2017ರಲ್ಲಿ ನಟ ವಿಜಯ್ ಜೊತೆಗೆ ಆಕೆ ತೆರೆ ಹಂಚಿಕೊಂಡ ತಮಿಳಿನ 'ಭೈರವ' ಚಿತ್ರ ಬಾಕ್ಸ್ ಆಫೀಸ್‌ನಲ್ಲಿ ಯಶಸ್ಸು ಕಾಣಲಿಲ್ಲ. ಮರುವರ್ಷ ತೆರೆಕಂಡ ಪವನ್ ಕಲ್ಯಾಣ್ ಜೊತೆಗಿನ ತೆಲುಗಿನ 'ಅಜ್ಞಾತವಾಸಿ' ಮತ್ತು ವಿಕ್ರಮ್ ನಾಯಕರಾಗಿದ್ದ ತಮಿಳಿನ 'ಸಾಮಿ ಸ್ಕ್ವೇರ್' ಸಿನಿಮಾಗಳು ಒಳ್ಳೆಯ ಗಳಿಕೆ ಕಾಣಲಿಲ್ಲ. ಪ್ರಸ್ತುತ 'ಭರತ ಅನೆ ನೇನು', 'ಮಹರ್ಷಿ' ಮತ್ತು 'ಸರಿಲೇರು ನೀಕೆವ್ವರು' ಸಿನಿಮಾಗಳ ಮೂಲಕ ಬ್ಯಾಕ್ ಟು ಬ್ಯಾಕ್ ಸೂಪರ್ ಹಿಟ್ ನೀಡಿ ಬೀಗುತ್ತಿರುವ ಮಹೇಶ್ ಬಾಬು ಸೋಲಿನ ಸುಳಿಗೆ ಜಾರಿದರೆ ಹೇಗೆಂಬುದು ಅವರ ಅಭಿಮಾನಿಗಳ ಚಿಂತೆ.
