ವಿಚ್ಛೇದನ ಬಳಿಕ ಸಾಮಾಜಿಕ ತಾಣಗಳಲ್ಲಿ ಹೆಸರು ಬದಲಾಯಿಸಿಕೊಂಡ ಸಮಂತಾ

ಬೆಂಗಳೂರು: ತೆಲುಗಿನ ನಟ ನಾಗ ಚೈತನ್ಯ ಮತ್ತು ನಟಿ ಸಮಂತಾ ರುತ್ ಪ್ರಭು ನಡುವಣ ದಾಂಪತ್ಯ ಕೊನೆಗೊಂಡಿದೆ.

ಅಕ್ಕಿನೇನಿ ಕುಟುಂಬದ ಚೈತನ್ಯ, 2017ರಲ್ಲಿ ಸಮಂತಾ ಅವರನ್ನು ವಿವಾಹವಾಗಿದ್ದರು. ಬಳಿಕ ಅ. 2ರ ಶನಿವಾರ ಇಬ್ಬರೂ ತಮ್ಮ ವಿಚ್ಛೇದನ ಕುರಿತು ಸಾಮಾಜಿಕ ತಾಣಗಳಲ್ಲಿ ಘೋಷಿಸಿದ್ದರು.

ಅದಾದ ಬಳಿಕ ಸಮಂತಾ ರುತ್ ಪ್ರಭು, ತಮ್ಮ ಅಧಿಕೃತ ಇನ್‌ಸ್ಟಾಗ್ರಾಂ ಖಾತೆಯ ಹೆಸರು ಬದಲಾಯಿಸಿಕೊಂಡಿದ್ದಾರೆ.

ಸಮಂತಾ ಅವರಿಗೆ ಇನ್‌ಸ್ಟಾಗ್ರಾಂನಲ್ಲಿ 1.9 ಕೋಟಿ ಫಾಲೋವರ್ಸ್ ಇದ್ದಾರೆ.

ನಾಗ ಚೈತನ್ಯ ಜತೆಗಿದ್ದಾಗ ಸಮಂತಾ ಅವರ ಹೆಸರು ಸಮಂತಾ ಅಕ್ಕಿನೇನಿ ಎಂದು ಖಾತೆ ಹೆಸರು ಹೊಂದಿದ್ದರು. ಬಳಿಕ, ಅಕ್ಕಿನೇನಿ ಸರ್‌ನೇಮ್ ತೆಗೆದುಹಾಕಿ, ಸಮಂತಾ ಎಂದಷ್ಟೇ ಉಳಿಸಿಕೊಂಡಿದ್ದರು. ಈ ವಿಚಾರ ಚರ್ಚೆಗೆ ಗ್ರಾಸವಾಗಿದ್ದು, ದಂಪತಿ ಮಧ್ಯೆ ಎಲ್ಲವೂ ಸರಿಯಿಲ್ಲ ಎಂಬ ಮಾತು ಕೇಳಿಬಂದಿತ್ತು.

ಕಡೆಗೂ ಬೇರೆ ಬೇರೆಯಾದ ನಾಗ ಚೈತನ್ಯ ಹಾಗೂ ಸಮಂತಾ: ಡಿವೋರ್ಸ್ ಘೋಷಣೆ

ವಿಚ್ಛೇದನ ಅಧಿಕೃತವಾಗುತ್ತಲೇ, ಸಮಂತಾ, ತಮ್ಮ ಅಧಿಕೃತ ಇನ್‌ಸ್ಟಾಗ್ರಾಂ ಖಾತೆಯ ಹೆಸರನ್ನು ಸಮಂತಾ ರುತ್ ಪ್ರಭು ಎಂದು ಬದಲಾಯಿಸಿಕೊಂಡಿದ್ದಾರೆ.

ದುಬೈ ಮೂಲದ ಉದ್ಯಮಿಯನ್ನು ಮದುವೆಯಾಗಲಿದ್ದಾರೆ ಕೆಜಿಎಫ್ ಸ್ಟಾರ್ ಮೌನಿ ರಾಯ್