ಬೆಂಗಳೂರು: ಬಾಲಿವುಡ್ ನಟ ವಿಕ್ಕಿ ಕೌಶಾಲ್ ಮತ್ತು ನಟಿ ಕತ್ರೀನಾ ಕೈಫ್ ಡೇಟಿಂಗ್ ಮಾಡುತ್ತಿದ್ದಾರೆ, ಶೀಘ್ರದಲ್ಲೇ ಅವರು ಮದುವೆಯಾಗಲಿದ್ದಾರೆ ಎಂಬೆಲ್ಲ ಸುದ್ದಿ ಆಗೊಮ್ಮೆ, ಈಗೊಮ್ಮೆ ಹರಿದಾಡುತ್ತಿರುತ್ತದೆ.
ಅದರ ಮಧ್ಯೆ, ಮದುವೆಗಾಗಿ ರಾಜಸ್ಥಾನದ ಸವಾಯ್ ಮಧೋಪುರ್‌ನಲ್ಲಿರುವ ಸಿಕ್ಸ್ ಸೆನ್ಸಸ್ ಫೋರ್ಟ್ ಬರ್ವಾರಾದಲ್ಲಿ ಡಿಸೆಂಬರ್‌ನಲ್ಲಿ ವಿಕ್ಕಿ ಕೌಶಾಲ್ ಮತ್ತು ಕತ್ರೀನಾ ಕೈಫ್ ಮದುವೆ ನಡೆಯಲಿದೆ ಎಂಬ ಸುದ್ದಿಯನ್ನು ಕತ್ರೀನಾ ತಳ್ಳಿ ಹಾಕಿದ್ದಾರೆ.
ಮದುವೆ ಕುರಿತು ಹರಿದಾಡುತ್ತಿರುವ ಕಥೆಯೆಲ್ಲವೂ ಸುಳ್ಳು, ಅದರಲ್ಲಿ ನಿಜಾಂಶವಿಲ್ಲ. ಸದ್ಯಕ್ಕೆ ಮದುವೆ ಬಗ್ಗೆ ಯಾವುದೇ ಯೋಚನೆಯಿಲ್ಲ ಎಂದು ಕತ್ರೀನಾ ಹೇಳಿದ್ದಾರೆ.
ಅಲ್ಲದೆ, ಮದುವೆ ಯಾವಾಗ ಎನ್ನುವ ಪ್ರಶ್ನೆಯನ್ನು ಕಳೆದ ಹದಿನೈದು ವರ್ಷಗಳಿಂದ ನನಗೆ ಕೇಳುತ್ತಿದ್ದಾರೆ ಎಂದು ಕತ್ರೀನಾ ತಿಳಿಸಿದ್ದಾರೆ.
