ಭಾನುವಾರ, ಜೂಲೈ 5, 2020
27 °C

‘ಕಿರಗೂರಿನ’ ಸುಮನ್‌ ಪುದುಚೇರಿಯಲ್ಲಿ ಮದುವೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

prajavani

ನಿರ್ದೇಶಕಿ ಸುಮನ್ ಕಿತ್ತೂರು ಅವರು ಪುದುಚೇರಿಯಲ್ಲಿ ನೆಲೆಸಿರುವ ಸಾಫ್ಟ್‌ವೇರ್‌ ಎಂಜಿನಿಯರ್‌ ಶ್ರೀನಿವಾಸ್ ಅವರನ್ನು ಸರಳವಾಗಿ ವಿವಾಹ ಆಗಿದ್ದಾರೆ. ಲಾಕ್‌ಡೌನ್‌ ಅವಧಿಯಲ್ಲಿ ನಡೆದ ಈ ವಿವಾಹದಲ್ಲಿ ವಧು ಹಾಗೂ ವರನ ಕುಟುಂಬದ ಸದಸ್ಯರು ಮಾತ್ರ ಪಾಲ್ಗೊಂಡಿದ್ದರು.

‘ಲಾಕ್‌ಡೌನ್‌ ಆಗಿದ್ದ ಕಾರಣ ಯಾರನ್ನೂ ಕರೆಯಲು ಆಗಿರಲಿಲ್ಲ. ವಿವಾಹದ ದಿನಾಂಕ ನಿಶ್ಚಯಿಸಲು ಎರಡೂ ಕುಟುಂಬದ ಸದಸ್ಯರು ಪುದುಚೇರಿಯಲ್ಲಿ ಸೇರಿದ್ದರು. ಆ ಹೊತ್ತಿನಲ್ಲೇ ಲಾಕ್‌ಡೌನ್‌ ಘೋಷಣೆಯಾಗಿ, ವಿಮಾನಗಳು ರದ್ದಾಗಿಬಿಟ್ಟವು. ಹಾಗಾಗಿ, ಪುದುಚೇರಿಯಲ್ಲೇ ಸರಳವಾಗಿ ವಿವಾಹ ಆಗಬೇಕಾಯಿತು’ ಎಂದರು ಸುಮನ್.

ಶ್ರೀನಿವಾಸ್ ಅವರ ತಾಯಿ ಶಿವಮೊಗ್ಗ ಜಿಲ್ಲೆಯ ಮಂಡಗದ್ದೆಯವರು, ತಂದೆ ಆಂಧ್ರಪ್ರದೇಶದ ಕಡಪದವರು. ಅವರ ಕುಟುಂಬ ಪುದುಚೇರಿಯಲ್ಲೇ ನೆಲೆಸಿದೆ. ಈ ಕುಟುಂಬವು ಸುಮನ್ ಅವರಿಗೆ ವರ್ಷಗಳಿಂದ ಪರಿಚಿತವಾಗಿತ್ತು. ಶ್ರೀನಿವಾಸ್ ಅವರು ಮೈಸೂರಿನಲ್ಲಿ ತಮ್ಮ ವೃತ್ತಿ ಮುಂದುವರಿಸಲಿದ್ದಾರಂತೆ.

‘ಕಿರಗೂರಿನ ಗಯ್ಯಾಳಿಗಳು’, ‘ಕಳ್ಳರ ಸಂತೆ’ ಸುಮನ್ ನಿರ್ದೇಶನದ ಕೆಲವು ಸಿನಿಮಾಗಳು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು