ಡಿಸ್ಕವರಿ ಪ್ಲಸ್ ವಾಹಿನಿಯೂ ಖ್ಯಾತ ಸೆಲೆಬ್ರಿಟಿಗಳಿಗಾಗಿ ಹೊಸ ಕಾರ್ಯಕ್ರಮವೊಂದನ್ನು ಆಯೋಜಿಸುತ್ತಿದೆ. ಇದು ದೇಶದ ಗಡಿಭಾಗದಲ್ಲಿ ದೇಶರಕ್ಷಣೆಗಾಗಿ ಹೋರಾಡುವ ಮಿಲಿಟರಿ ಪಡೆಗಳ ಜೀವನವನ್ನು ತೋರಿಸುವ ಕಾರ್ಯಕ್ರಮವಾಗಿದೆ. ಈ ಷೋಗಾಗಿ ನಟ ರಾಣಾ ದಗ್ಗುಬಾಟಿ ಒಂದಿಡೀ ದಿನವನ್ನು ಗಡಿಯಲ್ಲಿ ಕಳೆದಿದ್ದಾರೆ. ಅಲ್ಲದೇ ಗಡಿಭಾಗದಲ್ಲಿ ಸೈನಿಕರು ಎದುರಿಸುವ ಕಷ್ಟಗಳನ್ನು ಅವರೊಂದಿಗೆ ಇದ್ದು ಅನುಭವವನ್ನು ಪಡೆದುಕೊಂಡಿದ್ದಾರೆ. ಅವರು ಜೈಸಲ್ಮೇರ್ನಲ್ಲಿ ಗಡಿರಕ್ಷಣಾ ಯೋಧರ ಜೊತೆ ದಿನ ಕಳೆದಿದ್ದರು.