಿ ಪ್ರಕಟಿಸಿದ್ದರು.
ದಿಲೀಪ್ ನಟನೆಯ ಪ್ರಮುಖ ಚಿತ್ರಗಳು
ಜುಗ್ನು (1947), ಶಹೀದ್‌ (1948), ಮೇಲಾ (1948), ಅಂದಾಜ್‌ (1949), ಬಾಬುಲ್‌ (1950) ದೀದಾರ್‌ (1951), ದಾಗ್‌ (1952), ಫುಟ್‌ಪಾತ್‌ (1953), ಆನ್‌ (1953), ದೇವದಾಸ್‌ (1955), ನಯಾ ದೌರ್‌ (1957), ಮುಸಾಫಿರ್‌ (1957) ಯಹೂದಿ (1958), ಮಧುಮತಿ (1958),ಕೋಹಿನೂರ್‌ (1960) ಗಂಗಾ ಜಮುನಾ (1961), ರಾಮ್‌ ಔರ್‌ ಶ್ಯಾಮ್‌ (1967)
ಇನ್ನಷ್ಟು...
ಮರೆಯಾದ ಬಾಲಿವುಡ್ ದಿಗ್ಗಜ ದಿಲೀಪ್ ಕುಮಾರ್; ಪ್ರಧಾನಿ ಸೇರಿದಂತೆ ಗಣ್ಯರ ಸಂತಾಪ
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
