ಆನ್‌ಲೈನ್ ಗೇಮಿಂಗ್ ಗೆ ಸಂಬಂಧಿಸಿದ ಅಪರಾಧಗಳ ವಿಷಯಗಳ ಸುತ್ತ ಈ ಕಥೆಯಿದೆ. ವಿಜಯ್ ರಾಘವೇಂದ್ರ (ಮನಃಶ್ಶಾಸ್ತ್ರಜ್ಞ), ಭಾವನಾ ರಾವ್ (ಪೊಲೀಸ್ ಅಧಿಕಾರಿ), ಮತ್ತು ಶ್ರುತಿ ಪ್ರಕಾಶ್ (ಚಿತ್ರನಟಿ)ಯಾಗಿ ಪಾತ್ರಗಳನ್ನು ನಿರ್ವಹಿಸಿದ್ದಾರೆ, ಹೊಸ ಪ್ರತಿಭೆ ಜೈ ಇಲ್ಲಿ ಗೇಮರ್ ಪಾತ್ರವನ್ನು ನಿರ್ವಹಿಸಿದ್ದಾರೆ. ಅಪರ್ಣಾ, ರವಿ ಭಟ್‌ ಕೂಡಾ ತಾರಾಗಣದಲ್ಲಿದ್ದಾರೆ.

ತಂತ್ರಜ್ಞಾನ ಯುಗದಲ್ಲಿ ನಮ್ಮ ಮೇಲಾಗುವ ಮಾನಸಿಕ ಒತ್ತಡ ಸಂಬಂಧಿಸಿ ಚಿತ್ರದ ಕಥೆಯಿದೆ. ವಾಸ್ತವ ಮತ್ತು ವರ್ಚುವಲ್‌ ರಿಯಾಲಿಟಿ ಲೋಕದ ನಡುವಿನ ಸಂಗತಿಗಳನ್ನು ಚಿತ್ರಿಸಿದ್ದೇವೆ. ಮೂರು ಹಾಡುಗಳು ಮತ್ತು ಹೊಸ ಕಥಾವಸ್ತುವಿನ ಜೊತೆಗೆ ಭಾವನಾತ್ಮಕ ತಿರುವುಗಳು ಚಿತ್ರದಲ್ಲಿವೆ ಎಂದು ಚಿತ್ರತಂಡ ಹೇಳಿಕೊಂಡಿದೆ. ಗಂಗಾಧರ ಸಾಲಿಮಠ ಈ ಚಿತ್ರದ ನಿರ್ದೇಶಕರು. ವರುಣ ಡಿ.ಕೆ. ಛಾಯಾಗ್ರಹಣವಿದೆ. ಆನಂದ ಎಚ್‌. ಮುಗದ್‌ ನಿರ್ಮಾಪಕರು. ಸತೀಶ ಗ್ರಾಮಪುರೋಹಿತ, ಅರವಿಂದ ಜೋಶಿ, ಡೋಲೇಶ್ವರ್‌ ರಾಜ್‌ ಸುಂಕು ಸಹ ನಿರ್ಮಾಪಕರು.