ಚಿತ್ರರಂಗ ಮತ್ತು ಅಭಿಮಾನಿಗಳ ವಲಯದಲ್ಲಿ ‘ಫ್ಯಾಮಿಲಿ ಮ್ಯಾನ್’ ಅಂತಲೇ ಶಾಹಿದ್ ಗುರುತಿಸಿಕೊಂಡಿದ್ದು, ವೈಯಕ್ತಿಕ ಜೀವನದ ಸಂತಸದ ಕ್ಷಣಗಳನ್ನು ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ತಪ್ಪದೇ ಹಂಚಿಕೊಳ್ಳುವ ಅಭ್ಯಾಸ ಹೊಂದಿದ್ದಾರೆ. ಸಿನಿಮಾ ಅಥವಾ ಸಿನಿಮೇತರ ಕಾರ್ಯಕ್ರಮಗಳಿರಲಿ ಅಲ್ಲಿ ಪತ್ನಿ ಮೀರಾಳ ಹಾಜರಿ ಕಡ್ಡಾಯವಾಗಿರುವಂತೆ ನೋಡಿಕೊಳ್ಳುತ್ತಾರೆ ಶಾಹಿದ್. ಇನ್ನು ಪುಟ್ಟ ಮಕ್ಕಳಾದ ಮಿಶಾ ಮತ್ತು ಜೇನ್ ವಿಷಯಕ್ಕೆ ಬಂದಲ್ಲಿ ಶೂಟಿಂಗ್ ಮುಗಿಸಿ ಎಷ್ಟೇ ದಣಿವಾಗಿದ್ದರೂ ಮಕ್ಕಳ ಜೊತೆ ಆಟವಾಡುವುದನ್ನು ಶಾಹಿದ್ ತಪ್ಪಿಸುವುದಿಲ್ಲ.