ಬೋಯಪತಿ ಶ್ರೀನು ಹಾಗೂ ನಂದಮುರಿ ಬಾಲಕೃಷ್ಣ ಕಾಂಬಿನೇಷನ್ನಲ್ಲಿ ಹೊಸ ಚಿತ್ರವೊಂದು ತಯಾರಾಗುತ್ತಿರುವುದು ಹಳೆಯ ವಿಷಯ. ಈ ಚಿತ್ರದ ಕುರಿತು ಬಾಲಯ್ಯ ಅಭಿಮಾನಿಗಳು ಬಹಳ ನಿರೀಕ್ಷೆ ಇರಿಸಿಕೊಂಡಿದ್ದಾರೆ. ಅಲ್ಲದೇ ಚಿತ್ರದ ಕುರಿತು ಒಂದಿಲ್ಲೊಂದು ಗಾಳಿಸುದ್ದಿಗಳು ದಿನಕ್ಕೊಂದರಂತೆ ಹರಡುತ್ತಲೇ ಇವೆ. ಈ ಹಿಂದೆ ಬಾಲಯ್ಯ ಹಾಗೂ ಶ್ರೀನು ಕಾಂಬಿನೇಷನ್ನಲ್ಲಿ ಲೆಜೆಂಡ್, ಸಿಂಹದಂತಹ ಸೂಪರ್ ಹಿಟ್ ಸಿನಿಮಾಗಳು ತೆರೆ ಕಂಡಿದ್ದವು. ಈ ಜೋಡಿ ಈಗ ಮತ್ತೆ ಒಂದಾಗಿದ್ದು ಅಭಿಮಾನಿಗಳು ಮನರಂಜನೆಯೊಂದಿಗೆ ಆ್ಯಕ್ಷನ್, ಪವರ್ಫುಲ್ ಡೈಲಾಗ್ಗಳನ್ನು ಎದುರು ನೋಡುತ್ತಿದ್ದಾರೆ.