ಮುಂಬೈ ಜೈಲಿನಿಂದ ರಿಯಾ ಚಕ್ರವರ್ತಿ ಬಿಡುಗಡೆ; ತಿಂಗಳ ನಂತರ ಮನೆಗೆ

ಬೈಕುಲಾ ಜೈಲಿನಿಂದ ಸಂಜೆ ಬಿಡುಗಡೆಯಾದ ರಿಯಾ ಚಕ್ರವರ್ತಿ ಮುಂಬೈನ ತಮ್ಮ ನಿವಾಸ ತಲುಪಿದರು.

ಹತ್ತು ದಿನಗಳಿಗೆ ಒಮ್ಮೆ ಮುಂಬೈ ಪೊಲೀಸರ ಎದುರು ಹಾಗೂ ತಿಂಗಳಿ ಒಂದು ಬಾರಿ ಮುಂದಿನ 6 ತಿಂಗಳ ವರೆಗೂ ಎನ್‌ಸಿಬಿ ಮುಂದೆ ಹಾಜರಾಗುವಂತೆ ಕೋರ್ಟ್‌ ರಿಯಾ ಅವರಿಗೆ ಸೂಚಿಸಿದೆ. ಒಂದು ಲಕ್ಷ ರೂಪಾಯಿ ವೈಯಕ್ತಿಕ ಬಾಂಡ್‌ ಸಲ್ಲಿಸಬೇಕು ಹಾಗೂ ಸಾಕ್ಷ್ಯಾಧಾರ ನಾಶ ಪಡಿಸುವ ಕಾರ್ಯಗಳಲ್ಲಿ ತೊಡಗದಂತೆ ಎಚ್ಚರಿಕೆ ನೀಡಿದೆ.

ರಿಯಾ ಸೋದರ ಶೋವಿಕ್‌ ಚಕ್ರವರ್ತಿ ಜಾಮೀನು ಅರ್ಜಿಯನ್ನು ಕೋರ್ಟ್‌ ತಿರಸ್ಕರಿಸಿದೆ. ಪ್ರಕರಣದ ಆರೋಪಿಗಳಾದ ದೀಪೇಶ್‌ ಸಾವಂತ್‌ ಮತ್ತು ಸ್ಯಾಮ್ಯುಯೆಲ್‌ ಮಿರಾಂಡ ಅವರಿಗೆ ಜಾಮೀನು ನೀಡಲಾಗಿದೆ. ಈ ಎಲ್ಲ ಆರೋಪಿಗಳನ್ನು ಎನ್‌ಸಿಬಿ ಕಳೆದ ತಿಂಗಳು ಬಂಧಿಸಿತ್ತು.

ಸುಶಾಂತ್‌ ಸಿಂಗ್‌ ಜೂನ್‌ 14ರಂದು ಮುಂಬೈನ ಬಾಂದ್ರಾದಲ್ಲಿರುವ ಅಪಾರ್ಟ್‌ಮೆಂಟ್‌ನಲ್ಲಿ ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದರು.