‘ಸ್ವಾತಿ ಮುತ್ತಿನ ಮಳೆ ಹನಿಯೇ’ ಶೂಟಿಂಗ್‌ ಮೂಡ್‌ನಲ್ಲಿ ರಮ್ಯಾ?

ರಾಜ್‌.ಬಿ. ಶೆಟ್ಟಿ ಜೊತೆ ರಮ್ಯಾ ತಮ್ಮದೇ ನಿರ್ಮಾಣ ಸಂಸ್ಥೆಯಿಂದ ‘ಸ್ವಾತಿ ಮುತ್ತಿನ ಮಳೆ ಹನಿಯೇ’ ಚಿತ್ರ ಘೋಷಿಸಿದ್ದರು. ಆ್ಯಪಲ್‌ಬಾಕ್ಸ್‌ ಮತ್ತು ರಾಜ್‌ ಅವರ ಲಾಫಿಂಗ್‌ ಬುದ್ಧ ನಿರ್ಮಾಣ ಸಂಸ್ಥೆಯಡಿಯಲ್ಲಿ ಚಿತ್ರ ಸಿದ್ಧವಾಗುತ್ತಿದೆ. ನವಿರಾದ ಪ್ರೇಮಕಥೆಯುಳ್ಳ ಚಿತ್ರದ ಶೂಟಿಂಗ್‌ ಸಿದ್ಧತೆ ನಡೆದಿದೆ.

‘ಗರುಡ ಗಮನ’ದ ನಂತರ ರಾಜ್‌.ಬಿ.ಶೆಟ್ಟಿ ಒಂದು ವಿಚಿತ್ರವಾದ ನವಿರಾದ ಪ್ರೇಮಕಥೆಯನ್ನು ಹೇಳಲಿ ಹೊರಟ್ಟಿದ್ದಾರೆ ಎನ್ನುತ್ತಿದೆ ಚಿತ್ರದ ಮೊದಲ ಪೋಸ್ಟರ್‌. ತಮ್ಮ ಅಭಿಮಾನಿಯಾಗಿರುವ ರಾಜ್‌ ಕಥೆ ಕೇಳಿ ಇಷ್ಟವಾಯ್ತು. ಹೀಗಾಗಿ ನಿರ್ಮಾಣಕ್ಕೆ ಮುಂದಾದೆ ಎಂದು ರಮ್ಯಾ ಹೇಳಿಕೆ ನೀಡಿದ್ದರು. ಚಿತ್ರದಲ್ಲಿಯೂ ರಾಜ್‌ ಅಭಿಮಾನಿ ಪಾತ್ರವನ್ನೇ ನಿರ್ವಹಿಸಲಿದ್ದಾರೆ ಎನ್ನಲಾಗುತ್ತಿದೆ.

ರಾಜ್‌–ರಮ್ಯಾ ಜೊತೆಯಾಗಿ ನಟಿಸುತ್ತಿರುವ ಚಿತ್ರದಲ್ಲಿ ‘ಗರುಡ ಗಮನ’ ಚಿತ್ರದ ತಾಂತ್ರಿಕ ತಂಡವೇ ಕೆಲಸ ಮಾಡಲಿದೆ.