‘ಬಹಳ ದಿನಗಳ ನಂತರ ನಾನು ಥಿಯೇಟರ್ನಲ್ಲಿ ಮೇಮ್ ಫೇಮಸ್ ಸಿನಿಮಾವನ್ನು ನೋಡಿದೆ. ಅದರಲ್ಲೂ ಈ ಹುಡುಗ ಸುಮಂತ್ ಪ್ರಭಾಸ್ನನ್ನು ನೋಡಿ ಬೆರಗಾದೆ. ಆತ ನಟ ನಿರ್ದೇಶಕನಾಗಿ ಉಜ್ವಲ ಭವಿಷ್ಯವನ್ನು ಹೊಂದಿದ್ದಾನೆ. ಎಲ್ಲ ಪಾತ್ರಗಳನ್ನು ತುಂಬಾ ಚೆನ್ನಾಗಿ ಹೆಣೆಯಲಾಗಿದೆ ಹಾಗೂ ಎಲ್ಲರ ಅಭಿನಯ ಅತ್ಯಂತ ಸಹಜವಾಗಿದೆ. ಯುವಕರನ್ನು ಪ್ರೋತ್ಸಾಹಿಸಬೇಕು ಕಣ್ರಿ, ಹಿಂದೆ ಜಗ್ಗಬಾರದು’ ಎಂದು ಟ್ವೀಟ್ ಮಾಡಿದ್ದಾರೆ.
ಮೇಮ್ ಫೇಮಸ್ ಸಿನಿಮಾವನ್ನು ಅನುರಾಗ್ ರೆಡ್ಡಿ ಹಾಗೂ ಇತರರು ನಿರ್ಮಾಣ ಮಾಡಿದ್ದಾರೆ. ಇದು ತೆಲಗಾಂಣದ ಸುಂದರ ಹಳ್ಳಿಯೊಂದರಲ್ಲಿ ನಡೆಯುವ ಮೂರು ಯುವಕರ ಕಥೆಯಾಗಿದೆ. ಸುಮಂತ್ ಪ್ರಭಾಸ್ ಜೊತೆ ಸಾರ್ಯಾ ಲಕ್ಷ್ಮಣ್, ಮಣಿ ಆಯಿಗುರಲಾ, ಕಿರಣ್ ಮಾಚಾ. ಅಂಜಿ ಮಾಮಾ, ಮುರುಳಿಧರ್ ಅಭಿನಯಿಸಿದ್ದಾರೆ. ಈ ಚಿತ್ರದಲ್ಲಿ ಪಾತ್ರವರ್ಗ ಹಾಗೂ ತಾಂತ್ರಿಕ ವರ್ಗ ಬಹುತೇಕ ಹೊಸಬರೇ ತುಂಬಿದ್ದಾರೆ.