ಯೂ–ಟ್ಯೂಬ್‌ನಲ್ಲಿ ತುಳು ಸಿನಿಮಾ ಪೆಪ್ಪೆರೆರೆ ಪೆರೆರೆರೆ ಪ್ರಸಾರ: ದೂರು ದಾಖಲು

‘ಸುಮಾರು₹ 1 ಕೋಟಿಗೂ ಹೆಚ್ಚಿನ ಮೊತ್ತದ ವೆಚ್ಚದಲ್ಲಿ ಈ ಚಿತ್ರವನ್ನು ನಿರ್ಮಾಣ ಮಾಡಿ ಒ.ಟಿ.ಟಿ ವೇದಿಕೆಗಳಲ್ಲಿ ಪ್ರಸಾರ ಮಾಡಿದ್ದೇವೆ. ಈ ತುಳು ಚಲನಚಿತ್ರವನ್ನು ನಿಶಾನ್ ವರುಣ್ ಮೂವೀಸ್ ಸಂಸ್ಥೆಯವರ ಅನುಮತಿ ಪಡೆಯದೆಯೇ ‘ತುಳು ಸೂಪರ್ ಕಾಮಿಡಿ 2.0’ ಯ್ಯೂಟ್ಯೂಬ್ ಚಾನಲ್‌ನಲ್ಲಿ ಪ್ರಸಾರ ಮಾಡಲಾಗಿದೆ. ಇದರಿಂದ ನಷ್ಟ ಉಂಟಾಗಿದೆ‘ ಎಂದು ಚಲನಚಿತ್ರದ ನಿರ್ಮಾಣ ಮಾಡಿದ ನಿಶಾನ್ ವರುಣ್ ಮೂವೀಸ್ ಸಂಸ್ಥೆಯವರು ಪೊಲಿಸರಿಗೆ ದೂರು ನೀಡಿದ್ದಾರೆ.

‘ತುಳು ಸೂಪರ್ ಕಾಮಿಡಿ 2.0’ ಯ್ಯೂಟ್ಯೂಬ್ ಚಾನಲ್ ವಿರುದ್ಧ ಕಾನೂನು ಕ್ರಮ ಜರುಗಿಸಬೇಕು ಎಂದು ಸಂಸ್ಥೆಯು ಒತ್ತಾಯಿಸಿದೆ.