ಸಲ್ಮಾನ್ ಅವರಿಗೆ ಎದುರಾಗಿ ನಿಂತು ನಟಿಸುವುದು ಖುಷಿ ಕೊಡುತ್ತದೆ, ಜೊತೆಯಲ್ಲೇ ಭಯವನ್ನೂ ಹುಟ್ಟಿಸುತ್ತದೆ ಎನ್ನುತ್ತಾರೆ ದಿಶಾ. ‘ಸಲ್ಮಾನ್ ಒಬ್ಬ ಸ್ಟಾರ್. ಅವರಿಗೆ ಒಂದು ಪ್ರಭಾವಳಿ ಇದೆ. ಭಾರತ್ ಚಿತ್ರದ ಕೆಲಸಗಳ ಸಂದರ್ಭದಲ್ಲಿ ನಾನು ತೆರೆಯ ಹಿಂದೆ ಭಯಪಟ್ಟಿದ್ದು ಇದೆ. ಆದರೆ, ನಿರ್ದೇಶಕರು ಆ್ಯಕ್ಷನ್ ಎಂದು ಹೇಳಿದಾಗ ಎಲ್ಲವನ್ನೂ ಪಕ್ಕಕ್ಕೆ ಇರಿಸಬೇಕಾಗುತ್ತದೆ. ನಿರ್ದೇಶಕರು ಕಟ್ ಎಂದು ಹೇಳಿದ ತಕ್ಷಣ ನನಗೆ ಮತ್ತೆ ಭಯ ಆಗುತ್ತಿತ್ತು’ ಎನ್ನುವುದು ದಿಶಾ ಅವರ ಮಾತು.