‘ಇದು ಒಂದು ದಿನದಲ್ಲಿ ನಡೆಯುವ ಕಥೆಯಾಗಿದೆ. ಹೀಗಾಗಿ ಎರಡು ಗಂಟೆಯ ಸಿನಿಮಾಗಾಗಿ ಒಂದೇ ರೀತಿಯಲ್ಲಿ ಕಾಣುವುದು ಅಗತ್ಯವಾಗಿತ್ತು. ಇದು ಸವಾಲಿನಿಂದ ಕೂಡಿತ್ತು. ಇದಕ್ಕಾಗಿ ಎರಡು ವಾರ ನಾನು ತಲೆಗೆ ಸ್ನಾನ ಮಾಡಿರಲಿಲ್ಲ’ ಎನ್ನುತ್ತಾರೆ ‘ಸಾಕ್ಷಿ ಗುಲಾಟಿ’ ಎಂಬ ಪಾತ್ರದಲ್ಲಿ ನಟಿಸಿರುವ ರಿತಿಕಾ. ಕಾಲೇಜು ವಿದ್ಯಾರ್ಥಿನಿಯೋರ್ವಳ ಅಪಹರಣದ ಬೆನ್ನಲ್ಲೇ ನಡೆಯುವ ಘಟನೆಗಳನ್ನು ಚಿತ್ರಕಥೆಯು ಹೊಂದಿದೆ. ಮಾಥ್ಯೂಸ್‌ ಡುಪ್ಲೆಸ್ಸಿ ಸಂಗೀತ, ಮಿಥುನ್‌ ಗಂಗೋಪಾಧ್ಯಾಯ ಛಾಯಾಗ್ರಹಣ, ಸುನಿಲ್‌ ರೋಡ್ರಿಗಸ್ ಸಾಹಸ ನಿರ್ದೇಶನ ಚಿತ್ರಕ್ಕಿದೆ. ಸಿನಿಮಾ ಹಿಂದಿ ಸೇರಿದಂತೆ ಕನ್ನಡ, ತೆಲುಗು, ತಮಿಳು ಹಾಗೂ ಮಲಯಾಳಂ ಭಾಷೆಗಳಲ್ಲಿ ತೆರೆಕಾಣಲಿದೆ.